Ugadi 2023 Prediction: ರಾಜ್ಯದಲ್ಲಿ ಅನಿಶ್ಚಿತತೆ, ಕೆಲವೆಡೆ ರೈತರಿಗೆ ಸಂಕಷ್ಟ: ಹೀಗಿದೆ ಈ ವರ್ಷದ ಭವಿಷ್ಯ

ಯುಗಾದಿ ಎಂದರೆ ಹೊಸವರ್ಷದ ಆರಂಭ ಎಂದು ಅರ್ಥ. ಈ ದಿನ ಬೇವು-ಬೆಲ್ಲ ತಿಂದು ಮುಂದಿನ ವರ್ಷ ನೋವು-ನಲಿವುಗಳ ಮಿಶ್ರಣ ಬದುಕಿನಲ್ಲಿರಲಿ ಎಂದು ಬೇಡುತ್ತೇವೆ. ಹಾಗೆಯೇ ಜ್ಯೋತಿಷ್ಯದ ಪ್ರಕಾರ ಈ ವರ್ಷ ಹೇಗಿರಲಿದೆ ಎಂದೂ ಸಹ ನಾವು ತಿಳಿದುಕೊಳ್ಳುತ್ತೇವೆ.

ಈ ವರ್ಷ ಹೇಗಿರಲಿದೆ? ಅನಿರೀಕ್ಷಿತ ಘಟನೆಗಳು ಏನಾದರೂ ನಡೆಯಲಿದೆಯಾ? ಯಾವ್ಯಾವ ರಾಜ್ಯಗಳಲ್ಲಿ ರಾಜಕೀಯ ಪರಿಸ್ಥಿತಿ ಹೇಗಿರಲಿದೆ? ಈ ಬಗ್ಗೆ ಜ್ಯೋತಿಷಿ ಹೇಮಂತ್ ಭಾರದ್ವಾಜ್ ಮಾಹಿತಿ ನೀಡಿದ್ಧಾರೆ.

ಈ ವರ್ಷದ ಮೊದಲ ಒಂಬತ್ತು ತಿಂಗಳಲ್ಲಿ ಮಳೆಯಿಂದಾಗಿ ರೈತರು ಸಂಕಷ್ಟಕ್ಕೆ ಸಿಲುಕಲಿದ್ದಾರೆ ಎಂದು ಜ್ಯೋತಿಷಿಗಳು ತಿಳಿಸಿದ್ದು, ಇದನ್ನು ಪ್ರಾಕೃತಿಕ ವಿಕೋಪದ ಎಚ್ಚರಿಕೆ ಎಂದು ಪರಿಗಣಿಸಬಹುದು.

ಇದೇ ವೇಳೆ ದೇಶದ ಪೂರ್ವ ರಾಜ್ಯಗಳಲ್ಲಿ ರಾಜಕೀಯ ಗಲಭೆ ಉಂಟಾಗುವ ಸಾಧ್ಯತೆ ಇದೆ ಎಂದು ಜ್ಯೋತಿಷಿಗಳು ಮಾಹಿತಿ ನೀಡಿದ್ದಾರೆ.

ರೋಗ-ರುಜಿನಗಳು ಇತ್ಯಾದಿಗಳಿಂದ ಜನರಿಗೆ ಸಹ ಬಹಳ ಸಮಸ್ಯೆ ಆಗುತ್ತದೆ. ಜೀವನದಲ್ಲಿ ಭರವಸೆ ಕಳೆದು ಹೋಗುತ್ತದೆ. ಕಳೆದ ವರ್ಷದಂತೆ ಸಾಂಕ್ರಾಮಿಕ ರೋಗದ ಭಯ ಇರುತ್ತದೆ.

ಅಲ್ಲದೇ ಚುನಾವಣೆ ಇರುವ ದಕ್ಷಿಣದ ರಾಜ್ಯಗಳಲ್ಲಿ ರಾಜಕೀಯ ಅನಿಶ್ಚಿತತೆ ಉಂಟಾಗುವ ಸಾಧ್ಯತೆ ಇದೆ ಎಂದಿರುವ ಅವರು, ಇದರಿಂದ ಜನರೂ ಸಂಕಷ್ಟ ಎದುರಿಸಬೇಕಾಗುತ್ತದೆ ಎಂದು ತಿಳಿಸಿದ್ದಾರೆ.

(ಈ ಮೇಲೆ ನೀಡಿರುವ ಮಾಹಿತಿ ಜ್ಯೋತಿಷಿ ಹೇಮಂತ್ ಭಾರದ್ವಾಜ್ ಅವರ ಅಭಿಪ್ರಾಯವನ್ನು ಆಧಾರಿಸಿ ನೀಡಿರಲಾಗುತ್ತದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)