Makara Sankranti 2023: ಮಕರ ಸಂಕ್ರಾಂತಿಯ ದಿನ ಈ ರಾಶಿಯವರ ಬದುಕಲ್ಲಿ ಎಲ್ಲವೂ ಸಿಹಿಯಂತೆ

ಸೂರ್ಯ ಉತ್ತರಾಯಣದಿಂದ ದಕ್ಷಿಣಾಯಣಕ್ಕೆ ಬಂದಾಗ ಹಾಗೂ ತನ್ನ ರಾಶಿಯನ್ನು ಬದಲಾಯಿಸಿದ ಸಮಯವನ್ನು ಸಂಕ್ರಾಂತಿ ಹಬ್ಬ ಎಂದು ಆಚರಣೆ ಮಾಡಲಾಗುತ್ತದೆ. ಅಲ್ಲದೇ ಈ ಸಮಯದಲ್ಲಿ ಅಂದರೆ ಜನವರಿ 14 ರಂದು ಸೂರ್ಯನು ಮಕರ ರಾಶಿಯನ್ನು ಪ್ರವೇಶ ಮಾಡುತ್ತದೆ.

ಸೂರ್ಯ ಮಕರ ರಾಶಿಯನ್ನು ಪ್ರವೇಶಿಸುವ ದಿನವನ್ನು ಮಕರ ಸಂಕ್ರಮಣ ಎಂದು ದೇಶದಾದ್ಯಂತ ವಿಭಿನ್ನ ರೀತಿಯಲ್ಲಿ ಆಚರಣೆ ಮಾಡಲಾಗುತ್ತದೆ. ಅಲ್ಲದೇ ಶನಿ ಮಕರ ರಾಶಿಯ ಅಧಿಪತಿ, ಈ ದಿನ ಸೂರ್ಯನು ಮಗನಾದ ಶನಿಯ ಮನೆಗೆ ಬರುತ್ತಾನೆ ಎನ್ನುವ ನಂಬಿಕೆ ಇದೆ.

ಈ ಬಾರಿ ಶನಿಯು ಮಕರ ರಾಶಿಯಲ್ಲಿ ಇದ್ದಾನೆ, ಹಾಗಾಗಿ ಈ ವರ್ಷದ ಸಂಕ್ರಾಂತಿ ಬಹಳ ವಿಶೇಷ ಎನ್ನಲಾಗುತ್ತದೆ. ಈ ನಡುವೆ ಸೂರ್ಯನ ರಾಶಿ ಬದಲಾವಣೆಯಿಂದ 4 ರಾಶಿಯ ಜನರಿಗೆ ಅದೃಷ್ಟ ಖುಲಾಯಿಸದಂತೆ ಆಗಿದೆ. ಆ ರಾಶಿಗಳು ಯಾವುವು ಎಂಬುದು ಇಲ್ಲಿದೆ.

ವೃಷಭ ರಾಶಿ: ಈ ರಾಶಿಯವರಿಗೆ ಹಬ್ಬದ ದಿನ ಬಹಳ ಒಳ್ಳೆಯದಾಗಲಿದೆ. ಲಾಭಗಳು ಹೆಚ್ಚಾಗಲಿದೆ, ಉದ್ಯೋಗ ಹಾಗೂ ವ್ಯವಹಾರದಲ್ಲಿ ದೊಡ್ಡ ಮಟ್ಟದ ಯಶಸ್ಸು ಸಿಗುತ್ತದೆ. ಹಾಗೆಯೇ ಈ ದಿನ ಸೂರ್ಯನ ಆಶೀರ್ವಾದ ಪಡೆದು ಯಾವುದೇ ಕೆಲಸ ಮಾಡಿದರೂ ಸಹ ಅದರಲ್ಲಿ ಜಯ ಲಭಿಸುತ್ತದೆ.

ಮಿಥುನ ರಾಶಿ: ಸೂರ್ಯ ರಾಶಿ ಬದಲಾವಣೆ ಮಾಡುವುದರಿಂದ ಮಿಥುನ ರಾಶಿಯವರಿಗೆ ಅದೃಷ್ಟ ಹುಡುಕಿ ಬರುತ್ತದೆ. ಕೆಲಸದ ಸ್ಥಳದಲ್ಲಿ, ವೈಯಕ್ತಿಕ ಜೀವನದಲ್ಲಿ ಸಹ ಸಮಸ್ಯೆಗಳು ಬರದೇ ಎಲ್ಲವೂ ಚೆನ್ನಾಗಿರುತ್ತದೆ. ನೀವು ಈ ದಿನ ಯಾವುದೇ ಕೆಲಸ ಮಾಡಿದರೂ ಸಹ ಯಶಸ್ಸು ಸಿಗುತ್ತದೆ.

ಕಟಕ ರಾಶಿ: ಕಟಕ ರಾಶಿಯವರಿಗೆ ಸಹ ಈ ಬಾರಿ ಅದೃಷ್ಟ ಚೆನ್ನಾಗಿದೆ. ಸೂರ್ಯನ ಆಶೀರ್ವಾದದಿಂದ ಮಾಡಿದ ಕೆಲಸಗಳು ಕೈ ಹಿಡಿಯುತ್ತವೆ. ಅಲ್ಲದೇ ನಿಮ್ಮ ಬದುಕಿನಲ್ಲಿ ಯಾವುದೇ ಸಮಸ್ಯೆ ಇದ್ದರೂ ಸಹ ಅದು ನಿವಾರಣೆಯಾಗುತ್ತದೆ. ಪ್ರೇಮ ವಿವಾಹಕ್ಕೆ ಒಪ್ಪಿಗೆ ಸಿಗಲಿದೆ, ಸಂಗಾತಿಯ ಸಂಪೂರ್ಣ ಬೆಂಬಲ ಸಿಗುತ್ತದೆ,

ಮಕರ ರಾಶಿ: ಮಕರ ರಾಶಿಗೆ ಸೂರ್ಯನ ಆಗಮನವಾಗುವುದರಿಂದ ಈ ರಾಶಿಯ ಜನರಿಗೆ ಎಷ್ಟು ಅದೃಷ್ಟ ಎಂದು ಹೇಳುವುದೇ ಬೆಡ. ಸಮಸ್ಯೆಗಳು ಮಾಯವಾಗಿ, ಎಲ್ಲವೂ ನೆಮ್ಮದಿಯಾಗಿರುತ್ತದೆ. ಈ ರಾಶಿಯವರಿಗೆ ಆರ್ಥಿಕ ಲಾಭಗಳು ಸಹ ಹೆಚ್ಚು ಹಾಗೂ ಮುಟ್ಟೆದ್ದೆಲ್ಲಾ ಚಿನ್ನ ಎನ್ನುವ ಪರಿಸ್ಥಿತಿ ಇರುತ್ತದೆ,

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)