Ugadi 2023 Prediction: ಧನಸ್ಸು ರಾಶಿಯವರಿಗೆ ಅರ್ಧ ವರ್ಷ ಸಿಹಿ, ಇನ್ನರ್ಧ ಕಹಿಯಂತೆ

ಈ ಸಂವತ್ಸರದಲ್ಲಿ ನಿಮಗೆ ಸಂತೋಷ ಸಾಗರವೇ ಹರಿದು ಬರಲಿದೆ. ಪಂಚಮದ ಗುರು ತೃತೀಯದ ಶನಿ ಸೇರಿಕೊಂಡು ಹೆಜ್ಜೆ ಹೆಜ್ಜೆಗೂ ನಿಮ್ಮನ್ನು ಜಯಶೀಲರನ್ನಾಗಿಸಲಿದ್ದಾರೆ. ನಿಮ್ಮ ಜೀವನದಲ್ಲಿ ಸಂತೋಷದ ಸಮಯ ಸ್ಟಾರ್ಟ್​.

ಎಷ್ಟೋ ವರ್ಷದಿಂದ ಕಾದಿದ್ದ ಪುತ್ರ ಸಂತಾನ ಯೋಗ ನಿಮ್ಮನ್ನು ಹುಡುಕಿ ಬರಲಿದೆ. ನ್ಯಾಯವಾದಿಗಳು ಲೇಖಕರು ಕಲಾವಿಭಾಗದವರು ಈ ಸಂವತ್ಸರದಲ್ಲಿ ಉನ್ನತ ಸ್ಥಾನಕ್ಕೆ ಏರಲಿದ್ದಾರೆ. ಅದೃಷ್ಟ ಈ ಸಮಯದಲ್ಲಿ ಹೆಚ್ಚಾಗಲಿದೆ.

ಟ್ರೇಡಿಂಗ್ ಕಮಿಷನ್ ವ್ಯವಹಾರಸ್ಥರು ಪ್ರಗತಿ ಸಾಧಿಸುವರು. ಉದ್ಯೋಗಸ್ಥರು ಜ್ಞಾನಾರ್ಜನೆ ಜೊತೆಗೆ ಪ್ರಮೋಷನ್ ಪಡೆಯಲಿದ್ದಾರೆ. ವೃತ್ತಿ ಜೀವನದಲ್ಲಿ ಯಶಸ್ಸು ನಿಮ್ಮನ್ನ ಹುಡುಕಿ ಬರುವುದರಲ್ಲಿ ಅನುಮಾನವಿಲ್ಲ.

ಆದರೂ ಕೆಲವೊಮ್ಮೆ ಕೈಗೆ ಬಂದ ತುತ್ತು ಬಾಯಿಗಿಲ್ಲ ಎಂದಾದೀತು. ಹಾಗಾಗಿ ಬಹಳ ಎಚ್ಚರದಿಂದ ಕೆಲ ಕೆಲಸಗಳನ್ನು ಮಾಡಬೇಕಾಗುತ್ತದೆ. ನೀವು ನಂಬಿದ ಕೆಲವರು ನಿಮಗೆ ಮೋಸ ಮಾಡಬಹುದು. ಹಾಗಾಗಿ ಯಾರ ಬಳಿಯೂ ನಿಮ್ಮ ಪ್ಲ್ಯಾನ್ ಹಂಚಿಕೊಳ್ಳಬೇಡಿ.

ಈ ವರ್ಷ ಮಾನಸಿಕವಾಗಿ ಒತ್ತಡಗಳನ್ನು ಎದುರಿಸಿ ಬೆಂಡಾಗಲಿದ್ದೀರಿ. ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿವುದು ನಿಮಗೆ ಬಹಳ ಅನಿವಾರ್ಯವಾಗುತ್ತದೆ. ನೆಗ್ಲೆಕ್ಟ್ ಮಾಡಿದರೆ ಮುಂದಿನ ದಿನಗಳಲ್ಲಿ ನಿಮಗೇ ಕಷ್ಟ.

ವರ್ಷಾರ್ಧದ ನಂತರ ತಾಯಿಗೆ ಅನಾರೋಗ್ಯ, ವಾಹನಾಪಘಾತ ಹೃದಯ ರೋಗ ಭೂ ವಿವಾದ ಶತ್ರುಗಳ ಪೀಡೆ ಹೀಗೆ ಸ್ವಲ್ಪಮಟ್ಟಿನ ಅಶುಭ ಫಲಗಳು ಅನುಭವಕ್ಕೆ ಬರಲಿದೆ.

ಧಾರ್ಮಿಕ ಆಧ್ಯಾತ್ಮಿಕವಾದ ಸೆಳೆತಗಳು ಅತಿ ಎನ್ನುವಷ್ಟು ನಿಮ್ಮನ್ನು ಸೆಳೆಯಬಹುದು. ಶುಕ್ಲ ಪಕ್ಷದ ಚಂದ್ರನಂತೆ ದಿನೇ ದಿನೇ ಎಲ್ಲಾ ವಿಚಾರಗಳಲ್ಲಿ ನಿಮಗೆ ವೃದ್ಧಿಯಾಗಲಿದೆ