Ugadi Prediction 2023: ಈ ರಾಶಿಯವರಿಗೆ ಯುಗಾದಿ ಕಷ್ಟಗಳ ಹಬ್ಬವಾಗಲಿದೆ, ನೆಮ್ಮದಿ ಇರೋದೇ ಇಲ್ಲ

ಯುಗಾದಿ ಸಮಯದಲ್ಲಿ ಪಂಚಾಂಗ ಶ್ರವಣ ಮಾಡುವ ಪದ್ಧತಿ ಇದೆ. ಏಕೆಂದರೆ ಮುಂಬರುವ ದಿನಗಳ ಬಗ್ಗೆ ಮಾಹಿತಿ ಇರಲಿ ಎಂದು. ಈ ಪಂಚಾಂಗ ಶ್ರವಣ ಮಾಡುವಾಗ ಹವಾಮಾನ ಹೇಗಿರಲಿದೆ, ಮಳೆ ಆಗುತ್ತದೆಯೋ, ಯಾವುದಾದರೂ ಪ್ರಕೃತಿ ವಿಕೋಪ ಆಗುವ ಸೂಚನೆ ಇದೆಯಾ ಎಂದೆಲ್ಲಾ ಹೇಳಲಾಗುತ್ತದೆ.

ಹಾಗೆಯೇ ಈ ಸಮಯದಲ್ಲಿ 12 ರಾಶಿಗಳ ಫಲಾಫಲವನ್ನು ಸಹ ನೋಡಲಾಗುತ್ತದೆ. ಯಾವ ರಾಶಿಗೆ ಯುಗಾದಿ ಹೇಗಿರಲಿದೆ ಎಂಬುದನ್ನ ತಿಳಿದುಕೊಳ್ಳಬಹುದು. ಇನ್ನು ಈ ಯುಗಾದಿ ನಂತರ ಕನ್ಯಾ ರಾಶಿಯವರ ಜೀವನ ಹೇಗಿರಲಿದೆ ಎಂಬುದು ಇಲ್ಲಿದೆ.

ಈ ಸಂವತ್ಸರದಲ್ಲಿ ನಿಮಗೆ ಅಶುಭ ಫಲ ಅಧಿಕವಾಗಿ ಅನುಭವಕ್ಕೆ ಬರಲಿದೆ. ಅಷ್ಟಮ ಮನೆಯಲ್ಲಿ ಸೇರಿಕೊಂಡ ಗುರು ರಾಹುಗಳು ಜೀವನವನ್ನು ಜಂಜಾಟದ ಗೂಡಾಗಿಸಲಿದ್ದಾರೆ. ಈ ವರ್ಷ ಬಹಳ ಕೆಟ್ಟ ಸುದ್ದಿಗಳನ್ನು ಕೇಳಬೇಕಾಗುತ್ತದೆ.

ವರ್ಷದ ಆರಂಭದಲ್ಲೇ ಹಿರಿಯರ ವಿಯೋಗ ದುಃಖ ನೀಡಲಿದೆ. ಪಿತ್ರಾರ್ಜಿತವಾದ ಆಸ್ತಿಪಾಸ್ತಿಗಳ ವಿಚಾರದಲ್ಲಿ ಕೋರ್ಟು ಕಚೇರಿ ಅಲೆದಾಟ ಯೋಗವಿದೆ. ಬಹಳ ಸಮಸ್ಯೆಗಳು ಈ ಸಮಯದಲ್ಲಿ ನಿಮ್ಮ ಕಾಡುತ್ತದೆ.

ನಿಮಗೂ ಶಾರೀರಿಕವಾಗಿ ಅಜ್ಞಾತ ರೋಗಗಳು ಮತ್ತು ಬಿಟ್ಟು ಬಿಟ್ಟು ಬರುವ ಕಾಯಿಲೆಗಳು ನಿರಂತರವಾಗಿ ಬಾಧಿಸುತ್ತದೆ. ಆರೋಗ್ಯಕ್ಕಾಗಿ ಈ ವರ್ಷ ಬಹಳ ಖರ್ಚು ಮಾಡಬೇಕಾಗುವ ಪರಿಸ್ಥಿತಿ ಬರುತ್ತದೆ. ಆರೋಗ್ಯದ ಬಗ್ಗೆ ಕಾಳಜಿ ಇರಲಿ.

ಮರಣದ ಅಂಚಿನಲ್ಲಿರುವವರಿಗೆ ಸದ್ದತಿ ಕೊಡುವ ಸಂವತ್ಸರ ಇದು. ನಿರಂತರವಾದ ಶತ್ರುಪೀಡೆ ಇದ್ದರು ಕೂಡ ಶತ್ರುಗಳ ಸತ್ವ ಸಂಹಾರವಾಗಲಿದೆ. ರಾಜಕಾರಣಿಗಳು ಅಧಿಕಾರಿಗಳು ನಿಮ್ಮ ಪರವಾಗಲಿದ್ದಾರೆ.

ಹೈನುಗಾರರಿಗೆ, ಪಶು ಸಂಗೋಪನಾದಿ ವೃತ್ತಿಯವರಿಗೆ ಈ ವರ್ಷ ಅನುಕೂಲಗಳಿವೆ. ಕೆಲವೊಮ್ಮೆ ಕಷ್ಟದ ಕಾರ್ಯಗಳು ಸುಲಭವಾಗಿ ಆಗುತ್ತದೆ, ಹಾಗೆಯೇ ಸುಲಭದ ಕೆಲಸ ಕಷ್ಟಕರವಾಗಿ ಪರಿಣಮಿಸಬಹುದು.

ಬಂಧು ಬಾಂಧವರಿಂದ ನಿಮಗೆ ನಿರಂತರವಾಗಿ ಸಮಸ್ಯೆ ಆಗುತ್ತದೆ. ಆರ್ಥಿಕ ಮಟ್ಟವು ಕೂಡ ಸಮಾಧಾನಕರವಾಗಿರುವುದಿಲ್ಲ, ಹೊಟ್ಟೆಗೆ ಸಂಬಂಧಿಸಿದ ಅನೇಕ ಸಮಸ್ಯೆಗಳು ಈ ಸಮಯದಲ್ಲಿ ಬೆನ್ನು ಬೀಳುವ ಸಾಧ್ಯತೆ ಇದೆ,