Ugadi 2023 Prediction: ಈ ರಾಶಿಯವರಷ್ಟು ಕಷ್ಟ ಬೇರಾರಿಗೂ ಇರಲ್ವಂತೆ, ಹೊಸವರ್ಷ ಹರೋಹರ

ಯುಗಾದಿ ಸಮಯದಲ್ಲಿ ಪಂಚಾಂಗ ಶ್ರವಣ ಮಾಡುವ ಪದ್ಧತಿ ಇದೆ. ಏಕೆಂದರೆ ಮುಂಬರುವ ದಿನಗಳ ಬಗ್ಗೆ ಮಾಹಿತಿ ಇರಲಿ ಎಂದು. ಈ ಪಂಚಾಂಗ ಶ್ರವಣ ಮಾಡುವಾಗ ಹವಾಮಾನ ಹೇಗಿರಲಿದೆ, ಮಳೆ ಆಗುತ್ತದೆಯೋ, ಯಾವುದಾದರೂ ಪ್ರಕೃತಿ ವಿಕೋಪ ಆಗುವ ಸೂಚನೆ ಇದೆಯಾ ಎಂದೆಲ್ಲಾ ಹೇಳಲಾಗುತ್ತದೆ.

ಹಾಗೆಯೇ ಈ ಸಮಯದಲ್ಲಿ 12 ರಾಶಿಗಳ ಫಲಾಫಲವನ್ನು ಸಹ ನೋಡಲಾಗುತ್ತದೆ. ಯಾವ ರಾಶಿಗೆ ಯುಗಾದಿ ಹೇಗಿರಲಿದೆ ಎಂಬುದನ್ನ ತಿಳಿದುಕೊಳ್ಳಬಹುದು. ಇನ್ನು ಈ ಯುಗಾದಿ ನಂತರ ಕುಂಭ ರಾಶಿಯವರ ಜೀವನ ಹೇಗಿರಲಿದೆ ಎಂಬುದು ಇಲ್ಲಿದೆ.

ಜನ್ಮ ಶನಿ ಮೂರರ ಗುರುವಿನ ಪ್ರಭಾವದಿಂದಾಗಿ ಈ ಸಂವತ್ಸರದಲ್ಲಿ ಪ್ರಾಯಶಃ ನಿಮ್ಮಷ್ಟು ಕಷ್ಟಗಳನ್ನು ಎದುರಿಸುವವರು ಯಾರು ಇಲ್ಲ ಎಂದೇ ಹೇಳಬಹುದು. ಜೀವನದ ಪ್ರತಿ ಹಂತದಲ್ಲೂ ನಿಮಗೇ ಕಷ್ಟಗಳು ಜಾಸ್ತಿ.

ಸಾಡೇಸಾತಿನ ಮಧ್ಯಮ ಪರ್ಯಾಯದಲ್ಲಿರುವ ನಿಮಗೆ ಹೊರಟ ಕಾರ್ಯಗಳಲ್ಲಿ ಅಪಜಯ ಗ್ಯಾರಂಟಿ. ಶಿರೋಭಾಗದ ಕಾಯಿಲೆ ದುಃಖ ದುಮ್ಮಾನ ಅಪಕೀರ್ತಿ ಮತ್ತು ಅಪವಾದ ಹುಡುಕಿಕೊಂಡು ಬರುತ್ತದೆ ಎಂದರೆ ತಪ್ಪಲ್ಲ.

ಸ್ಥಾನಪಲ್ಲಟ ಸ್ಥಾನಭ್ರಮ ವಾತ ಪ್ರಭಾವದಿಂದ ಶಾರೀರಿಕವಾದ ಎಲ್ಲಾ ವಿಭಾಗಗಳಲ್ಲಿ ನೋವುಗಳು ಕಾಣಿಸಬಹುದು. ಒಟ್ಟಾರೆ ಆರೋಗ್ಯದ ವಿಚಾರದಲ್ಲಿ ಸಹ ನಿಮಗೆ ಸಮಸ್ಯೆಗಳಾಗುತ್ತದೆ. ಈ ವರ್ಷ ಯಾವುದೂ ಚೆನ್ನಾಗಿರುವುದಿಲ್ಲ.

ಸಣ್ಣವರಲ್ಲಿ ಸಣ್ಣವರಾಗುವ ಯೋಗವಿದೆ ಬಂಧುಬಾಂಧವರ ವಿರೋಧಗಳಿದ್ದರೂ ಸಹೋದರರಿಂದ ಸಹಾಯ ಸಿಗಲಿದೆ. ನಿಮ್ಮಿಂದ ಸಹಾಯ ಪಡೆದವರೇ ಇಂದು ನಿಮಗೆ ಬೆನ್ನಿಗೆ ಚೂರಿ ಹಾಕಲಿದ್ದಾರೆ

ಹಣಕಾಸಿನ ಪರಿಸ್ಥಿತಿಯಂತೂ ತುಂಬಾ ಕಳಪೆ ಆಗಬಹುದು ಎಷ್ಟು ದುಡಿದರು ಸಾಲ ಕಟ್ಟಲು ಸಾಲದು ಎಂಬ ಸ್ಥಿತಿ ನಿರ್ಮಾಣವಾಗಬಹುದು. ಆದಾಯವೂ ಹೆಚ್ಚಾಗದೇ ಖರ್ಚು ಹೆಚ್ಚಾಗಿ ನೀವು ಬಹಳ ಪರದಾಡುವ ಪರಿಸ್ಥಿತಿ ಬರುತ್ತದೆ.