ಮನೆ ಸುತ್ತ ಈ ಗಿಡಗಳನ್ನು ಬೆಳೆಸಿದರೆ ನಕರಾತ್ಮಕ ಶಕ್ತಿ ಹೆಚ್ಚತ್ತೆ; ಎಚ್ಚರ

ಮನೆಯಲ್ಲಿ ಉದ್ಯಾನವನ್ನು ಮಾಡಲು ಉತ್ತರ ಮತ್ತು ಪೂರ್ವ ದಿಕ್ಕನ್ನು ಅತ್ಯಂತ ಮಂಗಳಕರವೆಂದು ಪರಿಗಣಿಸಲಾಗುತ್ತದೆ. ದಕ್ಷಿಣ ಮತ್ತು ಪಶ್ಚಿಮ ದಿಕ್ಕುಗಳು ಉದ್ಯಾನಕ್ಕೆ ಒಳ್ಳೆಯದಲ್ಲ. ಆದರೆ, ನಿಮಗೆ ಯಾವುದೇ ಆಯ್ಕೆ ಇಲ್ಲದಿದ್ದರೆ, ಸಸ್ಯಗಳನ್ನು ಕುಂಡಗಳಲ್ಲಿ ನೆಡಬಹುದು.

ಹುಣಸೆ ಮರ : ಹುಣಸೆ ಮರ ನಮಗೆ ಎಷ್ಟೇ ಪ್ರಯೋಜನಕಾರಿಯಾದರೂ ಮನೆಯ ಸುತ್ತಮುತ್ತ, ಜಮೀನು, ತೋಟಗಳ ಸುತ್ತಮುತ್ತ ಈ ಮರಗಳು ಇರಬಾರದು ಎನ್ನುವುದು ವಾಸ್ತು ಜೊತೆಗೆ ಹಿಂದಿನಿಂದಲೂ ಬೆಳೆದು ಬಂದ ಸಂಪ್ರದಾಯ. ಹುಣಸೆ ಮರ ನಕರಾತ್ಮಕ ಶಕ್ತಿಯ ಸೆಳೆಯುತ್ತವೆ ಎಂಬ ನಂಬಿಕೆ ಇರುವುದರಿಂದ ಈ ಮರಗಳು ಮನೆಯ ಹಿಂದೆ ಮುಂದೆ ಇರದಂತೆ ನೋಡಿಕೊಳ್ಳಬೇಕು

ಹತ್ತಿ: ಹತ್ತಿ ಗಿಡಗಳು ಲಾಭಾದಾಯವಾದರೂ ಮನೆಯ ಸುತ್ತಮುತ್ತ ಇವು ಇರಬಾರದು. ಇವು ಬಡತನದ ಸಂಕೇತ ಎಂಬುದನ್ನು ವಾಸ್ತುವಿನಲ್ಲಿ ತಿಳಿಸಲಾಗಿದೆ. ಈ ಹಿನ್ನಲೆ ಈ ಗಿಡಗಳನ್ನು ಮನೆ ಸುತ್ತಮುತ್ತ ಇರದಂತೆ ನೋಡಿಕೊಳ್ಳಬೇಕು

ಅಕೇಶಿಯ ಸಸ್ಯ: ಔಷಧೀಯ ಸಸ್ಯ ಅಕೇಶಿಯಾ ಪ್ರಯೋಜನಕಾರಿಯಾದರೂ ಇವುಗಳನ್ನು ಮನೆಯ ಸುತ್ತಮುತ್ತ ಬೆಳೆಸಬಾರದು. ಸಮೃದ್ಧವಾಗಿ ಅಂಗಣದ ತುಂಬ ಬೆಳೆಯುವ ಈ ಗಿಡದಿಂದ ಸಮಸ್ಯೆಗಳು ಬೆಳೆಯುತ್ತವೆ ಎಂಬ ನಂಬಿಕೆ ಇದೆ.

ಮೆಹಂದಿ ಗಿಡ: ಮೆಹಂದಿ ಅಥವಾ ಗೋರಂಟಿ ಗಿಡ ಕೂಡ ಮನೆಯಲ್ಲಿ ಬೆಳೆಸುವುದರಿಂದ ನಕರಾತ್ಮಕ ಶಕ್ತಿ ಹೆಚ್ಚುತ್ತದೆ. ಇವು ಕೆಟ್ಟ ಆತ್ಮಗಳಿಗೆ ಆವಾಸಸ್ಥಾನವಾಗಿರುವ ಹಿನ್ನಲೆ ಇವುಗಳನ್ನು ಮನೆ ಸುತ್ತಮುತ್ತ ಬೆಳೆಸಬಾರದು ((ಮೇಲಿನ ಲೇಖನದ ವರದಿಯೂ ಧಾರ್ಮಿಕ ನಂಬಿಕೆಗಳು ನಡೆದ ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್​ 18 ಕನ್ನಡ ಖಚಿತಪಡಿಸುವುದಿಲ್ಲ))