Vastu For Relationship: ಮನೆಯ ವಸ್ತು ಹೀಗಿದ್ರೆ ಗಂಡ-ಹೆಂಡತಿ ಜಗಳವೇ ಆಗಲ್ಲ

ನೇರಳೆ ಬಣ್ಣ: ನಿಮ್ಮ ಮನೆಯ ಈಶಾನ್ಯ ದಿಕ್ಕಿನಲ್ಲಿ ನೇರಳೆ ಬಣ್ಣವನ್ನು ಬಳಕೆ ಮಾಡುವುದು ಮನೆಯಲ್ಲಿ ಶಾಂತಿ ಕಾಪಾಡಲು ಸಹಾಯ ಮಾಡುತ್ತದೆ. ನೀವು ನಿಮ್ಮ ಗೋಡೆಯ ಮೇಲೆ ನೇರಳೆ ಬಣ್ಣ ಬಳಕೆ ಮಾಡಬಹುದು ಅಥವಾ ನೇರಳೆ ಬಣ್ಣದ ಯಾವುದೇ ವಸ್ತುವನ್ನು ಆ ಮೂಲೆಯಲ್ಲಿ ಇಡಬಹುದು.

ಅಡುಗೆ ಮನೆ: ನಿಮ್ಮ ಮನೆಯ ಅಡುಗೆ ಕೋಣೆಯು ಆಗ್ನೇಯ ದಿಕ್ಕಿನಲ್ಲಿ ಇರುವುದು ಬಹಳ ಮುಖ್ಯ. ಇದರಿಂದ ಮಹಿಳೆಯರ ಮಾನಸಿಕ ಹಾಗೂ ದೈಹಿಕ ಆರೋಗ್ಯ ಚೆನ್ನಾಗಿರುತ್ತದೆ. ಇನ್ನು ಅಡುಗೆ ಮನೆಯ ಗೋಡೆಗೆ ನೀವು ಕಿತ್ತಳೆ ಬಣ್ಣವನ್ನು ಬಳಕೆ ಮಾಡಬಹುದು.

ಬೆಡ್​ ರೂಂ: ನಿಮ್ಮ ಮಾಸ್ಟರ್ ಬೆಡ್​ ರೂಂ ನೈಋತ್ಯ ದಿಕ್ಕಿನಲ್ಲಿ ಇಡುವುದು ಸಂಬಂಧ ಗಟ್ಟಿಯಾಗಿರಲು ಸಹಾಯ ಮಾಡುತ್ತದೆ. ಅಲ್ಲದೇ, ಇದರಿಂದ ಕೆಲ ಕಾರಣದಿಂದ ಉಂಟಾಗುವ ಸಣ್ಣ-ಪುಟ್ಟ ಸಮಸ್ಯೆಗಳು ಸಹ ದೊಡ್ಡದಾಗುವ ಮೊದಲೇ ನಿವಾರಣೆಯಾಗುತ್ತದೆ.

ಮಕ್ಕಳ ರೂಂ: ಒಂದು ಮನೆಯಲ್ಲಿ ಮಕ್ಕಳ ರೂಂ ಸಹ ಬಹಳ ಮುಖ್ಯ. ಮಕ್ಕಳ ಕಾರಣದಿಂದ ಕೂಡ ಮನೆಯಲ್ಲಿ ಜಗಳಗಳು ಉಂಟಾಗುತ್ತದೆ, ಹಾಗಾಗಿ ಮಕ್ಕಳ ರೂಂ ಗೋಡೆಯ ಬಣ್ಣ ನೀಲಿ ಅಥವಾ ಬೂದು ಬಣ್ಣದಲ್ಲಿ ಇರಬೇಕು.

ಮಂಚ: ನೀವು ಮಲಗುವ ಮಂಚದ ಮರದಿಂದ ಮಾಡಿರಬೇಕು. ಲೋಹದಿಂದ ಮಾಡಿದ ಮಂಚಗಳು ಮನೆಯಲ್ಲಿ ಕಿರಿಕಿರಿಗೆ ಕಾರಣವಾಗುತ್ತದೆ. ಹಾಗೆಯೇ 2 ಮಂಚವನ್ನು ಒಟ್ಟಿಗೆ ಸೇರಿಸಬೇಡಿ. ಒಂದೇ ಮಂಚವನ್ನು ಬಳಸಿ.

ಕನ್ನಡಿ: ನಿಮ್ಮ ಬೆಡ್​ ರೂಂನಲ್ಲಿ ಇರುವ ಕನ್ನಡಿ ಕೂಡ ನಿಮ್ಮ ಸಂಬಂಧದ ಮೇಲೆ ಪರಿಣಾಮ ಬೀರುತ್ತದೆ. ಯಾವುದೇ ಕಾರಣಕ್ಕೂ ಕನ್ನಡಿಯಲ್ಲಿ ಮಂಚ ಕಾಣಬಾರದು. ಮಂಚದ ಎದುರಿಗೆ ಕನ್ನಡಿ ಇರಬಾರದು. ಇದರಿಂದ ಸಮಸ್ಯೆಗಳು ಹೆಚ್ಚಾಗುತ್ತದೆ.

ನಿಮ್ಮ ಬೆಡ್​ ರೂನ ಈಶಾನ್ಯ ಮೂಲೆಯನ್ನು ಬಹಳ ಸ್ವಚ್ಛವಾಗಿ ಇಟ್ಟುಕೊಳ್ಳಬೇಕು. ಹಾಗೆಯೇ ಯಾವುದೇ ಕಾರಣಕ್ಕೂ ನಿಮ್ಮ ರೂಂನಲ್ಲಿ ಟಿವಿ ಇರಬಾರದು. ಸಾಧ್ಯವಾದರೆ ಕಂಪ್ಯೂಟರ್​ ಸಹ ನಿಮ್ಮ ರೂಂನಲ್ಲಿ ಇರಬಾರದು.

ಮನೆ ಎಂದ ಮೇಲೆ ಫ್ಯಾಮಿಲಿ ಫೋಟೋ ಇದ್ದೇ ಇರುತ್ತದೆ. ಆದರೆ ಅವುಗಳನ್ನ ನೈಋತ್ಯ ದಿಕ್ಕಿನಲ್ಲಿ ಹಾಕುವುದು ಒಳ್ಳೆಯದು. ಹಾಗೆಯೇ ಕೇವಲ ಗಂಡ-ಹೆಂಡತಿ ಫೋಟೋವನ್ನು ಪಶ್ಚಿಮ ದಿಕ್ಕಿನಲ್ಲಿ ಹಾಕಬೇಕು.