Money Vastu: ನಲ್ಲಿ ಲೀಕ್ ಆಗ್ತಿದ್ಯಾ? ನಿಮ್ಮ ಹಣವೂ ಹಾಗೇ ಖಾಲಿ ಆಗ್ತಿರುತ್ತೆ ನೋಡಿ - ಇದು ವಾಸ್ತು ಪ್ರಕಾರ!

ನಮ್ಮ ಜೀವನವನ್ನು ಯಶಸ್ಸು ಮತ್ತು ಸಮೃದ್ಧಿಯ ಹಾದಿಗೆ ತೆಗೆದುಕೊಂಡು ಹೋಗುವಲ್ಲಿ ವಾಸ್ತುಶಾಸ್ತ್ರವು ಪ್ರಮುಖ ಪಾತ್ರ ವಹಿಸುತ್ತದೆ. ವಾಸ್ತು ಶಾಸ್ತ್ರದ ಪ್ರಕಾರ ಎಲ್ಲಾ ಪೀಠೋಪಕರಣಗಳು ಮತ್ತು ಬಾಗಿಲುಗಳು ಸರಿಯಾಗಿ ಇರಬೇಕು. ಹಾಗೆಯೇ, ನಲ್ಲಿಗಳು, ಬೀರುಗಳು ಹೀಗೆ ಸಣ್ಣ ಸಣ್ಣ ವಿಚಾರಗಳೂ ಸಹ ಮನೆಯ ಮೇಲೆ ಆಳವಾದ ಪರಿಣಾಮ ಬೀರುತ್ತವೆ

ಹಾಗೆಯೇ ಮನೆಯಲ್ಲಿ ಸೋರುವ ನಲ್ಲಿಗಳ ಹಾಗೂ ಒಡೆದ ನಲ್ಲಿಗಳು ಇರಬಾರದು ಎಂದು ಯಾವಾಗಲೂ ಹಿರಿಯರು ಹೇಳುತ್ತಾರೆ. ವಾಸ್ತು ಶಾಸ್ತ್ರದಲ್ಲಿ, ಸೋರುವ ನಲ್ಲಿಗಳನ್ನು ಅಶುಭದ ಸಂಕೇತ ಎಂದು ಪರಿಗಣಿಸಲಾಗುತ್ತದೆ.

ಮನೆಯಲ್ಲಿ ಟ್ಯಾಪ್ ಸೋರಿಕೆಯಾಗಿರುವುದು ಅನಗತ್ಯ ವೆಚ್ಚಕ್ಕೆ ಕಾರಣವಾಗುತ್ತದೆ. ವಿಶೇಷವಾಗಿ ಮುರಿದ ನಲ್ಲಿಯು ಅಡುಗೆಮನೆಯಲ್ಲಿದ್ದರೆ ಅದನ್ನು ವಾಸ್ತು ದೋಷ ಎಂದು ಪರಿಗಣಿಸಲಾಗುತ್ತದೆ. ಅಡುಗೆಮನೆಯಲ್ಲಿ ಬೆಂಕಿ ಇರುವುದರಿಂದ, ಟ್ಯಾಪ್ ಸೋರಿಕೆಯು ನಿಮ್ಮ ಜೀವನದ ಮೇಲೆ ಕೆಟ್ಟ ಪರಿಣಾಮಗಳನ್ನು ಬೀರುತ್ತದೆ,

ಈ ಸಂದರ್ಭದಲ್ಲಿ, ಈ ರೀತಿ ನಲ್ಲಿ ಸೋರಿಕೆ ಆದರೆ ಆ ಮನೆಯ ಸದ್ಯಸರು ಆರೋಗ್ಯ ಅಥವಾ ವೃತ್ತಿ ಜೀವನದಲ್ಲಿ ತೊಂದರೆಗಳನ್ನು ಎದುರಿಸಬೇಕಾಗಬಹುದು. ಇದು ಮನೆಯಲ್ಲಿ ಇತರ ವಸ್ತುಗಳೂ ಸಹ ಮುರಿದುಹೋಗಲು ಕಾರಣವಾಗಬಹುದು, ಇದು ಹೆಚ್ಚು ಅನಗತ್ಯ ಖರ್ಚುಗಳಿಗೆ ಕಾರಣವಾಗುತ್ತದೆ ಎಂಬುದರಲ್ಲಿ ಅನುಮಾನವಿಲ್ಲ.

ವಾಸ್ತು ಪ್ರಕಾರ ಮನೆಯಲ್ಲಿರುವ ನಲ್ಲಿಯಿಂದ ನೀರು ಸೋರುವುದು ಮನೆಗೆ ಒಳ್ಳೆಯದಲ್ಲ.ಇದು ನೀರು ಪೋಲು ಮಾಡುವುದರ ಜೊತೆಗೆ ವಾಸ್ತು ದೋಷಕ್ಕೆ ಕಾರಣವಾಗುತ್ತದೆ ಎನ್ನುತ್ತಾರೆ ತಜ್ಞರು. ಈ ನಲ್ಲಿ ಸೋರುವುದರಿಂದ ತೀವ್ರ ಆರ್ಥಿಕ ಬಿಕ್ಕಟ್ಟನ್ನು ಅನುಭವಿಸಬೇಕಾಗಬಹುದು. ಅಲ್ಲದೇ ಈ ರೀತಿ ನಲ್ಲಿ ಸಮಸ್ಯೆ ಇರುವವರ ಮೇಲೆ ಲಕ್ಷ್ಮೀದೇವಿ ಕೋಪಗೊಳ್ಳುತ್ತಾಳೆ ಎನ್ನುತ್ತಾರೆ ತಜ್ಞರು.

ಇಷ್ಟೇ ಅಲ್ಲದೇ, ಮನೆಯಲ್ಲಿರುವ ವಸ್ತುಗಳನ್ನು ಸಹ ವಾಸ್ತುಗೆ ಅನುಗುಣವಾಗಿ ಇರಬೇಕು. ಇಲ್ಲವಾದರೆ ಆರ್ಥಿಕ ತೊಂದರೆಗಳು, ಆರೋಗ್ಯ ಸಮಸ್ಯೆಗಳೂ ಬರುತ್ತವೆ ಎನ್ನುತ್ತಾರೆ ವಾಸ್ತು ತಜ್ಞರು. ನಲ್ಲಿ ನೀರು ಸೋರಿಕೆ ಮಾತ್ರವಲ್ಲದೇ ಇನ್ನೂ ಕೆಲ ತಪ್ಪುಗಳು ಆರ್ಥಿಕ ಸಮಸ್ಯೆಗೆ ಕಾರಣ.

ಮನೆ ಸದಾ ಒದ್ದೆಯಾಗಿರುವುದು: ಯಾವ ಮನೆಯಲ್ಲಿ ಸದಾ ತೇವವಿರುತ್ತದೋ ಆ ಮನೆಯಲ್ಲಿ ಸಿರಿ ಸಂಪತ್ತು ಇರುವುದಿಲ್ಲ ಎಂದು ತಜ್ಞರು ಹೇಳುತ್ತಾರೆ. ಆ ಮನೆಯಲ್ಲಿ ಲಕ್ಷ್ಮೀದೇವಿಗೆ ಜಾಗ ಇರುವುದಿಲ್ಲವಂತೆ. ಹಾಗಾಗಿ ಮನೆಯನ್ನು ಹೆಚ್ಚು ತೇವವಾಗಿ ಇಟ್ಟುಕೊಳ್ಳಬೇಡಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)