Zodiac Sign: ಈ ರಾಶಿಯವರ ಕೋಪ ಅವರಿಗೆ ಮಾತ್ರ ಅಲ್ಲ, ಜೊತೆಗೆ ಇರುವವರಿಗೂ ಹಾನಿ

ಕೆಲವು ಜನರು ಸ್ವಭಾವತಃ ಕೋಪಿಷ್ಠರಾಗಿರುತ್ತಾರೆ. ಅವರ ಕೋಪ ನಿಯಂತ್ರಣ ಅಸಾಧ್ಯ. ಅವರ ಕೋಪದಿಂದ ಜೊತೆಯಲ್ಲಿ ಇರುವವರಿಗೂ ಹಾನಿ. ಅಂತಹ ಕೆಲವು ರಾಶಿಚಕ್ರ ಚಿಹ್ನೆಗಳ ಕುರಿತು ಮಾಹಿತಿ ಇಲ್ಲಿದೆ.

ಮೇಷ : ಜ್ಯೋತಿಷ್ಯದ ಪ್ರಕಾರ, ಮೇಷ ರಾಶಿಯ ಆಡಳಿತ ಗ್ರಹ ಮಂಗಳ. ಮಂಗಳವನ್ನು ಶೌರ್ಯ ಮತ್ತು ಶಕ್ತಿಯ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಮಂಗಳನ ಪ್ರಭಾವದ ಅಡಿಯಲ್ಲಿ, ಮೇಷ ರಾಶಿಯ ಜನರು ಸ್ವಭಾವತಃ ತುಂಬಾ ಕೋಪಗೊಳ್ಳುತ್ತಾರೆ. ಇಷ್ಟೇ ಅಲ್ಲ, ಕೋಪದಲ್ಲಿ ಈ ಜನರನ್ನು ಶಾಂತಗೊಳಿಸುವುದು ಕೂಡ ಕಷ್ಟಕೋಪದಲ್ಲಿ, ಈ ಜನರು ತಮ್ಮನ್ನು ತಾವು ನಿಯಂತ್ರಿಸಿಕೊಳ್ಳುವುದು ಸಾಧ್ಯವಾಗುವುದಿಲ್ಲ.

ವೃಷಭ ರಾಶಿ: ವೃಷಭ ರಾಶಿಯ ಜನರು ತುಂಬಾ ಶ್ರಮ ಜೀವಿಗಳು, ಅಷ್ಟೇ ಕೋಪಿಷ್ಠರು ಕೂಡ. ಇವರು ಯಾವುದೇ ರೀತಿಯ ತಪ್ಪು ಕೆಲಸವನ್ನು ಮಾಡುವುದಿಲ್ಲ. ಅದನ್ನು ಮಾಡುವುದನ್ನು ಅವರು ನೋಡುವುದಿಲ್ಲ. ಏನಾದರೂ ಕೆಟ್ಟದು ಸಂಭವಿಸಿದಾಗ, ಅವರು ಸಿಕ್ಕಾಪಟ್ಟೆ ಕೋಪಗೊಳ್ಳುತ್ತಾರೆ,

ಸಿಂಹ : ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಸಿಂಹರಾಶಿಯವರು ಯಾವುದೇ ವಿಚಾರ ಮಾತನಾಡುವ ಮುನ್ನ ಯೋಚಿಸುವುದು ಒಳಿತು. ಸಿಂಹ ರಾಶಿಯವರ ಕೋಪದಿಂದ ಸ್ನೇಹಿತರು ಮತ್ತು ಕುಟುಂಬದವರ ಸಾಕಷ್ಟು ತೊಂದರೆ ಪಡುತ್ತಾರೆ.

ಕಟಕ ರಾಶಿ: ಈ ರಾಶಿಯವರ ಕೋಪ ಸೇಡಿಗೆ ತಿರುಗುವ ಸಾಧ್ಯತೆ ಹೆಚ್ಚು. ಆದ ಕಾರಣ ಕೋಪ ಬಂದಾಕ್ಷಣ ಅದನ್ನು ತೋರ್ಪಡಿಸಿ, ಮನಸನ್ನು ಹಗುರ ಮಾಡಿಕೊಳ್ಳಲು ನೋಡುತ್ತಾರೆ.

ವೃಶ್ಚಿಕ ರಾಶಿ: ಈ ರಾಶಿಯವರಿಗೆ ಯಾರಾದರೂ ತಮ್ಮ ಗೌರವಕ್ಕೆ ಘಾಸಿಗೊಳಿಸಿದರೆ, ಅವರನ್ನು ಬಿಡುವುದಿಲ್ಲ. ಯಾವುದೇ ವಿಷಯದ ಮೇಲೆ ಕೋಪ ಬಂದರೆ ಎದುರಿಗಿರುವವರಿಂದ ಸೇಡು ತೀರಿಸಿಕೊಳ್ಳುತ್ತಾರೆ. ಇದರಿಂದಾಗಿ ಅವರು ತಮ್ಮ ತಪ್ಪಿಗೆ ಅನೇಕ ಬಾರಿ ಪಶ್ಚಾತ್ತಾಪ ಪಡಬೇಕಾಗುತ್ತದೆ.

ಮಕರ ರಾಶಿ: ಈ ರಾಶಿಯವರು ಶಾಂತ ಸ್ವಭಾವ ಹೊಂದಿದರೂ ಕೋಪ ಬಂದಾಗ ನಿಯಂತ್ರಣ ಮಾಡುವುದು ಕಷ್ಟವಾಗುತ್ತದೆ. ಇವರಿಗೆ ಇಷ್ಟವಾಗದ ವಿಷಯ ಮತ್ತು ವ್ಯಕ್ತಿಗಳ ಬಳಿ ಯಾವುದೇ ಕಾರಣಕ್ಕೂ ಹೋಗುವುದಿಲ್ಲ.

ಕುಂಭ ರಾಶಿ: ಈ ರಾಶಿಯ ಜನರಿಗೆ ಕೋಪವೂ ಅಧಿಕ ಆಗಿದ್ದರೂ ಆದಷ್ಟು ಕಾಲ ಸಹಿಸಿಕೊಳ್ಳುತ್ತಾರೆ. ಒಮ್ಮೆ ಸಹನೆಯ ಕಟ್ಟೆ ಒಡೆದ ಮೇಲೆ ಈ ರಾಶಿಯವರನ್ನು ನಿಯಂತ್ರಿಸುವುದು ಅಸಾಧ್ಯವಾಗುತ್ತದೆ. ಇವರ ಕೋಪ ಇತರರರ ಜೊತೆ ಇವರಿಗೂ ಸಾಕಷ್ಟು ಹಾನಿ ಮಾಡುತ್ತದೆ. (ಮೇಲಿನ ಲೇಖನವೂ ಊಹೆ ಆಧಾರಿತವಾಗಿದ್ದು, ಇವುಗಳನ್ನು ನ್ಯೂಸ್​ 18 ಕನ್ನಡ ಖಚಿತಪಡಿಸುವುದಿಲ್ಲ)