Venus Transit: 4 ರಾಶಿಯವರಿಗೆ ಬೇಡ ಅಂದ್ರೂ ಸಿಗುತ್ತೆ ದುಡ್ಡು, ಶುಕ್ರನಿಂದ ಸಂಪತ್ತಿನ ಮಳೆ

ಗ್ರಹಗಳು ನಮ್ಮ ಜೀವನದ ಬಹುಮುಖ್ಯವಾದ ಅಂಗ ಎನ್ನಬಹುದು. ಜಾತಕದಲ್ಲಿ ಇವುಗಳ ಸ್ಥಾನದ ಅನುಸಾರ ನಮ್ಮ ಭವಿಷ್ಯ ನಿರ್ಧಾರವಾಗುತ್ತದೆ. ಹಾಗಾಗಿ ಅವುಗಳು ತಮ್ಮ ಸ್ಥಾನ ಬದಲಾವಣೆ ಮಾಡಿದಾಗ ಅದರ ಪರಿಣಾಮ ನಮ್ಮ ಮೇಲೆ ಆಗುತ್ತದೆ.

ಇನ್ನು ಶುಕ್ರನನ್ನ ಸಂಪತ್ತಿನ ಗ್ರಹ ಎನ್ನಲಾಗುತ್ತದೆ. ನಮ್ಮ ಜಾತಕದಲ್ಲಿ ಶುಕ್ರ ಉನ್ನತವಾದ ಸ್ಥಾನದಲ್ಲಿ ಇದ್ದರೆ ಸಂಪತ್ತು ಹಾಗೂ ಐಷಾರಾಮಿ ಜೀವನ ನಮ್ಮದಾಗುತ್ತದೆ ಎನ್ನಲಾಗುತ್ತದೆ. ಹೀಗಾಗಿ ಶುಕ್ರ ಸಂಚಾರಕ್ಕೆ ಜ್ಯೋತಿಷ್ಯದಲ್ಲಿ ಮಹತ್ವದ ಸ್ಥಾನ ನೀಡಲಾಗಿದೆ.

ಇದೇ ತಿಂಗಳ ಮೇ 10ರಂದು ಶುಕ್ರ ತನ್ನ ಸ್ಥಾನ ಬದಲಾವಣೆ ಮಾಡುತ್ತಿದ್ದು, ಕಟಕ ರಾಶಿಗೆ ಪ್ರವೇಶ ಮಾಡಲಿದೆ. ಈ ಸಂಚಾರದಿಂದ ಅನೇಕ ರಾಶಿಗಳ ಜೀವನದಲ್ಲಿ ಸಂತೋಷ ದುಪ್ಪಟ್ಟಾಗಲಿದ್ದು, ಆರ್ಥಿಕವಾಗಿ ಲಾಭವಾಗಲಿದೆ. ಆ ಲಕ್ಕಿ ರಾಶಿಗಳು ಯಾವುವು ಎಂಬುದು ಇಲ್ಲಿದೆ.

ಕಟಕ ರಾಶಿ: ಈ ಶುಕ್ರ ಸಂಚಾರದಿಂದ ಕಟಕ ರಾಶಿಯವರಿಗೆ ಎಲ್ಲಾ ರೀತಿಯ ಸಂತೋಷ ಸಿಗುತ್ತದೆ. ಈ ಸಮಯದಲ್ಲಿ ಹೊಸ ಯೋಜನೆ ಪ್ರಾರಂಭಿಸಿದರೆ ಅದರಲ್ಲಿ ಸಹ ಲಾಭವಾಗುತ್ತದೆ. ಹಣಕಾಸಿನ ಬಹುತೇಕ ಯೋಜನೆಗಳು ನಿಮ್ಮ ಜೀವನವನ್ನೇ ಬದಲಾಯಿಸಲಿದೆ.

ಮೇಷ ರಾಶಿ: ಈ ಶುಕ್ರನ ಸಂಚಾರದಿಂದ ಮೇಷ ರಾಶಿಯವರಿಗೆ ಪ್ರತಿ ಕೆಲಸದಲ್ಲಿ ಯಶಸ್ಸು ಸಿಗುತ್ತದೆ. ಈ ಸಮಯದಲ್ಲಿ ಮಾಡುವ ಪ್ರಯಾಣ ಬಹಳ ಲಾಭದಾಯಕವಾಗಿರುತ್ತದೆ. ಅವಿವಾಹಿತರಿಗೆ ಮದುವೆ ಭಾಗ್ಯವಿದ್ದು, ಒಟ್ಟಾರೆ ಇದು ಬಹಳ ಸಂತಸದ ಸಮಯ ಎನ್ನಬಹುದು.

ಮೀನ ರಾಶಿ: ಈ ಶುಕ್ರನ ಸಂಚಾರ ಮೀನ ರಾಶಿಯವರಿಗೆ ಬದುಕಲು ಹೊಸ ಕಾರಣವನ್ನು ನೀಡುತ್ತದೆ. ಅಲ್ಲದೇ, ಈ ಸಮಯದಲ್ಲಿ ವಾಹನ ಅಥವಾ ಆಸ್ತಿ ಖರೀದಿ ಮಾಡಬಹುದು. ಅಲ್ಲದೇ, ಈಗ ನೀವು ಒಂದು ಉತ್ತಮ ನಿರ್ಧಾರ ಮಾಡಿದರೆ ಭವಿಷ್ಯದಲ್ಲಿ ಲಾಭ ಸಿಗಲಿದೆ.

ವೃಶ್ಚಿಕ ರಾಶಿ: ಶುಕ್ರ ಈ ರಾಶಿಯವರ ಜೀವನದಲ್ಲಿ ಅನಿರೀಕ್ಷಿತ ಬದಲಾವಣೆ ತರಲಿದ್ದು, ಹಿರಿಯರಿಂದ ಆಸ್ತಿ ಸಿಗಲಿದೆ. ಅಲ್ಲದೇ, ಈ ಸಮಯದಲ್ಲಿ ಆರ್ಥಿಕ ಪರಿಸ್ಥಿತಿ ಸಹ ಸುಧಾರಿಸಲಿದ್ದು, ವ್ಯಾಪಾರದಲ್ಲಿ ದೊಡ್ಡ ಲಾಭ ಸಿಗಲಿದೆ. ಜೊತೆಗೆ ಆರೋಗ್ಯ ಸಮಸ್ಯೆಗಳು ಸಹ ಪರಿಹಾರವಾಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)