Wedding: ಫೆಬ್ರವರಿಯಲ್ಲಿ ಈ 5 ರಾಶಿಯವರ ಮದುವೆ ಗ್ಯಾರಂಟಿಯಂತೆ

ಈಗಾಗಲೇ ಮದುವೆ ಸೀಸನ್ ಆರಂಭವಾಗಿದೆ. ಒಬ್ಬರಾದ ನಂತರ ಒಬ್ಬರ ಮದುವೆ ಆಗುತ್ತಿದೆ. ಗುರುಬಲ ಇದ್ದರೆ ಬೇಗ ಮದುವೆ ಆಗುತ್ತದೆ ಎನ್ನಲಾಗುತ್ತದೆ. ಹಾಗೆಯೇ ಫೆಬ್ರವರಿಯಲ್ಲಿ 5 ರಾಶಿಗಳಿಗೆ ಮದುವೆ ಭಾಗ್ಯವಿದೆಯಂತೆ.

ಮೇಷ ರಾಶಿ: ನಿಮ್ಮ ಪ್ರೀತಿಗೆ ಮನೆಯವರ ಒಪ್ಪಿಗೆ ಸಿಕ್ಕಿ ಮದುವೆ ಆಗಬಹುದು. ಈ ತಿಂಗಳು ನಿಮ್ಮ ಜಾತಕದಲ್ಲಿ ಸೂರ್ಯ, ಶನಿ ಮತ್ತು ಶುಕ್ರನ ಸ್ಥಾನ ಶುಭವಾಗಿರುವುದರಿಂದ, ಮದುವೆಯ ಭಾಗ್ಯ ನಿಮಗಿದೆ. ಅಲ್ಲದೇ, ಫೆಬ್ರವರಿ 15ರ ನಂತರ, ನಿಮ್ಮ ಬದುಕಿನಲ್ಲಿ ಹಲವಾರು ಬದಲಾವಣೆಗಳು ಆಗಲಿದೆ. ಸಂಗಾತಿಯ ಮಹತ್ವ ಅರ್ಥವಾಗುತ್ತದೆ.

ವೃಷಭ ರಾಶಿ: ಫೆಬ್ರವರಿಯಲ್ಲಿ ಅವಿವಾಹಿತರಿಗೆ ಮದುವೆಯ ಭಾಗ್ಯ ಹುಡುಕಿ ಬರಲಿದೆ. ಅಲ್ಲದೇ ಜೀವನದಲ್ಲಿ ಸಹ ಸಂತೋಷ ಹಾಗೂ ಸಮೃದ್ಧಿ ಹೆಚ್ಚಾಗುತ್ತದೆ. ಇನ್ನು ವೈವಾಹಿಕ ಬದುಕಿನಲ್ಲಿ ಸಹ ಮುನಿಸುಗಳು ದೂರವಾಗಿ, ನಿಮ್ಮ ಹಾಗೂ ಸಂಗಾತಿಯ ಜೀವನದಲ್ಲಿ ಪ್ರೀತಿ ಹೆಚ್ಚಾಗುತ್ತದೆ.

ಕನ್ಯಾ ರಾಶಿ: ಶುಕ್ರನ ಕಾರಣದಿಂದ ಫೆಬ್ರವರಿಯಲ್ಲಿ ಕನ್ಯಾ ರಾಶಿಯವರಿಗೆ ಮದುವೆಯ ಭಾಗ್ಯವಿದೆ. ಆದರೆ ಸಣ್ಣ ಸಮಸ್ಯೆಗಳ ಕಾರಣದಿಂದ ಕಿರಿಕಿರಿ ಆಗಬಹುದು. ಆದರೆ ಎಲ್ಲವೂ ಬೇಗ ನಿವಾರಣೆಯಾಗಿ ವೈವಾಹಿಕ ಬದುಕು ಸುಖವಾಗಿರುತ್ತದೆ. ಅಲ್ಲದೇ, ಪ್ರೇಮ ವಿವಾಹಕ್ಕೆ ಒಪ್ಪಿಗೆ ಸಹ ಈ ತಿಂಗಳಲ್ಲಿ ಸಿಗುತ್ತದೆ,

ಧನು ರಾಶಿ: ಬಹಳ ವರ್ಷಗಳಿಂದ ಮದುವೆ ಆಗದೇ ಪರದಾಡುತ್ತಿದ್ದರೆ ಈಗ ಮದುವೆಯ ಸಮಯ ಬಂದಿದೆ ಎನ್ನಬಹುದು. ಅದರಲ್ಲೂ ಪ್ರೇಮ ವಿವಾಹಕ್ಕೆ ಇದು ಸೂಕ್ತವಾದ ಸಮಯ ಎನ್ನಬಹುದು. ಅಲ್ಲದೇ, ಇಷ್ಟ ದಿನ ಮದುವೆಗೆ ಇದ್ದ ಸಮಸ್ಯೆಗಳು ಸಹ ನಿವಾರಣೆಯಾಗುತ್ತದೆ. ಹಾಗೆಯೇ, ವೂವಾಹಿಕ ಬದುಕಿನಲ್ಲಿ ಸಂತೋಷ ಹೆಚ್ಚಾಗುತ್ತದೆ.

ಮೀನ ರಾಶಿ: ಫೆಬ್ರವರಿ 15ರ ನಂತರ ಈ ರಾಶಿಯವರಿಗೆ ಸಂತಸದ ದಿನಗಳು ಆರಂಭವಾಗುತ್ತದೆ. ಇಷ್ಟಪಟ್ಟ ವ್ಯಕ್ತಿ ಜೊತೆ ಮದುವೆ ನಿಶ್ಚಯವಾಗುತ್ತದೆ. ಮದುವೆ ಆದವರ ಜೀವನದಲ್ಲಿ ಸಹ ಸಮಸ್ಯೆಗಳು ಮುಗಿಯುವ ಸಮಯ ಇದು. ಸಂಗಾತಿಯ ಜೊತೆ ಹೆಚ್ಚು ಸಮಯ ಕಳೆಯಿರಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)