Bad Dreams Shloka: ಕೆಟ್ಟ ಕನಸಿನಿಂದ ರಾತ್ರಿ ನಿದ್ರೆ ಹಾಳಾಗ್ತಿದೆಯಾ? ಹಾಗಾದ್ರೆ ಈ ಶ್ಲೋಕ ಹೇಳ್ಕೊಂಡು ಮಲಗಿ

ಬೆಳಗ್ಗೆಯಿಂದ ರಾತ್ರಿವರೆಗೆ ದುಡಿದು ಸುಸ್ತಾದಾಗ ಮಲಗಿದ ನಿದ್ರೆ ಬರಬೇಕು. ಆದರೆ ಕೆಲವೊಮ್ಮೆ ನಮ್ಮ ನಿದ್ರೆ ಭಂಗವಾಗುತ್ತದೆ. ಅದಕ್ಕೆ ಕಾರಣ ಕನಸು. ಕೆಲ ಕನಸುಗಳು ನಮ್ಮನ್ನ ಬೆಚ್ಚಿ ಬೀಳಿಸುತ್ತವೆ. ಕೆಟ್ಟ ಕನಸಿನಿಂದ ಒಮ್ಮೆ ಎಚ್ಚರವಾದರೆ ಮತ್ತೆ ನಿದ್ರೆ ಬರುವುದಿಲ್ಲ.

ಈ ರೀತಿ ಒಂದು ದಿನ ಆದರೆ ಚೆಂದ. ಆದರೆ ಪದೇ ಪದೇ ಕೆಟ್ಟ ಕನಸುಗಳು ಬೀಳುತ್ತಿದ್ದರೆ ಅದು ನಿಮ್ಮ ನಿದ್ರೆಯ ಗುಣಮಟ್ಟ ಹಾಗೂ ಆರೋಗ್ಯದ ಮೇಲೆ ಸಹ ಪರಿಣಾಮ ಬೀರುತ್ತದೆ. ಅದರಲ್ಲೂ ಮಕ್ಕಳಿಗೆ ಈ ರೀತಿಯ ಕನಸು ಹೆಚ್ಚು ಬೀಳುತ್ತದೆ.

ಸಾಮಾನ್ಯವಾಗಿ ಮಕ್ಕಳಿಗೆ ಈ ರೀತಿ ಪದೇ ಪದೇ ಭಯಾನಕ ಕನಸು ಬೀಳುತ್ತಿದ್ದರೆ ದೇವಸ್ಥಾನಕ್ಕೆ ಕರೆದುಕೊಂಡು ಹೋಗುವುದು ಸೇರಿದಂತೆ ಅನೇಕ ವಿಧಾನಗಳನ್ನು ಅನುಸರಿಸುತ್ತಾರೆ. ಹಾಗೆಯೇ ದೊಡ್ಡವರು ಸಹ ಈ ಕೆಟ್ಟ ಕನಸಿನಿಂದ ಮುಕ್ತಿ ಪಡೆಯಲು ಹೆಣಗಾಡುತ್ತಾರೆ.

ಆದರೆ ರಾತ್ರಿ ಮಲಗುವ ಮೊದಲು ಒಂದು ಶ್ಲೋಕ ಹೇಳಿಕೊಂಡು ಮಲಗಿದರೆ ಸಾಕು ನಿಮ್ಮ ಕೆಟ್ಟ ಕನಸುಗಳಿಗೆ ಫುಲ್ ಸ್ಟಾಪ್ ಇಡಬಹುದು. ಅಷ್ಟೇ ಅಲ್ಲದೇ, ಈ ಶ್ಲೋಕ ಹೇಳಿಕೊಂಡು ಮಲಗುವುದರಿಂದ ನಿದ್ರೆ ಸಹ ಚೆನ್ನಾಗಿ ಬರುತ್ತದೆ.

ರಾಮ ಸ್ಕಂದಂ ಹನುಮಂತಂ ವೈನತೇಯಂ ವೃಕೋದರಂ ಶಯನೇ ಯಃ ಸ್ಮರೇನ್ನಿತ್ಯಂ ದುಸ್ವಪ್ನಂ ತಸ್ಯ ನಶ್ಯತಿ. ಈ ಶ್ಲೋಕವನ್ನು ಮಲಗುವಾಗ ನೀವು ಹೇಳಿ ಹಾಗೂ ಮಕ್ಕಳಿಗೆ ಸಹ ಹೇಳಿಕೊಟ್ಟರೆ ಕೆಟ್ಟ ಕನಸು ಬೀಳುವುದಿಲ್ಲ.

ಶ್ರೀರಾಮ, ಆಂಜನೇಯ, ಗರುಡ, ಭೀಮಸೇನ ಈ ಎಲ್ಲಾ ದೇವರನ್ನು ಮಲಗುವ ಮುನ್ನ ನಾವು ನೆನೆಸಿಕೊಳ್ಳುವುದರಿಂದ, ಕೆಟ್ಟ ಕನಸು ಬೀಳುವುದಿಲ್ಲ ಎಂಬುದು ಈ ಶ್ಲೋಕದ ಅರ್ಥ. ಇದರಿಂದ ಕೆಟ್ಟ ಕನಸಿಗೆ ಪರಿಹಾರ ಸಿಗುವುದು ಮಾತ್ರವಲ್ಲದೇ ಮಕ್ಕಳಿಗೆ ಸಹ ಒಂದು ಶ್ಲೋಕ ಹೇಳಿಕೊಟ್ಟಂತೆ ಆಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)