Shivamogga Airport: ಶಿವಮೊಗ್ಗ ಏರ್​ಪೋರ್ಟ್​​ ಕಮಲದ ಆಕಾರದ ಹಿಂದಿದೆ ಈ ವಾಸ್ತು ಸೀಕ್ರೆಟ್​

ಸುಮಾರು ವರ್ಷಗಳಿಂದ ವಿಮಾನ ನಿಲ್ದಾಣದ ಕನಸು ಕಟ್ಟಿದ್ದ ಶಿವಮೊಗ್ಗ ಜನತೆಗೆ ಇಂದು ಸ್ಮರಣೀಯ ದಿನ. ಅಂತೂ-ಇಂತೂ ವಿಮಾನ ನಿಲ್ದಾಣ ನಿರ್ಮಾಣವಾಗಿದೆ. ಆದರೆ ವಿಮಾನ ನಿಲ್ದಾಣ ನಿರ್ಮಾಣವಾದ ನಂತರ ಹಲವಾರು ಜನರು ಕಮಲದ ಆಕಾರದಲ್ಲಿ ಇರುವುದರ ಬಗ್ಗೆ ಕಿಡಿಕಾರಿದ್ದರು.

ಬಿಜೆಪಿ ಸರ್ಕಾರದ ಸಮಯದಲ್ಲಿ ಈ ನಿಲ್ದಾಣ ನಿರ್ಮಾಣವಾಗಿರುವುದರಿಂದ, ಕಮಲದ ಆಕಾರದಲ್ಲಿ ಕಟ್ಟಿದ್ದಾರೆ ಎಂದು ಆರೋಪಗಳನ್ನು ಮಾಡುತ್ತಿದ್ದಾರೆ. ಆದರೆ ಕೆಲ ಮೂಲಗಳ ಪ್ರಕಾರ ಇದು ಯಾವುದೇ ಪಕ್ಷದ ಚಿಹ್ನೆ ಅಲ್ಲ, ಇದರ ಹಿಂದೆ ವಾಸ್ತುಶಾಸ್ತ್ರವಿದೆ ಎನ್ನಲಾಗುತ್ತಿದೆ.

ಹೌದು, ಬಿಜೆಪಿ ಕಮಲದ ಹೂವನ್ನು ತನ್ನ ಪಕ್ಷದ ಚಿಹ್ನೆ ಮಾಡಿಕೊಳ್ಳುವುದಕ್ಕೂ ಮೊದಲು ಇದು ಲಕ್ಷ್ಮಿ ದೇವಿಯ ಸಂಕೇತ. ನೀವು ಸಾಮಾನ್ಯವಾಗಿ ಗಮನಿಸರಬಹುದು, ಲಕ್ಷ್ಮಿ ಯಾವಾಗಲೂ ತನ್ನ ಕೈಯಲ್ಲಿ ಕಮಲದ ಹೂವನ್ನು ಹಿಡಿದುಕೊಂಡಿರುತ್ತಾರೆ. ಹಾಗಾಗಿ ಈ ಕಮಲ ಸಂಪತ್ತು ಮತ್ತು ಸಮೃದ್ಧಿಯ ಸಂಕೇತ ಎಂದು ಹೇಳಿದರೆ ತಪ್ಪಲ್ಲ.

ಇಷ್ಟೇ ಅಲ್ಲದೇ ಈ ಕಮಲದ ಹೂವು ಶುದ್ಧ ಹಾಗೂ ನಿಸ್ವಾರ್ಥ ಭಾವನೆ ಎನ್ನುವ ಅರ್ಥವನ್ನು ಸಹ ಹೊಂದಿದೆ. ಇದರ ಜೊತೆಗೆ ವಾಸ್ತು ಪ್ರಕಾರ ಸಹ ಕಮಲದ ಆಕಾರದಲ್ಲಿದ್ದರೆ ಆಯಸ್ಸು,ಆರೋಗ್ಯ, ಸಕಲ ಸಮೃದ್ಧಿಗಳು ಸಿಗುತ್ತದೆ ಎನ್ನುವ ನಂಬಿಕೆ ಇದೆ.

ಇನ್ನು ಈ ಕಮಲದ ಹೂವು ಜ್ಯೋತಿಷ್ಯ ಹಾಗೂ ವಾಸ್ತುಶಾಸ್ತ್ರ ಪ್ರಕಾರ ಬಹಳ ಪವಿತ್ರವಾದ ಸ್ಥಾನವನ್ನು ಹೊಂದಿದೆ. ಕಮಲದ ಹೂವು ನೆಗೆಟಿವ್ ಎನರ್ಜಿಯನ್ನು ದೂರ ಮಾಡಿ, ಪಾಸಿಟಿವ್ ಎನರ್ಜಿ ಹೆಚ್ಚಿಸಲು ಸಹ ಸಹಾಯ ಮಾಡುತ್ತದೆ.

ಯಾವುದೇ ಸ್ಥಳವಾದರೂ ವಾಸ್ತು ಪ್ರಕಾರ ಇದ್ದರೆ ಅದರಿಂದ ಯಶಸ್ಸು ಸಿಗುತ್ತದೆ. ಅದರಲ್ಲೂ ವಿಮಾನ ನಿಲ್ದಾಣದಲ್ಲಿ ಬಹಳಷ್ಟು ಜನ ದೊಡ್ಡ ಆಸೆ ಹೊತ್ತು ಪ್ರಯಾಣ ಮಾಡುವವರಿರುತ್ತಾರೆ. ಈ ದೃಷ್ಟಿಯಲ್ಲಿ ಈ ಕಮಲದ ಆಕಾರ ಯಶಸ್ಸು ಪಡೆಯಲು ಸಹಾಯ ಮಾಡುತ್ತದೆ ಎನ್ನಬಹುದು.

ಹಾಗೆಯೇ, ಯಾವುದೇ ರೀತಿಯ ಸಮಸ್ಯೆಗಳು ಆಗದಂತೆ ತಡೆಯಲು ವಾಸ್ತು ದೃಷ್ಟಿಯಿಂದ ಈ ಕಮಲದ ಆಕಾರದಲ್ಲಿ ವಿಮಾನ ನಿಲ್ದಾಣ ನಿರ್ಮಾಣ ಮಾಡಲಾಗಿದೆ ಎನ್ನುವ ಮಾತು ಸಹ ಕೇಳಿ ಬಂದಿದೆ. ಒಟ್ಟಾರೆಯಾಗಿ ಈ ಕಮಲದ ಆಕಾರದ ಹಿಂದೆ ವಾಸ್ತು ಅಡಗಿದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)