Dream Meaning: ಕನಸಿನಲ್ಲಿ ಈ ಪ್ರಾಣಿ ಕಾಣಿಸಿಕೊಂಡ್ರೆ ಅಪಾಯ ಗ್ಯಾರಂಟಿಯಂತೆ

ಕನಸುಗಳು ಬೀಳುವುದು ಸಹಜ, ಆದರೆ ಕೆಲವು ಕನಸುಗಳು ಕೆಟ್ಟದರ ಸೂಚನೆ ಎನ್ನಲಾಗುತ್ತದೆ. ಪ್ರತಿ ಕನಸಿಗೆ ಕೆಲವು ಅರ್ಥಗಳಿವೆ. ಸ್ವಪ್ನ ಶಾಸ್ತ್ರದಲ್ಲಿ ಈ ಅರ್ಥಗಳನ್ನು ವಿವರವಾಗಿ ವಿವರಿಸಲಾಗಿದೆ. ಕೆಲವು ಕನಸುಗಳು ಶುಭ ಚಿಹ್ನೆಗಳನ್ನು ಸೂಚಿಸುತ್ತವೆ, ಕೆಲವು ಅಶುಭ ಚಿಹ್ನೆಗಳನ್ನು ಸೂಚಿಸುತ್ತವೆ. ಕೆಲವೊಮ್ಮೆ ನಾವು ಕನಸಿನಲ್ಲಿ ಬೆಕ್ಕುಗಳನ್ನು ನೋಡುತ್ತೇವೆ. ಇದಕ್ಕೆ ಅರ್ಥ ಮಾತ್ರ ನಮಗೆ ಗೊತ್ತಿರುವುದಿಲ್ಲ. ಆದರೆ ಪ್ರತಿಯೊಂದು ಬಣ್ಣದ ಬೆಕ್ಕು ವಿಭಿನ್ನ ಅರ್ಥವನ್ನು ಹೊಂದಿದೆ. ಈ ಬಗ್ಗೆ ಮಾಹಿತಿ ಇಲ್ಲಿದೆ.

ಬೆಕ್ಕುಗಳು ಸಾವಿರಾರು ವರ್ಷಗಳಿಂದ ಪುರಾಣ ಮತ್ತು ದಂತಕಥೆಗಳಲ್ಲಿ ಮಹತ್ವವನ್ನು ಹೊಂದಿದೆ. ಪ್ರಾಚೀನ ಈಜಿಪ್ಟಿನ ಸಂಸ್ಕೃತಿಯಲ್ಲಿ, ಬೆಕ್ಕುಗಳನ್ನು ರೈತರ ಬೆಳೆಗಳನ್ನು ರಕ್ಷಿಸುವ ಮತ್ತು ಸಂತೋಷ ಹಾಗೂ ಉತ್ತಮ ಆರೋಗ್ಯವನ್ನು ತರುವ ಪ್ರಾಣಿಗಳು ಎನ್ನಲಾಗುತ್ತದೆ. ಅಲ್ಲದೇ ಜಪಾನಿಯರು ಇದನ್ನು ಪವಿತ್ರ ಆತ್ಮ ಎಂದು ಪೂಜಿಸುತ್ತಾರೆ.

ಕನಸಿನಲ್ಲಿ ಕಪ್ಪು ಬೆಕ್ಕುಗಳು ಕಂಡರೆ: ಕಪ್ಪು ಬೆಕ್ಕುಗಳು ಅಶುಭದ ಸಂಕೇತ ಎನ್ನಲಾಗುತ್ತದೆ. ನಿಮ್ಮ ಕನಸಿನಲ್ಲಿ ಕಪ್ಪು ಬೆಕ್ಕು ಕಂಡರೆ, ನೀವು ಅಪಾಯದಲ್ಲಿದ್ದೀರಿ ಎಂಬುದರ ಸಂಕೇತವಾಗಿದ್ದು, ನಿಮ್ಮ ಜೀವನದಲ್ಲಿ ಸಮಸ್ಯೆಗಳು ಬರಬಹುದು ಎನ್ನುವ ಅರ್ಥವಾಗಿದೆ. ಅಲ್ಲದೇ ಹೀಗೆ ಕಾಣಿಸಿಕೊಂಡರೆ ಕೆಲ ಮುಖ್ಯ ನಿರ್ಧಾರಗಳನ್ನು ಮಾಡುವ ಸಮಯ ಇದು.

ನಿಮ್ಮ ಕನಸಿನಲ್ಲಿ ಕೋಪಗೊಂಡ ಬೆಕ್ಕು ಕಂಡರೆ: ಬೆಕ್ಕುಗಳು ಸ್ವಾಭಾವಿಕವಾಗಿ ಮಹಿಳೆಯರೊಂದಿಗೆ ಸಂಬಂಧ ಹೊಂದಿವೆ. ನಿಮ್ಮ ಕನಸಿನಲ್ಲಿ ಕೋಪಗೊಂಡ ಬೆಕ್ಕನ್ನು ನೀವು ನೋಡಿದರೆ, ಶೀಘ್ರದಲ್ಲೇ ನಿಮ್ಮ ಜೀವನದಲ್ಲಿ ಹುಡುಗಿ ಬರುತ್ತಾಳೆ ಎಂದರ್ಥ. ಅಲ್ಲದೇ, ಪ್ರೀತಿಸುವ ಹುಡುಗಿ ತೊಂದರೆಯಲ್ಲಿದ್ದಾಳೆ ಎಂದೂ ಸಹ ಅರ್ಥವಂತೆ.

3 ರಿಂದ 4 ಬೆಕ್ಕು: ನಿಮ್ಮ ಕನಸಿನಲ್ಲಿ 3 ರಿಂದ 4 ಬೆಕ್ಕು ಒಟ್ಟಿಗೆ ಕಾಣಿಸಿಕೊಂಡರೆ ನೀವು ಸುರಕ್ಷಿತವಾಗಿಲ್ಲ ಎಂದು ಅರ್ಥ. ಹಾಗೆಯೇ ಇದು ನಿಮ್ಮ ಸಂತಾನದ ಸಂಕೇತ ಎಂದೂ ಸಹ ಹೇಳಲಾಗುತ್ತದೆ. ಈ ರೀತಿ ಒಟ್ಟಿಗೆ ಬೆಕ್ಕು ಕಾಣಿಸಿಕೊಂಡರೆ ಮಿಶ್ರ ಫಲ ಎನ್ನಲಾಗುತ್ತದೆ.

ಇನ್ನು ಬೆಕ್ಕು ಪದೇ ಪದೇ ಕನಸಿನಲ್ಲಿ ಬಂದರೆ ಭವಿಷ್ಯದಲ್ಲಿ ನಿಮಗೆ ಒಳ್ಳೆಯದಾಗುತ್ತಂತೆ. ಅಲ್ಲದೇ ಉತ್ತಮ ವ್ಯಕ್ತಿಯೊಬ್ಬರ ಜೊತೆ ಸ್ನೇಹ ಹೆಚ್ಚಾಗಲಿದೆ ಎನ್ನಲಾಗುತ್ತದೆ. ಆದರೆ ಕನಸಿನಲ್ಲಿ ಬಿಳಿ ಬೆಕ್ಕು ಮಾತ್ರ ಪದೇ ಪದೇ ಕಾಣಿಸಿಕೊಳ್ಳಬೇಕು.

ಅನಾರೋಗ್ಯವಿರುವ ಬೆಕ್ಕುಗಳು ಅಥವಾ ಸತ್ತ ಬೆಕ್ಕುಗಳು ಕಾಣಿಸಿಕೊಂಡರೆ: ಕನಸಿನಲ್ಲಿ ಸತ್ತ ಬೆಕ್ಕುಗಳು ಕಾಣಿಸಿಕೊಂಡರೆ ದುರಾದೃಷ್ಟವನ್ನು ಸೂಚಿಸುತ್ತದೆ ಎನ್ನಲಾಗುತ್ತದೆ. ಅಲ್ಲದೇ, ನಿಮ್ಮನ್ನು ಅನೇಕ ಸಮಸ್ಯೆಗಳು ಕಾಡಿಸಬಹುದು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)