Tirumala Darshan: ತಿರುಪತಿ ದರ್ಶನಕ್ಕೂ ಮುನ್ನ ಗಮನಿಸಿ, ಕೋದಂಡರಾಮಸ್ವಾಮಿ ಬ್ರಹ್ಮೋತ್ಸವ ಆರಂಭ

ತಿರುಪತಿ ತಿಮ್ಮಪ್ಪನ ಸನ್ನಿಧಾನದಲ್ಲಿ ಈಗ ಕೋದಂಡರಾಮನ ಬ್ರಹ್ಮೋತ್ಸವವದ ಸಂಭ್ರಮ. ಈಗಾಗಲೇ ಶ್ರೀ ಕೋದಂಡರಾಮ ಬ್ರಹ್ಮೋತ್ಸವವು ಧ್ವಜಾರೋಹಣದೊಂದಿಗೆ ಆರಂಭವಾಗಿದೆ. ಹಾಗಾದರೆ ಈ ಧಾರ್ಮಿಕ ಉತ್ಸವದಲ್ಲಿ ಏನೆಲ್ಲ ವಿಶೇಷವಿರುತ್ತದೆ ಎಂಬ ವಿವರ ಇಲ್ಲಿದೆ ನೋಡಿ. (ಸಾಂದರ್ಭಿಕ ಚಿತ್ರ)

ಮಾರ್ಚ್ 20ರಿಂದ 28ರವರೆಗೆ ನಡೆಯಲಿರುವ ತಿರುಪತಿ ಶ್ರೀ ಕೋದಂಡರಾಮಸ್ವಾಮಿ ಬ್ರಹ್ಮೋತ್ಸವಕ್ಕೆ ಭಾನುವಾರ ರಾತ್ರಿ ಚಾಲನೆ ನೀಡಲಾಯಿತು. ಮುಂಜಾನೆ ಪರಿವಾರ ದೇವತೆಗಳಿಗೆ ತಿರುಮಂಜನವನ್ನು ನೆರವೇರಿಸಲಾಯಿತು. (ಸಾಂದರ್ಭಿಕ ಚಿತ್ರ)

ಬಳಿಕ ಉತ್ಸವಮೂರ್ತಿಗೆ ಅಭಿಷೇಕ, ತೋಮಾಲ ಸೇವೆ, ಸಹಸ್ರನಾಮಾರ್ಚನೆ ನೆರವೇರಿತು. ಸಂಜೆ 5.30ರಿಂದ 6.30ರವರೆಗೆ ವೇದಪ್ರಬಂಧ ಸೇರಿದಂತೆ ಹಲವು ವಿಶೇಷ ಕಾರ್ಯಕ್ರಮಗಳು ನಡೆದವು. (ಸಾಂಕೇತಿಕ ಚಿತ್ರ)

ಅಷ್ಟೇ ಅಲ್ಲ, ಸಂಜೆ 6.30ರಿಂದ 7.15ರವರೆಗೆ ಸೇನಾಧಿಪತಿ ಉತ್ಸವ ಅದ್ಧೂರಿಯಾಗಿ ನಡೆಯಿತು. ರಾತ್ರಿ 7.15ರಿಂದ ಮೇದಿನಿ ಪೂಜೆ, ಮೃತ್ಸಂಗ್ರಹಣ, ಶಾಸ್ತ್ರೋಕ್ತಾಂಗ ಅಂಕುರಾರ್ಪಣ ನಡೆಯಿತು. (ಸಾಂದರ್ಭಿಕ ಚಿತ್ರ)

ತಿರುಮಲದ ಪೆದ್ದ ಜೀರ್ ಸ್ವಾಮೀಜಿ, ಚಿನ್ನಾಜೀರ್ ಸ್ವಾಮೀಜಿ, ದೇವಸ್ಥಾನದ ಸಮೀತಿಯ ವಕ್ತಾರರು, ಪ್ರಧಾನ ಅರ್ಚಕ ಎ.ಪಿ. ಆನಂದಕುಮಾರ್ ದೀಕ್ಷಿತ್ ಹಾಗೂ ಇತರ ಅಧಿಕಾರಿಗಳು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು. (ಸಾಂದರ್ಭಿಕ ಚಿತ್ರ)

ಸೋಮವಾರ ಬೆಳಗ್ಗೆ 8.45ರಿಂದ 9.32ರ ನಡುವೆ ಧ್ವಜಾರೋಹಣದೊಂದಿಗೆ ಸ್ವಾಮಿಯ ಬ್ರಹ್ಮೋತ್ಸವ ಅದ್ಧೂರಿಯಾಗಿ ಆರಂಭಗೊಂಡಿತು. ಇದರ ಅಂಗವಾಗಿ ಬೆಳಗ್ಗೆ 7ರಿಂದ 8.45ರವರೆಗೆ ಶ್ರೀ ಸೀತಾಲಕ್ಷ್ಮಣ ಸಮೇತ ಶ್ರೀ ಕೋದಂಡರಾಮಸ್ವಾಮಿ, ಧ್ವಜಪತಮು, ಚಕ್ರತಾಳ್ವರಿಗೆ ತಿರುವೀಧಿ ಉತ್ಸವ ನಡೆಯಿತು. ಬಳಿಕ ಶ್ರೀ ಸೀತಾಲಕ್ಷ್ಮಣ ಸಮೇತ ಶ್ರೀ ಕೋದಂಡರಾಮಸ್ವಾಮಿ ಸನ್ನಿಧಿಯಲ್ಲಿ ಧ್ವಜಾರೋಹಣ ಕಾರ್ಯಕ್ರಮ ನಡೆಯಲಿದೆ. (ಸಾಂದರ್ಭಿಕ ಚಿತ್ರ)

ಇದರ ನಡುವೆಯೇ ಮಾರ್ಚ್ 19 ರಂದು 81,700 ಭಕ್ತರು ತಿರುಮಲ ತಿಮ್ಮಪ್ಪನ ಸನ್ನಿಧಾನಕ್ಕೆ ಭೇಟಿ ನೀಡಿದ್ದರು. ಈ ಪೈಕಿ ದೇಗುಲದ ಹುಂಡಿಗೆ ಭಕ್ತರಿಂದ ಕಾಣಿಕೆ ರೂಪದಲ್ಲಿ 4.20 ಕೋಟಿ ಆದಾಯ ಬಂದಿದೆ. (ಸಾಂದರ್ಭಿಕ ಚಿತ್ರ)