Lakshmi Blessing: ಈ ರಾಶಿಯ ಹುಡುಗಿಯರು ಅಂದ್ರೆ ಲಕ್ಷ್ಮೀಗೆ ಬಹಳ ಇಷ್ಟವಂತೆ, ಅದೃಷ್ಟ ಅಂದ್ರೆ ಇವರದ್ದೇ ನೋಡಿ

ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಶುಭ ಗ್ರಹಗಳು ಜಾತಕದ ಒಳ್ಳೆಯ ಮನೆಯಲ್ಲಿ ಇದ್ದಾಗ ಶುಭ ಯೋಗಗಳು ಸೃಷ್ಟಿಯಾಗುತ್ತವೆ. ಇದರಿಂದ ಆ ರಾಶಿಯ ಜನರಿಗೆ ಲಾಭವಾಗಲಿದೆ. ಅದರಲ್ಲೂ ಕೆಲ ರಾಶಿಯ ಹುಡುಗಿಯರಿಗೆ ಜಾತಕದಲ್ಲಿ ವಿಶೇಷಯೋಗವಿದ್ದು, ಅದರಿಂದ ಜೀವನದಲ್ಲಿ ಅಪಾರ ಯಶಸ್ಸನ್ನು ಸಾಧಿಸುತ್ತಾರೆ.

ಇನ್ನು ರಾಶಿಗಳು ವ್ಯಕ್ತಿಯ ಸ್ವಭಾವ, ಭೂತಕಾಲ, ವರ್ತಮಾನ ಮತ್ತು ಭವಿಷ್ಯದ ಬಗ್ಗೆ ಹೇಳುತ್ತವೆ. ಈ ರಾಶಿಯವರ ಜಾತಕದಲ್ಲಿ ಗ್ರಹಗಳು ಉತ್ತಮವಾಗಿದ್ದರೆ ಜೀವನದಲ್ಲಿ ಯಶಸ್ಸು ಸಿಗುತ್ತದೆ. ಹಣದ ವಿಷಯದಲ್ಲಿಯೂ ಅದೃಷ್ಟವಂತರಾಗುತ್ತಾರೆ.

ಕನ್ಯಾ ರಾಶಿ: ಈ ರಾಶಿಗೆ ಸೇರಿದ ಹುಡುಗಿಯರು ಎಲ್ಲಾ ಕೆಲಸವನ್ನು ಬಹಳ ಉತ್ಸಾಹದಿಂದ ಮಾಡುತ್ತಾರಂತೆ. ಅವರ ಕೆಲಸದ ವೇಗ ಇತರರಿಗಿಂತ ದುಪ್ಪಟ್ಟಿರುತ್ತದೆ. ಇದರೊಂದಿಗೆ ನಿಗದಿತ ಸಮಯದೊಳಗೆ ತಮ್ಮ ಗುರಿಯನ್ನು ಪೂರ್ಣಗೊಳಿಸುವಲ್ಲಿ ಯಶಸ್ವಿಯಾಗುತ್ತಾರೆ. ಈ ಹುಡುಗಿಯರು ಯೋಜನೆಗಳನ್ನು ರೂಪಿಸುವಲ್ಲಿ ನಿಸ್ಸೀಮರು ಎನ್ನಲಾಗುತ್ತದೆ. ಮನೆಯಿಂದ ಕಛೇರಿಯವರೆಗೆ ತನ್ನ ಜವಾಬ್ದಾರಿಯನ್ನು ಚೆನ್ನಾಗಿ ನಿರ್ವಹಿಸುತ್ತಾರೆ

ಈ ರಾಶಿಯವರಿಗೆ ಲಕ್ಷ್ಮಿ ದೇವಿಯ ಕೃಪೆಯೂ ಸಿಗುತ್ತದೆ. ಅವರು ಕಠಿಣ ಪರಿಶ್ರಮ ಮತ್ತು ಸಾಮರ್ಥ್ಯದಿಂದ ತಮ್ಮ ಕನಸುಗಳನ್ನು ನನಸಾಗಿಸಿಕೊಳ್ಳುತ್ತಾರೆ. ಜೀವನದಲ್ಲಿ ಎಲ್ಲಾ ರೀತಿಯ ಸಂತೋಷ ಸಿಗುತ್ತದೆ.

ವೃಶ್ಚಿಕ ರಾಶಿ: ಈ ರಾಶಿಯ ಹುಡುಗಿಯರು ಎಲ್ಲದರಲ್ಲೂ ಸಮತೋಲನ ಕಾಯ್ದುಕೊಳ್ಳುತ್ತಾರೆ. ಅವರು ಎಲ್ಲಾ ಸಂದರ್ಭಗಳಲ್ಲಿ ಒಂದೇ ರೀತಿ ಇರುತ್ತಾರೆ. ಈ ಹುಡುಗಿಯರು ತಮ್ಮ ಮನೆ, ತಮ್ಮ ಕಚೇರಿ, ಮಕ್ಕಳು-ಗಂಡನ ಬಗ್ಗೆ ಸಂಪೂರ್ಣ ಗಮನವನ್ನು ನೀಡುವ ಮೂಲಕ ತಮ್ಮ ಗುರಿ ತಲುಪುತ್ತಾರೆ. ವೈಫಲ್ಯಕ್ಕೆ ಹೆದರುವುದಿಲ್ಲ. ಅವರು ಸುಲಭವಾಗಿ ಬಿಟ್ಟುಕೊಡುವುದಿಲ್ಲ. ಕೆಲಸ ಮತ್ತು ವ್ಯವಹಾರದಲ್ಲಿ ಉತ್ತಮ ಯಶಸ್ಸನ್ನು ಪಡೆಯುತ್ತಾರೆ.

ಧನು ರಾಶಿ: ಈ ರಾಶಿಯ ಹುಡುಗಿಯರು ಪ್ರತಿಯೊಂದು ಕೆಲಸವನ್ನು ಬಹಳ ಗಂಭೀರವಾಗಿ ತೆಗೆದುಕೊಳ್ಳುತ್ತಾರೆ. ಇವರು ಯಾವುದೇ ತಪ್ಪುಗಳನ್ನು ಮಾಡದಿರಲು ತಮ್ಮ ಕೈಲಾದಷ್ಟು ಪ್ರಯತ್ನಿಸುತ್ತಾರೆ. ಎಲ್ಲಾ ಕೆಲಸಗಳು ಉತ್ತಮವಾಗಿ ಮಾಡುತ್ತಾರೆ. ಅಪಾಯವನ್ನು ಗ್ರಹಿಸುವ ಸಾಮರ್ಥ್ಯವೂ ಅವರಲ್ಲಿದೆ. ಇದರಿಂದ ಅವರು ತಮ್ಮ ಕಾರ್ಯತಂತ್ರವನ್ನು ತ್ವರಿತವಾಗಿ ಬದಲಾಯಿಸುತ್ತಾರೆ.

ಈ ರಾಶಿಯವರು ಎಲ್ಲರೂ ಒಟ್ಟಿಗೆ ಬೆಳೆಯಲಿ ಎಂದು ಬಯಸುತ್ತಾರೆ. ಆದರೆ ಅವರ ಈ ಗುಣವನ್ನು ಎಂದಿಗೂ ದುರುಪಯೋಗಪಡಿಸಿಕೊಳ್ಳಬೇಡಿ. ನಮ್ರತೆಯು ಅವರ ಸ್ವಭಾವದಲ್ಲಿ ಸ್ಪಷ್ಟವಾಗಿ ಕಂಡುಬರುತ್ತದೆ, ಇದರಿಂದಾಗಿ ಅವರ ಶತ್ರುಗಳು ಸಹ ಅವರ ಬೆನ್ನಿನ ಹಿಂದೆ ಅವರನ್ನು ಹೊಗಳುತ್ತಾರೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)