Vastu For Money: ಹಣ ಉಳಿಸೋದು ಹೇಗೆ ಎನ್ನುವ ಚಿಂತೆಗೆ ಈ ಸಿಂಪಲ್ ವಾಸ್ತು ಟಿಪ್ಸ್ ಪರಿಹಾರ

ನಮ್ಮ ಧರ್ಮಗ್ರಂಥಗಳು ಕೆಲವು ನಿಯಮಗಳನ್ನು ರೂಪಿಸಿವೆ, ಅದನ್ನು ಅನುಸರಿಸುವ ಮೂಲಕ ನಿಮ್ಮ ಜೀವನದಲ್ಲಿ ಲಕ್ಷ್ಮಿಯ ವಿಶೇಷ ಅನುಗ್ರಹವನ್ನು ಪಡೆಯಬಹುದು. ಕೆಲ ಟಿಪ್ಸ್ ಫಾಲೋ ಮಾಡುವುದರಿಂದ ತೃಪ್ತಿ ಮತ್ತು ಸಂಪತ್ತನ್ನು ಹೆಚ್ಚಿಸುತ್ತದೆ.

ಇಂದಿನ ಬ್ಯುಸಿ ಲೈಫ್ ನಲ್ಲಿ ಹಣ ಸಂಪಾದಿಸಲು ಜನರು ಹೆಣಗಾಡುತ್ತಾರೆ ಆದರೆ ತಮ್ಮ ಆದಾಯದಲ್ಲಿ ಹೆಚ್ಚಿನ ಉಳಿತಾಯ ಮಾಡಲು ಸಾಧ್ಯವಾಗದೇ ಪರದಾಡುತ್ತಿದ್ದಾರೆ. ಈ ಅಭ್ಯಾಸಗಳನ್ನು ನಿಮ್ಮ ಜೀವನದಲ್ಲಿ ಅಳವಡಿಸಿಕೊಂಡರೆ, ಕೆಲವೇ ದಿನಗಳಲ್ಲಿ ಹಣ ಉಳಿತಾಯ ಮಾಡಲು ಸಹಾಯವಾಗುತ್ತದೆ.

ನೆಲ ಸ್ವಚ್ಛ ಮಾಡುವಾಗ ಉಪ್ಪನ್ನು ಬಳಸಿ: ವಾಸ್ತು ಶಾಸ್ತ್ರದ ಪ್ರಕಾರ, ಕಲ್ಲು ಉಪ್ಪನ್ನು ನೀರಿನಲ್ಲಿ ಬೆರೆಸಿ ಮನೆಯನ್ನು ಪ್ರತಿದಿನ ಸ್ವಚ್ಛ ಮಾಡುವುದರಿಂದ ಮನೆಯಲ್ಲಿನ ನಕಾರಾತ್ಮಕ ಶಕ್ತಿ ಓಡಿಹೋಗುತ್ತದೆ ಮತ್ತು ಧನಾತ್ಮಕ ಶಕ್ತಿ ಹೆಚ್ಚಾಗುತ್ತದೆ. ಅಲ್ಲದೇ ಇದರಿಂದ ನಿಮ್ಮನ್ನು ನಿರಂತರವಾಗಿ ಕಾಡುವ ಅನಗತ್ಯ ವೆಚ್ಚಗಳು ಕಡಿಮೆಯಾಗುತ್ತವೆ ಮತ್ತು 2023 ರಲ್ಲಿ ಹಣ ಉಳಿಸಲು ನಿಮಗೆ ಸಹಾಯ ಮಾಡುತ್ತದೆ. ಆದರೆ ಭಾನುವಾರ, ಮಂಗಳವಾರ ಮತ್ತು ಗುರುವಾರ ಮನೆ ಸ್ವಚ್ಛಗೊಳಿಸುವಾಗ ಉಪ್ಪು ನೀರು ಬಳಸಬೇಡಿ.

ಆರತಿಯ ಸಮಯದಲ್ಲಿ ಕರ್ಪೂರವನ್ನು ಬಳಸಿ: ನೀವು ಬೆಳಗ್ಗೆ, ಸಂಜೆ ಪೂಜೆ ಮತ್ತು ಆರತಿಯ ಸಮಯದಲ್ಲಿ ಕರ್ಪೂರವನ್ನು ಬಳಸುವ ಅಭ್ಯಾಸವನ್ನು ಮಾಡಿಕೊಳ್ಳಬೇಕು. ಕರ್ಪೂರದ ವಾಸನೆಯು ವಾತಾವರಣವನ್ನು ಸ್ವಚ್ಛ ಮಾಡುತ್ತದೆ ಹಾಗೂ ನೆಗೆಟಿವ್ ಎನರ್ಜಿ ಹೋಗಲಾಡಿಸುತ್ತದೆ. ಅಲ್ಲದೇ, ಇದರಿಂದ ನಿಮಗೆ ಹಣ ಉಳಿಸಲು ಸಹಾಯ ಕೂಡ ಆಗುತ್ತದೆ.

ಲಕ್ಷ್ಮೀ ಸ್ತೋತ್ರವನ್ನು ಪ್ರತಿನಿತ್ಯ ಪಠಿಸಬೇಕು: ಲಕ್ಷ್ಮೀ ಸ್ತೋತ್ರ ಅಥವಾ ಕನಕಧಾರಾ ಸ್ತೋತ್ರವನ್ನು ಪ್ರತಿದಿನ ಪಠಿಸಬೇಕು. ಸಂಪತ್ತನ್ನು ಸಂಪಾದಿಸಲು ಮತ್ತು ಸಂಪತ್ತನ್ನು ಸಂಗ್ರಹಿಸಲು ಇದು ಬಹಳ ಮುಖ್ಯವೆಂದು ಪರಿಗಣಿಸಲಾಗಿದೆ.

ಈ ಸ್ತೋತ್ರದ ವಿಶಿಷ್ಟತೆ ಏನೆಂದರೆ ಯಾವುದೇ ವಿಶೇಷ ಜಪಮಾಲೆ ಅಥವಾ ಪೂಜೆy ಅಗತ್ಯವಿಲ್ಲ. ಸ್ನಾನ ಮಾಡಿದ ನಂತರ ಪಠಿಸಬಹುದು. ಇದರಿಂದ ಲಕ್ಷ್ಮೀಯ ಕೃಪೆಗೆ ಪಾತ್ರರಾಗುವುದಲ್ಲದೇ ಜೀವನದಲ್ಲಿ ಆರ್ಥಿಕವಾಗಿ ಸಹ ಸದೃಢರಾಗುತ್ತೀರಿ.

ಮನೆಯ ಹೊರಗೆ ಕಸ ಸಂಗ್ರಹಿಸಬೇಡಿ: ಆರ್ಥಿಕ ಪ್ರಗತಿಯಾಗಬೇಕು ಎಂದರೆ ಯಾವಾಗಲೂ ಮನೆ ಮುಂದೆ ಕಸವನ್ನು ಸಂಗ್ರಹಿಸಬೇಡಿ. ಹಾಗೆಯೇ, ಪ್ರತಿದಿನ ಪೂಜೆಯ ಮೊದಲು ಗಂಗಾಜಲವನ್ನು ಮನೆಯ ಮುಂದೆ ಚಿಮುಕಿಸಬೇಕು. ಹೀಗೆ ಮಾಡುವುದರಿಂದ ತಾಯಿ ಲಕ್ಷ್ಮಿಯು ಮನೆಯೊಳಗೆ ಪ್ರವೇಶಿಸಿ ಕುಟುಂಬದ ಸದಸ್ಯರ ಎಲ್ಲಾ ಸಮಸ್ಯೆಗಳನ್ನು ದೂರಮಾಡುತ್ತಾಳೆ ಎನ್ನುವ ನಂಬಿಕೆ ಇದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)