Lucky Zodiac Sign: ಈ ರಾಶಿಯವರು 2023ರಲ್ಲಿ ಫಾರಿನ್​ ಹೋಗೋದು ಗ್ಯಾರಂಟಿಯಂತೆ

ಕೆಲವರು ಓದಲು ವಿದೇಶಕ್ಕೆ ಹೋಗಲು ಇಷ್ಟಪಟ್ಟರೆ, ಇನ್ನೂ ಕೆಲವರಿಗೆ ವಿವಿಧ ದೇಶಗಳನ್ನು ನೋಡಬೇಕು ಎನ್ನುವ ಹುಚ್ಚಿರುತ್ತದೆ. ಎಲ್ಲರ ಕನಸು ಅಷ್ಟು ಸುಲಭವಾಗಿ ನನಸಾಗುವುದಿಲ್ಲ. ಅದಕ್ಕೆ ಯೋಗಗಳು ಕೂಡಿ ಬರಬೇಕು.

ಹೌದು, ಜಾತಕದಲ್ಲಿ ವಿದೇಶಕ್ಕೆ ಹೋಗಲು ಸಹ ಒಂದು ಯೋಗ ಇರಬೇಕು. ಪುಷ್ಯ, ಅನುರಾಧ, ಉತ್ತರಾಭಾದ್ರಪದ ನಕ್ಷತ್ರಗಳ ಜನರಿಗೆ ಈ ಅವಕಾಶ ಸುಲಭವಾಗಿ ಸಿಗುತ್ತದೆ ಎನ್ನಲಾಗುತ್ತದೆ. ಅದರಲ್ಲೂ ಮುಖ್ಯವಾಗಿ ಶನಿಯ ರಾಶಿಗಳಿಗೆ ಸಹ ವಿದೇಶಕ್ಕೆ ಹೋಗುವ ಅವಕಾಶ ಸಿಗಲಿದೆ.

ಧನಸ್ಸು ರಾಶಿ: ಧನಸ್ಸು ರಾಶಿಯವರಿಗೆ 2023ರಲ್ಲಿ ಬಹಳ ಒಳ್ಳೆಯ ಯೋಗವಿದೆ. ಅದರಲ್ಲೂ ಸಾಡೇಸಾತಿಯಿಂದ ಈಗಷ್ಟೇ ಮುಕ್ತಿ ಸಿಕ್ಕಿರುವುದರಿಂದ, ನೀವು ವಿದೇಶಕ್ಕೆ ಹೋಗಬೇಕು ಎಂದು ಪ್ಲ್ಯಾನ್ ಮಾಡಿದರೆ ಗ್ಯಾರಂಟಿ ಹೋಗುತ್ತೀರಿ.

ತುಲಾ ರಾಶಿ: ಈ ವರ್ಷ ತುಲಾ ರಾಶಿಯವರಿಗೆ ಸಹ ವಿದೇಶಕ್ಕೆ ಹೋಗುವ ಯೋಗವಿದೆ. ಹಾಗಾಗಿ ನಿಮ್ಮ ಕನಸನ್ನು ಯಾವುದೇ ಸಮಸ್ಯೆಯಿಲ್ಲದೇ ನನಸು ಮಾಡಿಕೊಳ್ಳಲು ಇದು ಉತ್ತಮ ಸಮಯ ಎನ್ನಬಹುದು.

ಇನ್ನು ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಒಂಬತ್ತು ಮತ್ತು ಹನ್ನೆರಡನೆ ಮನೆ ಬಲವಾಗಿದ್ದರೆ ಮಾತ್ರ ವಿದೇಶದಲ್ಲಿ ಬದುಕಲು ಸಾಧ್ಯ. ಇಲ್ಲದಿದ್ದರೆ ಕನಸು ಕನಸಾಗಿಯೇ ಉಳಿಯುತ್ತದೆ. ಹಾಗೆಯೇ, ಇದರ ಜೊತೆಗೆ ಎಂಟನೇ ಮನೆ ಸಹ ಮುಖ್ಯವಾಗುತ್ತದೆ. ಏಕೆಂದರೆ ಇದು ಪ್ರಯಾಣದ ಮನೆ ಎಂದು ಪ್ರಸಿದ್ಧವಾಗಿದೆ.

ಇಷ್ಟೇ ಅಲ್ಲದೇ ಗ್ರಹಗಳ ಶಕ್ತಿ ಸಹ ಈ ವಿದೇಶ ಪ್ರಯಾಣಕ್ಕೆ ಅಗತ್ಯವಿದೆ. ಶನಿ, ರಾಹು ಮತ್ತು ಮಂಗಳ ಗ್ರಹಗಳು ನಿಮ್ಮ ಜಾತಕದಲ್ಲಿ ಗಟ್ಟಿಯಾದ ಸ್ಥಾನದಲ್ಲಿದ್ದರೆ, ವಿದೇಶಕ್ಕೆ ಹೋಗುವ ಕನಸು ನನಸಾಗುತ್ತದೆ. ಇದರ ಜೊತೆಗೆ ಗುರು ಗ್ರಹ ಸಹ ಬಲವಾಗಿದ್ದರೆ ನಿಮ್ಮ ಕನಸು ನನಸಾಗುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)