Raj Yoga 2023: ಈ ರಾಶಿಯವರಿಗೆ ಜನವರಿಯಲ್ಲಿ ರಾಜಯೋಗ, ಐಶ್ವರ್ಯ ತುಂಬಿ ತುಳುಕಲಿದೆ

ಶುಕ್ರವು ಐಷಾರಾಮಿ, ಸೌಂದರ್ಯ ಮತ್ತು ಲೌಕಿಕ ಸಂತೋಷವನ್ನು ಸಂಕೇತಿಸುತ್ತದೆ. ಶುಕ್ರನ ಕೃಪೆ ಇದ್ದರೆ. ಐಷಾರಾಮಿ ಜೀವನ ನಡೆಸಬಹುದು ಎನ್ನಲಾಗುತ್ತದೆ. ಹಾಗೆಯೇ ಬುಧನ ಕೃಪೆ ಸಹ ಜ್ಯೋತಿಷ್ಯ ಶಾಸ್ತ್ರದಲ್ಲಿ ಬಹಳ ಮುಖ್ಯವಾಗುತ್ತದೆ. ಜನವರಿ, ಫೆಬ್ರವರಿ 2023 ರಲ್ಲಿ ಅನೇಕ ಗ್ರಹಗಳು ತಮ್ಮ ರಾಶಿ ಬದಲಾಯಿಸುತ್ತವೆ, ಇದು ಇತರ ರಾಶಿಗಳ ಮೇಲೆ ಪರಿಣಾಮ ಬೀರುತ್ತದೆ.

ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಬುಧ ಗ್ರಹವನ್ನು ಮಂಗಳಕರ ಗ್ರಹವೆಂದು ಪರಿಗಣಿಸಲಾಗಿದೆ. ಬುಧ ಗ್ರಹವನ್ನು ಜ್ಞಾನ, ಕಲಿಕೆ, ಬುದ್ಧಿವಂತಿಕೆ, ತಾರ್ಕಿಕ ಸಾಮರ್ಥ್ಯ ಇತ್ಯಾದಿಗಳ ಸಂಕೇತ ಎನ್ನಲಾಗುತ್ತದೆ. ಈ ಬುಧ ಗ್ರಹದ ಸ್ಥಾನ ಬದಲಾವಣೆಯಿಂದ ಕೆಲ ರಾಶಿಗೆ ಲಾಭ ಸಿಗಲಿದೆ.

ಜಾತಕದಲ್ಲಿ 4, 7, 10 ರಂತಹ 3 ಕೇಂದ್ರ ಮನೆಗಳನ್ನು ಮತ್ತು 1, 5, 9 ನಂತಹ 3 ಮನೆಗಳಲ್ಲಿ ಈ ಬುಧ ಅಥವಾ ಶುಕ್ರ ನೆಲೆಸಿದ್ದರೆ ರಾಜಯೋಗ ರೂಪುಗೊಳ್ಳುತ್ತದೆ. ರಾಜಯೋಗವು ಸಂಪತ್ತು, ಸಮೃದ್ಧಿ, ಯಶಸ್ಸು, ಸಂತೋಷ ಮತ್ತು ಐಷಾರಾಮಿ ಜೀವನವನ್ನು ನೀಡುತ್ತದೆ ಎನ್ನುವ ನಂಬಿಕೆ ಇದೆ. ಅಲ್ಲದೇ ವೈಯಕ್ತಿಕ ಜೀವನ ಹಾಗೂ ಉದ್ಯೋಗದಲ್ಲಿ ಸಹ ಲಾಭ ಸಿಗಲಿದೆ,

ವೈದಿಕ ಗ್ರಂಥಗಳಲ್ಲಿ ರಾಜಯೋಗವನ್ನು ಮಂಗಳಕರವೆಂದು ಪರಿಗಣಿಸಲಾಗಿದೆ. ಈ ಯೋಗವು ಬಂದಾಗ, ಜೀವನದಲ್ಲಿ ಅದೃಷ್ಟ ಬರುತ್ತದೆ ಮತ್ತು ರಾಜನಂತೆ ಬದುಕು ನಡೆಸಲು ಸಹಾಯ ಮಾಡುತ್ತದೆ ಎನ್ನಲಾಗುತ್ತದೆ. ಇನ್ನು ಮುಖ್ಯವಾಗಿ ಸಿಂಹಾಸನ ರಾಜಯೋಗ, ಧ್ವಜ ರಾಜಯೋಗ, ಆರ್ಕ್ ರಾಜಯೋಗ, ಮಧ್ಯ ತ್ರಿಕೋನ ರಾಜಯೋಗಗಳು ನಿಮ್ಮ ಜಾತಕದಲ್ಲಿ ರೂಪುಗೊಂಡರೆ ಬಹಳ ಲಕ್ಕಿ ಎನ್ನಲಾಗುತ್ತದೆ.

ಮೇಷ ರಾಶಿ: ಮಕರ ರಾಶಿಯವರಿಗೆ ಬುಧ ಸಂಕ್ರಮಣ ಫಲದಾಯಕವಾಗಿರುತ್ತದೆ ಎನ್ನುತ್ತಿದೆ ಜ್ಯೋತಿಷ್ಯ ಶಾಸ್ತ್ರ. ಈ ರಾಶಿಯವರ ಜಾತಕದಲ್ಲಿ 10ನೇ ಮನೆಯಲ್ಲಿ ರಾಜಯೋಗ ರಚನೆಯಾಗುತ್ತಿದ್ದು, ವೃತ್ತಿ ಜೀವನದಲ್ಲಿ ಲಾಭ ಯಶಸ್ಸು ಸಿಗಲಿದೆ. ಅಲ್ಲದೇ ಈ ಸಮಯದಲ್ಲಿ ಹೊಸ ಉದ್ಯೋಗಾವಕಾಶಗಳೂ ದೊರೆಯಲಿವೆ. ಸಾಮಾಜಿಕ ಗೌರವವೂ ಹೆಚ್ಚಾಗಬಹುದು. ಉದ್ಯಮಿಗಳು ವ್ಯಾಪಾರದಲ್ಲಿ ಉತ್ತಮ ಲಾಭವನ್ನು ಗಳಿಸಬಹುದು.

ಮಕರ ರಾಶಿ: ಬುಧ ರಾಶಿಯ ಬದಲಾವಣೆಯು ಮಕರ ರಾಶಿಯ ಜನರಿಗೆ ತುಂಬಾ ಪ್ರಯೋಜನಕಾರಿಯಾಗಿದೆ. ವೃತ್ತಿಜೀವನದಲ್ಲಿ ಪ್ರಗತಿಯ ಜೊತೆಗೆ, ಆದಾಯದ ಮೂಲವೂ ಹೆಚ್ಚಾಗುತ್ತದೆ. ಮಾನಸಿಕ ಒತ್ತಡದಿಂದ ಮುಕ್ತರಾಗುವ ಸಮಯ ಇದು.

ತುಲಾ ರಾಶಿ: ಜಾತಕದಲ್ಲಿ ನಾಲ್ಕನೇ ಮನೆಯಲ್ಲಿ ಬುಧ ಸಂಚಾರ ಇದ್ದು, ಇದರಿಂದ ಜೀವನದಲ್ಲಿ ಸಂತೋಷ ಹೆಚ್ಚಾಗಲಿದೆ. ಈ ಸಮಯದಲ್ಲಿ ನೀವು ಹೊಸ ವಾಹನ ಮತ್ತು ಆಸ್ತಿಯನ್ನು ಖರೀದಿಸುವುದು ಲಾಭ ನೀಡಲಿದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)