Weekly Horoscope: ಸಾವಿರ ಅವಕಾಶ ನಿಮ್ಮನ್ನ ಹುಡುಕಿ ಬರಲಿದೆ, ಹೊಸವರ್ಷದ ಮೊದಲ ವಾರ 12 ರಾಶಿಗಳಿಗೆ ಹೇಗಿರಲಿದೆ?

ಮೇಷ: ನೀವು ಹಿರಿಯರ ಆಶೀರ್ವಾದ ಪಡೆಯುವುದು ಈ ವಾರ ಬಹಳ ಮುಖ್ಯವಾಗುತ್ತದೆ. ಅಲ್ಲದೇ ಕೆಲ ಸಂಬಂಧಗಳು ಗಟ್ಟಿಯಾಗಬಹುದು. ನಿಮ್ಮ ಜೀವನದ ಮೇಲಿನ ಭರವಸೆ ಹೆಚ್ಚಾಗುತ್ತದೆ. ಕೆಟ್ಟ ಅಭ್ಯಾಸಗಳಿಂದ ದೂರ ಇರುವುದು ಉತ್ತಮ. ಇಲ್ಲದಿದ್ರೆ ಸಮಸ್ಯೆ ಮೈ ಮೇಲೆ ಎಳೆದುಕೊಂಡಂತೆ ಆಗುತ್ತದೆ. ಈ ವಾರ ಬಹಳ ಸಂತೋಷದ ವಾರವಾಗಿದ್ದು, ನೆಮ್ಮದಿ ಇರುತ್ತದೆ.

ವೃಷಭ: ಸ್ವಲ್ಪ ಎಚ್ಚರಿಕೆ ಅಗತ್ಯ ಈ ವಾರ. ಯಾರಾದರೂ ಸಲಹೆ ಕೊಟ್ಟರೆ ನೆಗ್ಲೆಕ್ಟ್ ಮಾಡಬೇಡಿ. ಸ್ವಲ್ಪ ಕಿರಿಕಿರಿಯ ವಾರ ಇದು ಎನ್ನಬಹುದು. ಸಮಯಪ್ರಜ್ಞೆ ನಿಮಗೆ ಸ್ವಲ್ಪ ಮಟ್ಟಿಗೆ ಸಹಾಯ ಮಾಡುತ್ತದೆ. ಸಮಸ್ಯೆಗಳು ಇರುವ ಕಾರಣ ತಾಳ್ಮೆ ಸಹ ಬಹಳ ಮುಖ್ಯವಾಗುತ್ತದೆ. ಕೆಲಸಗಳು ನಿಧಾನವಾಗುವ ಸಾಧ್ಯತೆ ಇದೆ. ಆರೋಗ್ಯದ ಬಗ್ಗೆ ಕಾಳಜಿ ಇರಲಿ.

ಮಿಥುನ: ನೀವು ಕಲ್ಪನಾ ಲೋಕದಿಂದ ಹೊರ ಬರಲು ಇದು ಸರಿಯಾದ ಸಮಯ. ಮುಖ್ಯವಾಗಿ ಇದು ನಿಮ್ಮ ಜೀವನಕ್ಕೆ ಬಹಳ ಅವಶ್ಯಕತೆ ಇದೆ. ಕೆಲವೊಂದು ಕೆಲಸಗಳನ್ನು ನಿರ್ದಿಷ್ಟ ರೀತಿಯಲ್ಲಿ ಮಾಡಲು ಸಾಧ್ಯವಾಗುವುದಿಲ್ಲ ಎಂಬುದು ಅರ್ಥವಾಗಿದೆ. ಹಾಗಾಗಿ ಹೊಸ ಯೋಜನೆಯನ್ನು ಆರಂಭಿಸಲು ಒಳ್ಳೆಯ ವಾರ. ತಪ್ಪುಗಳಿಂದ ಪಾಠ ಕಲಿಯುವ ಸಮಯ ಇದು.

ಕಟಕ: ನಿಮ್ಮ ಉದಾರ ಮನಸ್ಸಿನ ಕಾರಣದಿಂದ ಪ್ರಶಂಸೆಗೆ ಪಾತ್ರರಾಗುತ್ತೀರಿ. ಮೂರನೇ ವ್ಯಕ್ತಿಯ ದುರಾಸೆ ಹಾಗೂ ನಿಯಂತ್ರಣದ ಸ್ವಭಾವ ನಿಮಗೆ ಸಮಸ್ಯೆ ಉಂಟು ಮಾಡುತ್ತದೆ. ಇದು ಯಾರಿಗೂ ಸವಾಲು ಹಾಕುವ ಸಮಯವಲ್ಲ. ಕುಟುಂಬದಿಂದ ನಿಮಗೆ ಹೆಚ್ಚಿನ ಬೆಂಬಲ ಸಿಗುತ್ತದೆ. ಹಣಕಾಸಿನ ಪರಿಸ್ಥಿತಿ ಸುಧಾರಿಸುತ್ತದೆ.

ಸಿಂಹ: ಈ ವಾರ ನಿಮ್ಮ ಜೀವನದಲ್ಲಿ ಎಲ್ಲವೂ ಸಮತೋಲಿತವಾಗಿರುತ್ತದೆ. ಈ ವಾರ ನೀವು ಬೇರೆಯವರನ್ನು ಪ್ರೇರೇಪಿಸುವ ಕೆಲಸ ಮಾಡುತ್ತೀರಿ. ನಿಮ್ಮ ಸಾಮರ್ಥ್ಯದ ಅರಿವು ನಿಮಗೆ ಆಗಲಿದೆ. ದೂರದಿಂದ ಒಳ್ಳೆಯ ಸುದ್ದಿ ಬರಲಿದೆ. ಮನೆಗೆ ಸಂಬಂಧಪಟ್ಟ ಕೆಲಸಗಳನ್ನು ಮಾಡಲು ಇದು ಸೂಕ್ತವಾದ ಸಮಯ.

ಕನ್ಯಾ: ಕೆಲ ಆರ್ಥಿಕ ವಿಚಾರಗಳು ನಿಮ್ಮ ಮನಸ್ಸಿನ ಮೇಲೆ ಪರಿಣಾಮ ಬೀರುತ್ತದೆ. ಈ ವಾರ ನಿಮ್ಮ ಖರ್ಚು ಹೆಚ್ಚಾಗಬಹುದು. ಹಾಗಾಗಿ ಯೋಚನೆ ಮಾಡಿ ಖರ್ಚು ಮಾಡುವುದು ಸೂಕ್ತ. ಕೆಲಸಗಳನ್ನು ಮಾಡಲು ಸುಲಭವಾದ ಮಾರ್ಗವನ್ನು ಕಂಡುಕೊಳ್ಳುವುದು ಸೂಕ್ತ. ಕೆಲ ಚಿಂತೆಗಳು ಕಾಡಬಹುದು, ಆದರೆ ನಿಮ್ಮ ಗುರಿಯತ್ತ ಗಮನ ಇರಲಿ.

ತುಲಾ: ಅತಿಯಾದ ಕೆಲಸ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಹಾಗಾಗಿ ಈ ವಾರ ಶಾಂತಿ ಹಾಗೂ ವಿಶ್ರಾಂತಿ ಮುಖ್ಯವಾಗುತ್ತದೆ. ಕೆಲ ಜನರ ವರ್ತನೆ ನಿಮಗೆ ಗೊಂದಲ ಉಂಟು ಮಾಡಬಹುದು. ಹಾಗೆಯೇ ಯಾವುದೇ ಗಾಸಿಪ್ ನಂಬುವ ಮೊದಲು ಸ್ವಲ್ಪ ಮಾಹಿತಿ ತಿಳಿದುಕೊಳ್ಳಿ. ಲೆಕ್ಕಾಚಾರ ಮಾಡಿ ಯಾವುದೇ ಕೆಲಸ ಮಾಡುವುದು ಸೂಕ್ತ.

ವೃಶ್ಚಿಕ: ಈ ವಾರ ನಿಮಗಾಗಿ ಸಮಯ ಮೀಸಲಿಡಿ. ನಿಮ್ಮ ಕೆಲಸಗಳನ್ನು ಪೂರ್ಣಗೊಳಿಸಲು ಇದು ಉತ್ತಮ ಸಮಯ ಎನ್ನಬಹುದು. ಕೆಲವೊಂದು ವಿಚಾರಕ್ಕೆ ಸಂಬಂಧಪಟ್ಟಂತೆ ನಿಮ್ಮ ಅಭಿಪ್ರಾಯವನ್ನು ನೀವೇ ಇಟ್ಟುಕೊಳ್ಳಿ, ಇತರರಿಗೆ ಹೇಳಲು ಹೋಗಬೇಡಿ. ಕೆಲ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ.

ಧನಸ್ಸು: ಈ ವಾರ ನಿಮ್ಮ ವಾರ ಎನ್ನಬಹುದು. ಮುಂದೆ ಬರಲು ನಿರ್ಧಾರ ಮಾಡಿದ್ದೀರಿ, ಈ ಸಮಯದಲ್ಲಿ ನಿಮ್ಮನ್ನ ತಡೆಯಲು ಯಾರಿಗೂ ಸಾಧ್ಯವಿಲ್ಲ. ಮನರಂಜನೆ ಹಾಗೂ ಮಾಧ್ಯಮ ಕ್ಷೇತ್ರದಲ್ಲಿ ಇರುವವರಿಗೆ ಈ ವಾರ ಲಾಭ ಹೆಚ್ಚಾಗಲಿದೆ. ಬಹಳ ಹಳೆಯ ಸಮಸ್ಯೆಗಳು ನಿವಾರಣೆಯಾಗುತ್ತದೆ.

ಮಕರ: ಸಣ್ಣ ವಿಚಾರವನ್ನು ದೊಡ್ಡದು ಮಾಡಬೇಡಿ, ಅನಗತ್ಯವಾಗಿ ಮಾತು ಬೆಳೆಸುವುದು ನಿಮಗೆ ಅಪಾಯ ಎನ್ನಬಹುದು. ಈ ವಾರ ಕಠಿಣ ಪರಿಶ್ರಮದ ಅಗತ್ಯವಿದೆ. ಯಾವುದೇ ಕೆಲಸವನ್ನು ಮಾಡುವ ಮೊದಲು ಸಾವಿರ ಬಾರಿ ಯೋಚನೆ ಮಾಡಿ ಹಾಗೂ ಎಲ್ಲಾ ತಯಾರಿ ಮಾಡಿಕೊಳ್ಳಿ. ನಿಮ್ಮ ಸಂಬಂಧದ ವಿಚಾರವಾಗಿ ಸ್ವಲ್ಪ ತಾಳ್ಮೆ ಅಗತ್ಯ ಹಾಗೂ ಸಂಗಾತಿಯ ಜೊತೆ ಸಮಯ ಕಳೆಯುವುದು ಮುಖ್ಯ.

ಕುಂಭ: ಕೆಲ ವಿಚಾರಗಳು ಸ್ವಲ್ಪ ನಿಧಾನವಾದರೂ ಸಹ ನಂತರ ಫಲ ನೀಡುತ್ತದೆ. ಯಾವುದೇ ಕೆಲಸ ಮಾಡಲು ಆತುರ ಬೇಡ. ನಿಧಾನವಾಗಿ ಯೋಚನೆ ಮಾಡಿ ಮಾಡುವುದು ಉತ್ತಮ. ಹಾಗಂತ ಸ್ವಲ್ಪವೂ ಸುಮ್ಮನಿರುವ ಸಮಯ ಇದು. ನಿಮಗಾಗಿ ಕೆಲಸ ಮಾಡಬೇಕು. ನಿಮ್ಮ ಅಭಿವೃದ್ಧಿಗೆ ಇದು ಅಗತ್ಯ.

ಮೀನ: ಒಂದು ಬಾಗಿಲು ಮುಚ್ಚಿದರೆ ಸಾವಿರ ಬಾಗಿಲು ತೆರೆದುಕೊಳ್ಳುತ್ತದೆ. ಕೆಲ ಆಯ್ಕೆಗಳನ್ನು ಮಾಡುವ ಸಮಯ ಇದು ಎನ್ನಬಹುದು. ಹಿಂದಿನ ವಿಚಾರಗಳನ್ನು ಮರೆತು ಭವಿಷ್ಯದ ಬಗ್ಗೆ ಯೋಚನೆ ಮಾಡಿ. ಹೊಸ ಸಂಬಂಧಗಳು ನಿಮಗಾಗಿ ಕಾಯುತ್ತಿರಬಹುದು. ಕೆಲಸ ಹುಡುಕುತ್ತಿರುವವರಿಗೆ ಇದು ಉತ್ತಮ ಸಮಯ.