Ugadi 2023 Prediction: ಈ ರಾಶಿಯವರಿಗೆ ಹೊಸವರ್ಷದಲ್ಲಿ ಆರೋಗ್ಯವೇ ದೊಡ್ಡ ಸಮಸ್ಯೆ ಆಗಲಿದೆ, ಸ್ವಲ್ಪ ಎಚ್ಚರ

ಯುಗಾದಿ ಹಬ್ಬಕ್ಕೆ ಕೆಲವೇ ದಿನಗಳು ಬಾಕಿ ಇದೆ. ಹೊಸವರ್ಷದ ಆರಂಭಕ್ಕೆ ಎಲ್ಲರೂ ಸಜ್ಜಾಗಿದ್ದಾರೆ. ಈ ಯುಗಾದಿ ಹೊಸವರ್ಷದಲ್ಲಿ ನಿಮ್ಮ ದಿನಗಳು ಹೇಗಿರಲಿದೆ, ಯಾವ ರಾಶಿಗೆ ಶುಭ ಲಾಭ, ಯಾರಿಗೆ ಸಂಕಷ್ಟ ಎಂಬುದನ್ನ ತಿಳಿದುಕೊಳ್ಳುವ ತವಕ ಇರುತ್ತದೆ. ಜ್ಯೋತಿಷ್ಯದ ಪ್ರಕಾರ ಮೀನ ರಾಶಿಯವರಿಗೆ ಈ ವರ್ಷ ಹೇಗಿರಲಿದೆ ಎಂಬುದು ಇಲ್ಲಿದೆ.

ಕಳೆದ ಸಂವತ್ಸರದಿಂದ ಆರಂಭವಾದ ಸಾಡೇಸಾತಿನ ಪ್ರಭಾವದಲ್ಲಿರುವ ನಿಮಗೆ ದ್ವಿತೀಯದ ಗುರುವಿನ ಮಹಿಮೆಯಿಂದಾಗಿ ಸ್ವಲ್ಪಮಟ್ಟಿನ ಶುಭಫಲಗಳು ಅನುಭವಕ್ಕೆ ಬರಲಿದೆ. ಜೀವನದಲ್ಲಿ ಸ್ವಲ್ಪ ನೆಮ್ಮದಿ ಸಿಗಬಹುದು.

ದ್ವಾದಶದ ಶನಿಯಿಂದ ವಿಪರೀತ ಅಪವ್ಯಯ ಆಗಲಿದೆ. ಸ್ಥಾನದಿಂದ ಕೆಳಗಿಳಿಯುವ ಸ್ಥಿತಿಗಳು ಉಂಟಾಗಬಹುದು. ಕಣ್ಣಿನಲ್ಲಿ ರೋಗ ನಿಮ್ಮನ್ನ ಕಾಡಬಹುದು. ಸಾಲ ಬಾಧೆ, ಧೈರ್ಯವೇ ಇಲ್ಲದಿರುವ ಸ್ಥಿತಿಗಳು ನಿರ್ಮಾಣವಾಗಬಹುದು.

ದೇಶಭ್ರಷ್ಟತೆ ಯೋಗವಿದ್ದು, ದೊಡ್ಡಮಟ್ಟಿನ ಸ್ಥಳಾಂತರವಾಗುವ ಯೋಗವಿರುತ್ತದೆ. ಮಹತ್ತರವಾದ ಶತ್ರುಕಾಟ ಇದ್ದರು ಅಂತಿಮ ಜಯ ನಿಮ್ಮದೇ. ಜೀವನದಲ್ಲಿ ಏರು-ಪೇರಾಗುವುದು. ಸ್ವಲ್ಪ ಎಚ್ಚರಿಕೆ ಬಹಳ ಅಗತ್ಯ.

ಇಷ್ಟೆಲ್ಲ ಅಶುಭ ಫಲಗಳ ಮಧ್ಯೆ ದ್ವಿತೀಯದ ಗುರುವಿನಿಂದ ವೃದ್ಧಿಯಾಗುವ ಸಾಧ್ಯತೆ ಇದೆ. ಆದರೆ ನೀವು ಹಲವು ಸಮಸ್ಯೆಗಳಿಂದ ದೂರವಿದ್ದರೆ ಬಹಳ ಲಾಭವಿದೆ.

ಯಜಮಾನ ಸ್ವಲ್ಪ ಮಟ್ಟಿಗೆ ಉದ್ಯೋಗದಲ್ಲಿ ಪ್ರಗತಿ ಕಾಣಬಹುದಾಗಿದೆ. ಮುಖ ಭಾಗದಲ್ಲಿ ಸಣ್ಣಪುಟ್ಟ ಕಾಯಿಲೆಗಳು ಕಾಣಿಸಿಕೊಳ್ಳಬಹುದು. ಈ ವರ್ಷ ಆರೋಗ್ಯದ ಬಗ್ಗೆ ಎಷ್ಟು ಸಾಧ್ಯವೋ ಅಷ್ಟು ಕಾಳಜಿ ಮಾಡುವುದು ಬಹಳ ಅಗತ್ಯ.

ಕಾರ್ಯ ಸಾಧನೆಗೆ ಹತ್ತಾರು ಪ್ರಯತ್ನಗಳ ಅವಶ್ಯಕತೆ ಇರುತ್ತದೆ. ಸಂಪತ್ತು ಬಂದರು ಕೂಡ ಬೇಕಾದ ಕಾಲದಲ್ಲಿ ಪ್ರಾಪ್ತವಾಗಲಿಕ್ಕಿಲ್ಲ. ಒಟ್ಟಾರೆ ಈ ವರ್ಷ ಕೈಗೆ ಬಂದ ತುತ್ತು ಬಾಯಿಗೆ ಬಂದಿಲ್ಲ ಎನ್ನುವಂತಾಗುತ್ತದೆ.