Vastu Plants: ಈ ಗಿಡಗಳನ್ನು ಅಪ್ಪಿ-ತಪ್ಪಿ ಮನೆಯ ಒಳಗೆ ಇಟ್ಟುಕೊಳ್ಳಬೇಡಿ

ಕ್ಯಾಕ್ಟಸ್ ಗಿಡ
ವಾಸ್ತುಶಾಸ್ತ್ರ ಮತ್ತು ಫೆಂಗ್ ಶೂಯಿಯ ಪ್ರಕಾರ ಈ ಕ್ಯಾಕ್ಟಸ್ ಗಿಡ ಮನೆಯಲ್ಲಿ ನೆಗೆಟಿವ್ ಎನರ್ಜಿಯನ್ನು ತರುತ್ತದೆ. ಅದರ ಚೂಪಾದ ಮುಳ್ಳು ಕೆಟ್ಟ ಶಕ್ತಿಯನ್ನು ಹರಡುತ್ತದೆ ಎನ್ನಲಾಗುತ್ತದೆ. ಈ ಗಿಡ ಕುಟುಂಬದಲ್ಲಿ ಒತ್ತಡ ಮತ್ತು ಆತಂಕವನ್ನು ಸೃಷ್ಟಿ ಮಾಡುತ್ತದೆ.

ಬೋನ್ಸಾಯ್ ಗಿಡ
ಬೋನ್ಸಾಯ್ ಗಿಡಗಳು ನೋಡಲು ಸುಂದರವಾಗಿದ್ದರೂ ಸಹ ಇದನ್ನು ಮನೆಯಲ್ಲಿ ಇಡುವುದು ಅಶುಭ ಎನ್ನಲಾಗುತ್ತದೆ. ಬೆಳವಣಿಗೆಯನ್ನು ಕುಂಠಿತ ಮಾಡುತ್ತದೆ ಎನ್ನುತ್ತಾರೆ ವಾಸ್ತುತಜ್ಞರು.

ಹತ್ತಿ ಗಿಡ
ಹತ್ತಿ ಗಿಡಗಳನ್ನು ನಾವು ಮನೆಯಲ್ಲಿ ಬೆಳೆಸಿದ ನಮಗೆ ಸುಂದರವಾಗಿ ಕಾಣುತ್ತದೆ. ಬಿಳಿ ಹೂವುಗಳು ಹಿಮದ ರೀತಿಯ ಭಾವನೆ ಕೊಡುತ್ತದೆ. ಆದರೆ ವಾಸ್ತುಶಾಸ್ತ್ರದ ಪ್ರಕಾರ ಇದು ಒಳ್ಳೆಯದಲ್ಲ. ಇದನ್ನು ಮನೆಯಲ್ಲಿ ಇಟ್ಟುಕೊಂಡರೆ ಅಪಾಯ ಎನ್ನುತ್ತಾರೆ.

ಮೆಹೆಂದಿ
ಮೆಹೆಂದಿ ಗಿಡಗಳು ಬಹುತೇಕರ ಮನೆಯಲ್ಲಿ ಇರುತ್ತದೆ. ಆದರೆ ಇದನ್ನು ಮನೆಯ ಒಳಗೆ ಇಟ್ಟುಕೊಳ್ಳಬಾರದು. ಇದು ಮನೆಯಲ್ಲಿ ನೆಗೆಟಿವ್ ಎನರ್ಜಿಯನ್ನು ಹೆಚ್ಚು ಮಾಡುತ್ತದೆ. ಹಾಗಾಗಿ ಮನೆಯಿಂದ ಸ್ವಲ್ಪ ಅಡಿಗಳ ದೂರದಲ್ಲಿ ಬೇಕಾದರೆ ನೆಡಬಹುದು.

ಒಣಗಿದ ಗಿಡ
ನಾವು ಕೆಲವೊಮ್ಮೆ ಗಿಡಗಳ ಬಗ್ಗೆ ಕಾಳಜಿ ತೆಗೆದುಕೊಳ್ಳಲು ಸಾಧ್ಯವಾಗುವುದಿಲ್ಲ. ಆ ಸಂದರ್ಭದಲ್ಲಿ ಗಿಡಗಳು ಬಾಡಿ ಹೋಗುತತ್ವೆ ಅಥವಾ ಸಾಯುತ್ತವೆ. ಈ ರೀತಿಯ ಗಿಡಗಳನ್ನು ನಾವು ಇಟ್ಟುಕೊಳ್ಳುವುದು ಮನೆಗೆ ಒಳ್ಳೆಯದಲ್ಲ.

ಹುಣಸೆ ಮರ
ಅಲ್ಲದೇ, ಮನೆಯ ತೋಟದಲ್ಲಿ ಹುಣಸೆ ಗಿಡವನ್ನು ನೆಟ್ಟರೆ ಅದು ಕುಟುಂಬದ ಸದಸ್ಯರ ಬೆಳವಣಿಗೆಯನ್ನು ತಡೆಯುತ್ತದೆ ಮತ್ತು ಅನಾರೋಗ್ಯಕ್ಕೆ ಕಾರಣವಾಗುತ್ತದೆ ಎಂಬ ನಂಬಿಕೆ ಇದೆ. ಹಾಗೆಯೇ ಇದನ್ನು ಅಪ್ಪಿ-ತಪ್ಪಿ ಮೆಹೆಂದಿ ಗಿಡದ ಪಕ್ಕದಲ್ಲಿ ನೆಟ್ಟರೆ ಸಮಸ್ಯೆಗಳು ಜಾಸ್ತಿ ಎನ್ನಲಾಗುತ್ತದೆ.

ಬಿದಿರು
ಫೆಂಗ್ ಶೂಯಿಯ ಪ್ರಕಾರ ಬಿದಿರಿನ ಗಿಡವನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದು ಒಳ್ಳೆಯದಾಗಿದ್ದರೂ ಸಹ, ವಾಸ್ತು ಪ್ರಕಾರ ಇದು ಅಪಾಯ. ಭಾರತದಲ್ಲಿ ಸಾವಿನ ಸಮಯದಲ್ಲಿ ಬಿದಿರನ್ನು ಬಳಕೆ ಮಾಡುವುದರಿಂದ, ಇದನ್ನು ಮನೆಯ ಒಳಗೆ ಇಟ್ಟುಕೊಳ್ಳಬಾರದು.

ಖರ್ಜೂರದ ಗಿಡ
ಖರ್ಜೂರದ ಗಿಡವನ್ನು ನಾವು ಮನೆಯಲ್ಲಿ ಇಟ್ಟುಕೊಂಡರೆ ನಮಗೆ ಆರ್ಥಿಕ ಸಮಸ್ಯೆಗಳು ಉಂಟಾಗುತ್ತದೆ ಎನ್ನಲಾಗುತ್ತದೆ. ಇದು ಸುಲಭವಾಗಿ ಬೆಳೆಯುತ್ತದೆ, ಆದರೆ ನಮ್ಮ ಬೆಳವಣಿಗೆಯ ಮೇಲೆ ಪರಿಣಾಮ ಬೀರುತ್ತದೆ.