Dhana Yoga: ಈ ಒಂದು ಯೋಗದಿಂದ ದಿಢೀರ್ ಕೋಟ್ಯಾಧಿಪತಿಯಾಗ್ತಾರೆ ಈ 3 ರಾಶಿಯವರು, ಧನ ಯೋಗದ ಅದೃಷ್ಟ!

ಜೀವನದಲ್ಲಿ ಹಣ ಗಳಿಸಬೇಕು ಎನ್ನುವ ಆಸೆ ಇರುತ್ತದೆ. ಅದಕ್ಕಾಗಿ ಕಷ್ಟಪಟ್ಟು ಕೆಲಸ ಮಾಡುತ್ತಾರೆ. ಶ್ರೀಮಂತರಾಗಲು ಪರದಾಟ ಮಾಡುತ್ತಾರೆ. ಆದರೆ ಯಶಸ್ಸು ಸಿಗುವುದಿಲ್ಲ. ಹಾಗೆಯೇ, ಕೆಲವರಿಗೆ ಸುಲಭವಾಗಿ ಯಶಸ್ಸು ಸಿಗುತ್ತದೆ. ಅದಕ್ಕೆ ಕಾರಣ, ಗ್ರಹಗಳು. ಈ ಗ್ರಹಗಳಿಂದ ಉಂಟಾಗುವ ಯೋಗದಿಂದ ಹಣ ಗಳಿಸುವುದು ಸುಲಭವಾಗುತ್ತದೆ.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಶುಕ್ರ, ಮಂಗಳ, ಚಂದ್ರ ಮತ್ತು ಸೂರ್ಯ ಆಳುವ ರಾಶಿಯವರಿಗೆ ಅದೃಷ್ಟ ಹೆಚ್ಚಿರುತ್ತದೆ. ಅವರಿಗೆ ಹಣ ಗಳಿಸಲು ಹಲವಾರು ಅವಕಾಶಗಳು ಸಹ ಸಿಗುತ್ತದೆ. ಕೆಲ ಯೋಗಗಳ ಕಾರಣದಿಂದ ಆ ವ್ಯಕ್ತಿಗೆ ಪ್ರತಿ ಕ್ಷೇತ್ರದಲ್ಲೂ ಗೌರವ, ಸ್ಥಾನಮಾನ, ಪ್ರತಿಷ್ಠೆ, ಯಶಸ್ಸು ಮತ್ತು ಆರ್ಥಿಕ ಲಾಭ ಸಿಗುತ್ತದೆ.

ಮುಖ್ಯವಾಗಿ ವೃಷಭ ರಾಶಿಯಲ್ಲಿ ಶುಕ್ರ, ವೃಶ್ಚಿಕ ರಾಶಿಯಲ್ಲಿ ಮಂಗಳ, ಸಿಂಹದಲ್ಲಿ ಸೂರ್ಯ ಮತ್ತು ಕರ್ಕಾಟಕದಲ್ಲಿ ಚಂದ್ರನಿದ್ದರೆ ಪ್ರಪಂಚವನ್ನು ಆಳುವಷ್ಟು ಶ್ರೀಮಂತರಾಗುತ್ತಾರೆ ಎನ್ನಲಾಗುತ್ತದೆ. ಒಟ್ಟಾರೆ ಕೆಲ ರಾಶಿಯವರಿಗೆ ಗ್ರಹಗಳ ಕಾರಣದಿಂದ ಹಣ ಗಳಿಸುವ ಯೋಗ ಇರುತ್ತದೆ.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಜಾತಕದಲ್ಲಿ ಸಂಪತ್ತಿನ ಯೋಗವಿದ್ದರೆ ಪ್ರತಿ ಕ್ಷೇತ್ರದಲ್ಲೂ ಲಾಭ ಸಿಗುತ್ತದೆ. ಅಲ್ಲದೇ, 1 ರೂಪಾಯಿ ಹೂಡಿಕೆ ಮಾಡಿದರೆ ಸಾವಿರ ರೂಪಾಯಿ ಲಾಭ ಸಿಗುತ್ತದೆ. ನಮ್ಮ ಜಾತಕದ 8ನೇ ಮನೆ ಹಣಕ್ಕೆ ಸಂಬಂಧಿಸಿದ್ದಾಗಿದ್ದು, ಇವುಗಳನ್ನು ವೃಷಭ ಮತ್ತು ವೃಶ್ಚಿಕ ರಾಶಿಯವರು ಆಳುತ್ತಾರೆ. ಇದಲ್ಲದೆ ಒಂಬತ್ತು, ಹನ್ನೊಂದು ಮತ್ತು ಹನ್ನೆರಡನೆಯ ಮನೆಗಳನ್ನು ಅದೃಷ್ಟ ಎನ್ನಲಾಗುತ್ತದೆ.

ಇನ್ನು ಜಾತಕದಲ್ಲಿ ಧನ ಯೋಗ ಇದ್ದರೆ ಕೂತು ತಿನ್ನುವಷ್ಟು ಸಂಪತ್ತು ಕೈ ಸೇರುತ್ತದೆ ಎನ್ನಲಾಗುತ್ತದೆ. ಸದ್ಯದ ಗ್ರಹಗತಿಗಳ ಪ್ರಕಾರ ಧನಸ್ಸು ರಾಶಿ ಹಾಗೂ ವೃಷಭ ರಾಶಿಯವರಿಗೆ ಧನಯೋಗ ಇದ್ದು, ಇದರಿಂದ ಅವರ ಜೀವನದಲ್ಲಿ ಸಂಪತ್ತಿನ ಮಳೆ ಆಗಲಿದೆ. ಅಲ್ಲದೇ, ಅವರು ಯಾವುದೇ ಕೆಲಸ ಮಾಡಿದರೂ ಲಾಭ ಸಿಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)