Vastu Tips: ದೀಪಾವಳಿಯಂದು ದೀಪ ಹಚ್ಚುವಾಗ ಯಾವುದೇ ಕಾರಣಕ್ಕೂ ಈ ತಪ್ಪು ಮಾಡಬೇಡಿ

ದೀಪಾವಳಿಯನ್ನು ಕಾರ್ತಿಕ ಮಾಸದ ಕೃಷ್ಣ ಪಕ್ಷದ ಅಮಾವಾಸ್ಯೆಯಂದು ದೀಪಾವಳಿ ಆಚರಿಸಲಾಗುತ್ತದೆ. ಐದು ದಿನಗಳ ಕಾಲ ನಡೆಯುವ ಈ ಹಬ್ಬದಲ್ಲಿ ದೀಪ ಬೆಳಗಿಸುವುದಕ್ಕೆ ವಿಶೇಷ ಮಹತ್ವವಿದೆ. ಈ ದಿನ ಲಕ್ಷ್ಮಿ ಮತ್ತು ಗಣೇಶನನ್ನು ಪೂಜಿಸಲಾಗುತ್ತದೆ. ಈ ದಿನ ಮನೆಯಲ್ಲಿ ಎಲ್ಲಿಯೂ ಕತ್ತಲೆ ಇರಬಾರದು, ಬೆಳಕಿ ಇಲ್ಲದಿದ್ದರೆ ಲಕ್ಷ್ಮಿಯ ಕೃಪೆ ಸಿಗುವುದಿಲ್ಲ ಎಂಬ ನಂಬಿಕೆ ಇದೆ. ದೀಪವನ್ನು ಶಾಸ್ತ್ರಬದ್ಧವಾಗಿ ಬೆಳಗುವ ವಿಧಾನವಿದೆ. ವಾಸ್ತು ಪ್ರಕಾರ ಸರಿಯಾಗಿಲ್ಲದಿದ್ದರೆ, ಅದನ್ನು ಮಂಗಳಕರವೆಂದು ಪರಿಗಣಿಸಲಾಗುವುದಿಲ್ಲ

ದೀಪವನ್ನು ಯಾವಾಗಲೂ ದಕ್ಷಿಣಾಭಿಮುಖವಾಗಿ ಹಚ್ಚಬಾರದು, ಏಕೆಂದರೆ ಅದು ಅಶುಭವಾಗಿದೆ. ದೀಪಾವಳಿಯಂದು ದೀವಟಿಗೆಯನ್ನು ಶುದ್ಧ ತುಪ್ಪದಿಂದ ಬೆಳಗಿಸಬೇಕು. ಇದು ಮನೆಯಲ್ಲಿ ಸಮೃದ್ಧಿಯನ್ನು ತರುತ್ತದೆ.

ದೀಪವನ್ನು ಬೆಳಗಿಸಲು ಸೂರ್ಯಕಾಂತಿ ಎಣ್ಣೆಯನ್ನು ಎಂದಿಗೂ ಬಳಸಬೇಡಿ. ದೀಪ ಹಚ್ಚುವಾಗ ಯಾವಾಗಲೂ ಪೂಜಾ ಕೊಠಡಿಯಿಂದ ದೀಪಗಳನ್ನು ಬೆಳಗಿಸಲು ಪ್ರಾರಂಭಿಸಿ

ದೀಪಾವಳಿಯ ದಿನದಂದು ಮನೆಯಲ್ಲಿ ಲಕ್ಷ್ಮಿ ಮತ್ತು ಗಣೇಶನನ್ನು ಸ್ವಾಗತಿಸಲು, ಮನೆಯ ಮುಖ್ಯ ಬಾಗಿಲಿನ ಎರಡೂ ಬದಿಗಳಲ್ಲಿ ದೀಪಗಳನ್ನು ತಪ್ಪದೇ ಇರಿಸಬೇಕು.

ಇನ್ನು ಬಣ್ಣದ ದೀಪ ಹಚ್ಚುವಾಗ ಯಾವ ಬಣ್ಣವನ್ನು ಯಾವ ದಿಕ್ಕಿನಲ್ಲಿ ಇಡಬೇಕು ಎಂಬುದು ಪ್ರಮುಖವಾಗಿದೆ. ಬಣ್ಣ ಮತ್ತು ದಿಕ್ಕುಗಳಿ ಒಂದೊಕ್ಕುಂದು ಸಂಬಂಧ ಹೊಂದಿದ್ದು, ಅದರಂತೆ ಮಾಡಿದರೆ ಒಳಿತಾಗಲಿದೆ ಎಂಬ ನಂಬಿಕೆ ಇದೆ.

ಪೂರ್ವ ದಿಕ್ಕು: ಕೆಂಪು, ಹಳದಿ ಮತ್ತು ಕಿತ್ತಳೆಯಂತಹ ಬಣ್ಣಗಳ  ದೀಪಗಳನ್ನು ಈ ದಿಕ್ಕಿನಲ್ಲಿ ಹಚ್ಚುವುದು ಮಂಗಳಕರ. ಪಶ್ಚಿಮ ದಿಕ್ಕಿನಲ್ಲಿ ತಿಳಿ ಆಳವಾದ ಹಳದಿ, ಕಿತ್ತಳೆ ಮತ್ತು ಗುಲಾಬಿ ಬಣ್ಣದ ದೀಪ ಹಚ್ಚಿ.

ಉತ್ತರ ದಿಕ್ಕಿನಲ್ಲಿ ನೀಲಿ, ಹಳದಿ ಮತ್ತು ಹಸಿರು ದೀಪಗಳನ್ನು ಬಳಸಬಹುದು. ದಕ್ಷಿಣ ದಿಕ್ಕಿನಲ್ಲಿ ಬಿಳಿ, ನೇರಳೆ ಮತ್ತು ಕೆಂಪು ದೀಪಗಳ ಬೆಳಕಿದರೆ ಶುಭ.