Trigrahi Yoga: ಮೇಷ ರಾಶಿಯಲ್ಲಿ ವಿಚಿತ್ರ ಯೋಗ, ಒಂದಿಲ್ಲೊಂದು ಅಪಾಯ ಕಟ್ಟಿಟ್ಟ ಬುತ್ತಿ

ಗ್ರಹಗಳು ಒಂದೊಂದು ಕಾಲಕ್ಕೆ ರಾಶಿ ಬದಲಾವಣೆ ಮಾಡುವುದರಿಂದ ಅದರ ಪರಿಣಾಮವನ್ನು ಎಲ್ಲರೂ ಅನುಭವಿಸಬೇಕಾಗುತ್ತದೆ. ಈ ಗ್ರಹಗಳ ಸಂಚಾರದಿಂದ ರೂಪುಗೊಳ್ಳುವ ಯೋಗದಿಂದ ಸಹ ನಮಗೆ ಸಮಸ್ಯೆ ಆಗುತ್ತದೆ.

ಇನ್ನು ಮಾರ್ಚ್ 31 ರಿಂದ ಮೀನ ರಾಶಿಯಲ್ಲಿ ತ್ರಿಗ್ರಾಹಿ ಸಂಯೋಗ ಇರುತ್ತದೆ ಅಂದರೆ ರಾಹು, ಬುಧ ಮತ್ತು ಶುಕ್ರ ಸಂಯೋಗ ಆಗುತ್ತದೆ. ಇದರ ಕಾರಣದಿಂದ ಮುಖ್ಯವಾಗಿ 3 ರಾಶಿಗಳು ಬಹಳ ಎಚ್ಚರಿಕೆಯಿಂದ ಇರಬೇಕು.

ಈ ಯೋಗದ ಕಾರಣದಿಂದ ಈ 3 ರಾಶಿಗಳು ಹಣದ ಕೊರತೆ, ಗೌರವ ಕಳೆದುಕೊಳ್ಳುವುದು, ಹೆಚ್ಚು ಸಾಮಾಜಿಕ ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಯಾವೆಲ್ಲಾ ರಾಶಿಗೆ ಇದರಿಂದ ಸಮಸ್ಯೆ ಇದೆ ಎಂಬುದು ಇಲ್ಲಿದೆ.

ಕನ್ಯಾ ರಾಶಿಯವರಿಗೆ ತ್ರಿಗ್ರಾಹಿ ಯೋಗವು ಬಹಳ ದೊಡ್ಡ ಸಮಸ್ಯೆ ತರಲಿದೆ ಎನ್ನಬಹುದು. ಈ ಸಮಯದಲ್ಲಿ ಆರೋಗ್ಯವನ್ನು ಚೆನ್ನಾಗಿ ನೋಡಿಕೊಳ್ಳಬೇಕು, ಬಹಳ ಜಾಗರೂಕರಾಗಿರಬೇಕು, ಹೊಸ ಕೆಲಸವನ್ನು ಪ್ರಾರಂಭಿಸುವಾಗ ತುಂಬಾ ಜಾಗರೂಕರಾಗಿರಿ. ಸಾಧ್ಯವಾದರೆ ಹೊಸ ಯೋಜನೆ ಪ್ರಾರಂಭಿಸಬೇಡಿ. ನೀವು ದೊಡ್ಡ ನಷ್ಟವನ್ನು ಎದುರಿಸಬೇಕಾಗುತ್ತದೆ.

ಇಷ್ಟೇ ಅಲ್ಲದೇ, ಈ ಸಮಯದಲ್ಲಿ ಬಹಳ ಎಚ್ಚರಿಕೆಯಿಂದ ಚಾಲನೆ ಮಾಡಿ. ಅಪಘಾತವಾದರೆ ಅದು ಜೀವನದಲ್ಲಿ ಸಮಸ್ಯೆಗಳನ್ನು ಉಂಟುಮಾಡುತ್ತದೆ. ಮನೆಯಲ್ಲಿರುವ ಹಿರಿಯರು ಈ ಸಮಯದಲ್ಲಿ ಅನಾರೋಗ್ಯಕ್ಕೆ ಒಳಗಾಗಬಹುದು.

ವೃಷಭ ರಾಶಿಯವರಿಗೆ ಸಹ ತ್ರಿಗ್ರಾಹಿ ಯೋಗ ಸಮಸ್ಯೆಗಳ ಸರಮಾಲೆ ಸೃಷ್ಟಿಸಲಿದೆ. ಸಾಧ್ಯವಾದಷ್ಟು ಖರ್ಚು ಮಾಡುವುದನ್ನ ನಿಲ್ಲಿಸಿ. ಈಗ ಹೂಡಿಕೆ ಮಾಡಲು ಉತ್ತಮ ಸಮಯವಲ್ಲ. ಈ ಸಮಯದಲ್ಲಿ ಷೇರು ಮಾರುಕಟ್ಟೆ, ಲಾಟರಿಗಳಲ್ಲಿ ಹೂಡಿಕೆ ಮಾಡುವುದು ನಷ್ಟಕ್ಕೆ ಕಾರಣವಾಗುತ್ತದೆ.

ಈ ಯೋಗದ ಕಾರಣದಿಂದ ಕೆಲಸದ ಸ್ಥಳದಲ್ಲಿ ಅಥವಾ ಕುಟುಂಬದಲ್ಲಿ ಯಾರೊಂದಿಗಾದರೂ ಘರ್ಷಣೆಗಳು ಉಂಟಾಗಬಹುದು ಈ ಸಮಯದಲ್ಲಿ ಬಹಳ ಜಾಗರೂಕರಾಗಿರಿ. ಇಲ್ಲದಿದ್ದರೆ ಸಮಸ್ಯೆ ನಿಮ್ಮನ್ನ ಹೈರಾಣಾಗಿಸಬಹುದು.

ವೃಶ್ಚಿಕ ರಾಶಿಯವರಿಗೆ ಈ ಬಾರಿ ದೊಡ್ಡ ಸಮಸ್ಯೆ ಎದುರಾಗಲಿದೆ. ಆರನೇ ಮನೆಯಲ್ಲಿ ಇರುವ ಯುತಿ ಕೋರ್ಟ್​ ಪ್ರಕರಣಗಳಲ್ಲಿ ಸೋಲಿಗೆ ಕಾರಣವಾಗುತ್ತದೆ. ಈ ಸಮಯದಲ್ಲಿ ಆರ್ಥಿಕ ಸಮಸ್ಯೆಗಳು ಎದುರಾಗಲಿದ್ದು, ಸಾಲ ಮಾಡುವ ಪರಿಸ್ಥಿತಿ ಈ ಬಾರಿ ಎದುರಾಗಲಿದೆ .

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)