Sagittarius Vastu Tips: ನಿಮ್ಮದು ಧನಸ್ಸು ರಾಶಿನಾ? ಹಾಗಾದ್ರೆ ಈ ವಾಸ್ತು ಟಿಪ್ಸ್ ಫಾಲೋ ಮಾಡಿ

ಮನೆಯಲ್ಲಿ ವಾಸ್ತು ದೋಷ ಇದ್ದರೆ ಆರ್ಥಿಕ ಮತ್ತು ಸಾಮಾಜಿಕ ಸಮಸ್ಯೆಗಳಾಗುತ್ತದೆ. ಹಾಗಾಗಿ ವಾಸ್ತು ದೋಷ ಪರಿಹಾರ ಮಾಡಿಕೊಳ್ಳುವುದು ಅನಿವಾರ್ಯ. ವಾಸ್ತುಶಾಸ್ತ್ರದ ಪ್ರಕಾರ ಮನೆಯ ವಾಸ್ತು ರಾಶಿಯನ್ನು ಆಧರಿಸಿರಬೇಕು ಎಂದು ಹೇಳಲಾಗುತ್ತದೆ. ಮನೆಯಲ್ಲಿರುವ ಮಾಲೀಕರ ರಾಶಿಯನ್ನು ಆಧರಿಸಿ ವಾಸ್ತು ಬದಲಾವಣೆ ಮಾಡಿದರೆ ಬಹಳ ಉತ್ತಮ.

ಮುಖ್ಯವಾಗಿ ಇಲ್ಲಿ ಮಾಲೀಕ ಎಂದರೆ ಮನೆಯ ಮುಖ್ಯ ಆದಾಯ ಗಳಿಸುವ ವ್ಯಕ್ತಿಯೂ ಆಗಿರಬಹುದು. ಆ ವ್ಯಕ್ತಿಯ ಆದಾಯವೇ ಮನೆಗೆ ಕೀಲಿಕೈ ಆಗಿರುವುದರಿಂದ ಆ ವ್ಯಕ್ತಿಯ ರಾಶಿಯ ಪ್ರಭಾವ ಮನೆಯ ಮೇಲೆ ಇರುತ್ತದೆ. ಹಾಗಾಗಿ ರಾಶಿಯ ಆಧಾರದ ಮೇಲೆ ಮನೆಯ ವಾಸ್ತು ಇರಬೇಕು ಎಂದು ಹೇಳಲಾಗುತ್ತದೆ.

ನಿಮ್ಮ ಮನೆಯಲ್ಲಿ ಮುಖ್ಯ ವ್ಯಕ್ತಿಯ ರಾಶಿ ಧನು ಆಗಿದ್ದರೆ, ನಿಮ್ಮ ಮನೆಯಲ್ಲಿ ಕೆಲವು ಬದಲಾವಣೆಗಳನ್ನು ಮಾಡಿಕೊಳ್ಳಬೇಕು. ಧನು ರಾಶಿ ಎಂದರೆ ಅಗ್ನಿಯ ಸಂಕೇತ. ಈ ರಾಶಿಯವರು ಉತ್ಸಾಹ ಮತ್ತು ಮೊಂಡುತನದ ಸ್ವಭಾವ ಹೊಂದಿರುತ್ತಾರೆ. ಆದರೆ ಅಪಾಯದಲ್ಲಿರುವವರಿಗೆ ಸಹಾಯ ಮಾಡುತ್ತಾರೆ. ಇನ್ನು ಈ ರಾಶಿಯವರಿಗೆ ನೇರಳೆ ಮತ್ತು ಗುಲಾಬಿ ಬಣ್ಣ ಬಹಳ ಸೂಕ್ತ.

ಧನು ರಾಶಿಯವರು ದಕ್ಷಿಣ ಭಾಗದಲ್ಲಿ ಮನೆ ಕಟ್ಟುವುದು ಉತ್ತಮ ಎನ್ನಲಾಗುತ್ತದೆ. ಮನೆ ಈ ದಿಕ್ಕಿನಲ್ಲಿ ಇರಬಾರದು ಎಂದು ಸಾಮಾನ್ಯವಾಗಿ ಹೇಳುತ್ತಾರೆ. ಆದರೆ ಈ ದಿಕ್ಕು ಧನಸ್ಸು ರಾಶಿಯವರಿಗೆ ಬಹಳ ಒಳ್ಳೆಯದು. ಅಲ್ಲದೇ, ಇದರಿಂದ ಜೀವನದಲ್ಲಿ ಸಮೃದ್ಧಿ ಹೆಚ್ಚಾಗುತ್ತದೆ.

ಇನ್ನು ಯಾವುದೇ ಕಾರಣಕ್ಕೂ ಮನೆಯ ಮುಖ್ಯ ಬಾಗಿಲು ವಾಯುವ್ಯ ದಿಕ್ಕಿಗೆ ಇರಬಾರದು. ಹೀಗಿದ್ದರೆ ಮನೆಯಲ್ಲಿರುವ ಹಿರಿಯರಿಗೆ ಆರೋಗ್ಯ ಸಮಸ್ಯೆ ಎದುರಾಗುವ ಅಪಾಯವಿದೆ. ಹಾಗಾಗಿ ಸಾಧ್ಯವಾದಷ್ಟು ಪೂರ್ವ ದಿಕ್ಕಿನಲ್ಲಿ ಇರುವಂತೆ ನೋಡಿಕೊಳ್ಳಿ.

ಧನು ರಾಶಿಯವರು ತಮ್ಮ ಮನೆಯಲ್ಲಿ ಬೋನ್ಸಾಯ್ ಗಿಡಗಳನ್ನು ಬೆಳೆಸುವುದು ಬಹಳ ಮುಖ್ಯ. ಅದರಲ್ಲೀ ಪಶ್ಚಿಮ ದಿಕ್ಕಿನಲ್ಲಿ ಬೆಳೆಸಿದರೆ ಒಳ್ಳೆಯದಾಗುತ್ತದೆ. ಹಾಗೆಯೇ, ಮನೆಯ ಮುಂದೆ ತುಳಸಿ ಗಿಡ ಇರಲೇಬೇಕು ಹಾಗೂ ಪ್ರತಿದಿನ ಪೂಜೆ ಮಾಡಬೇಕು.

ಪರಿಹಾರ: ಧನು ರಾಶಿಯವರ ಮನೆಯಲ್ಲಿ ಯಾವುದೇ ದೋಷಗಳಿದ್ದರೆ ಕೆಲವು ಪರಿಹಾರಗಳನ್ನು ಅನುಸರಿಸಬೇಕು. ದೇವಸ್ಥಾನದಲ್ಲಿ ಆಗಾಗ ದೀಪ ಹಚ್ಚುತ್ತಿರಬೇಕು. ಮನೆಯ ಮುಖ್ಯ ಬಾಗಿಲು ಅಥವಾ ಪ್ರವೇಶ ದ್ವಾರದ ಬಳಿ ಲಾಫಿಂಗ್ ಬುದ್ಧ ಮೂರ್ತಿಯನ್ನು ಇಡಬೇಕು. ಕುಟುಂಬದ ಹಿರಿಯರ ಭಾವಚಿತ್ರವನ್ನು ಮನೆಯ ದಕ್ಷಿಣ ಗೋಡೆಗೆ ತೂಗು ಹಾಕಬೇಕು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)