ತಿರುಪತಿಯಲ್ಲಿ Vaikunta Ekadashi ಸಂಭ್ರಮ; 10ದಿನಗಳ ಕಾಲ ತೆರೆಯಲಿದೆ ವೈಕುಂಠ ದ್ವಾರ

ವೈಕುಂಠ ಏಕಾದಶಿ ಎಂದರೆ ತಿರುಪತಿಯಲ್ಲಿ ಎಲ್ಲಿಲ್ಲದ ಸಂಭ್ರಮ. ಈಗಾಗಲೇ ವೈಕುಂಠ ದ್ವಾರದ ನಿರ್ಮಾಣ ಮಾಡಿರುವ ಟಿಟಿಡಿ, ಇದೇ ಮೊದಲ ಬಾರಿ 10 ದಿನಗಳ ಕಾಲ ಈ ದ್ವಾರದ ದರ್ಶನಕ್ಕೆ ವ್ಯವಸ್ಥೆ ಕಲ್ಪಿಸಿದೆ.

ಜ. 13 ರಂದು ವೈಕುಂಠ ಏಕಾದಶಿ ಇದ್ದು, ಇಂದು ಮಧ್ಯರಾತ್ರಿ ನಂತರ ವೈಕುಂಠ ದ್ವಾರಗಳು ತೆರೆಯಲಿವೆ. ಜನವರಿ 14 ರಂದು ವೈಕುಂಠದ್ವಾದಶಿ ಕೈಂಕರ್ಯಗಳು ನಡೆಯಲಿವೆ

ಉತ್ತರದಲ್ಲಿ ವೈಕುಂಠ ದ್ವಾರ ನಿರ್ಮಿಸಿದ್ದು, ಭಕ್ತರಿಗೆ ಈ ದ್ವಾರದ ಮೂಲಕ ದೇವರ ದರ್ಶನಕ್ಕೆ ಅವಕಾಶ ಕಲ್ಪಿಸಲಾಗಿದೆ. ವೈಕುಂಠ ಏಕಾದಶಿ ದಿನದಂದು ಈ ದ್ವಾರದ ಮೂಲಕ ವಿಷ್ಣುವಿನ ದರ್ಶನ ಮಾಡಿದರೆ ಮೋಕ್ಷ ಪ್ರಾಪ್ತಿಯಾಗುತ್ತದೆ ಎಂಬ ನಂಬಿಕೆ ಇದೆ

ವೈಕುಂಠ ಏಕಾದಶಿ ಅಂಗವಾಗಿ ತಿರುಪ್ಪವಾಯಿ ಪಾರಾಯಣ ದೇವಾಲಯದಲ್ಲಿ ಹಬ್ಬದ ಸೇವೆ ಆರಂಭವಾಗಲಿದೆ. ಅಭಿಷೇಕ, ತೋಮಲ ಸೇವೆ, ಅರ್ಚನೆ, ಏಕಂಥಂ ಸೇವೆ ನಡೆಯಲಿದೆ.

ಕೋವಿಡ್​ ಮಾರ್ಗಸೂಚಿ ಅನುಸಾರ ಭಕ್ತರಿಗೆ ದರ್ಶನಕ್ಕೆ ಅವಕಾಶ ಕಲ್ಪಿಸುವ ನಿಟ್ಟಿನಲ್ಲಿ ಕಳೆದ ವರ್ಷದಿಂದ 10 ದಿನಗಳ ಕಾಲ ಈ ವೈಕುಂಠ ದ್ವಾರ ಪ್ರವೇಶಕ್ಕೆ ಭಕ್ತರಿಗೆ ಟಿಟಿಡಿ ಅವಕಾಶ ಕಲ್ಪಿಸಿದೆ. ಇದಕ್ಕಾಗಿ 10 ಸಾವಿರ ಟಿಕೆಟ್​ ನಿಗದಿಸಲಾಗಿದೆ.