Rudraksha Mistakes: ಈ ರೀತಿಯ ಜನ ಅಪ್ಪಿ-ತಪ್ಪಿ ರುದ್ರಾಕ್ಷಿ ಧರಿಸಬಾರದು, ಮಿಸ್ ಮಾಡಿದ್ರೆ ಸಮಸ್ಯೆ ಗ್ಯಾರಂಟಿ

ನಂಬಿಕೆಗಳ ಪ್ರಕಾರ, ರುದ್ರಾಕ್ಷಿ ಧರಿಸುವುದರಿಂದ ಅನೇಕ ಪ್ರಯೋಜನಗಳಿದೆ. ಇದು ದೈಹಿಕವಾಗಿ ಮತ್ತು ಮಾನಸಿಕವಾಗಿ ನಮ್ಮನ್ನ ಗಟ್ಟಿಗೊಳಿಸುತ್ತದೆ ಎನ್ನಲಾಗುತ್ತದೆ. ಹಾಗೆಯೇ, ಈ ರುದ್ರಾಕ್ಷಿಯನ್ನು ಧರಿಸುವುದರಿಂದ ಸಕಾರಾತ್ಮಕ ಆಲೋಚನೆಗಳು ಹೆಚ್ಚಾಗುತ್ತದೆ ಹಾಗೂ ಮಾನಸಿಕ ನೆಮ್ಮದಿ ಸಿಗುತ್ತದೆ ಎನ್ನುವ ನಂಬಿಕೆ ಸಹ ಇದೆ. ಆದರೆ ಈ ರುದ್ರಾಕ್ಷಿ ಧರಿಸಲು ಸಹ ಕೆಲ ನಿಯಮಗಳಿದೆ.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ನೀವು ರುದ್ರಾಕ್ಷಿಯನ್ನು ನಿಮ್ಮ ಮಣಿಕಟ್ಟು, ಕೊರಳಲ್ಲಿ ಧರಿಸಬಹುದು. ಆದರೆ ಮುಖ್ಯವಾಗಿ ಇದನ್ನು ಕೊರಳಿಗೆ ಧರಿಸುವುದರಿಂದ ಹೆಚ್ಚಿನ ಪ್ರಯೋಜನ ಇರಲಿದೆ. ಹಾಗೆಯೇ ಇದನ್ನು ಸ್ನಾನದ ನಂತರ ಪೂಜೆ ಮಾಡಿ ಧರಿಸಿದರೆ ಉತ್ತಮ.

ಕೆಲ ನಂಬಿಕೆಗಳ ಪ್ರಕಾರ ನೀವು ಮಣಿಕಟ್ಟಿನ ಮೇಲೆ ರುದ್ರಾಕ್ಷಿ ಧರಿಸಿದರೆ ಅದರ ಸಂಖ್ಯೆಗಳು ಸಹ ಮುಖ್ಯವಾಗುತ್ತದೆ. ನೀವು ಮಣಿಕಟ್ಟಿನ ಮೇಲೆ ಧರಿಸುವಾಗ 12 ರುದ್ರಾಕ್ಷಿ ಇರಬೇಕು. ಹಾಗೆಯೇ, ಕುತ್ತಿಗೆಗೆ 36 ರುದ್ರಾಕ್ಷಿ ಧರಿಸಬೇಕು.

ಇನ್ನು ಶ್ರಾವಣ ಮಾಸವನ್ನು ರುದ್ರಾಕ್ಷಿ ಧರಿಸಲು ಅತ್ಯಂತ ಮಂಗಳಕರವಾದ ಸಮಯ ಎನ್ನಲಾಗುತ್ತದೆ. ಹಾಗೆಯೇ ಶಿವರಾತ್ರಿಯ ದಿನ ರುದ್ರಾಕ್ಷಿ ಧರಿಸುವುದರಿಂದ ಹೆಚ್ಚು ಪುಣ್ಯ ಸಿಗುತ್ತದೆ. ಅಲ್ಲದೇ, ಯಾವುದೇ ಸೋಮವಾರ ಶಿವ ಪೂಜೆ ಮಾಡಿ ಧರಿಸಬೇಕು.

ಮಗುವಿನ ಜನನದ ಸಮಯದಲ್ಲಿ: ಮಹಿಳೆಯರು ಮಗುವಿನ ಜನನದ ಸಮಯದಲ್ಲಿ ರುದ್ರಾಕ್ಷಿಯನ್ನು ಧರಿಸಬಾರದು. ಏಕೆಂದರೆ ಮಗು ಜನನದ ಸಮಯದಲ್ಲಿ ಸೂತಕ ಇರುತ್ತದೆ. ಇದರ ಜೊತೆ ರುದ್ರಾಕ್ಷಿ ಧರಿಸಿದವರು ನವಜಾತ ಶಿಶು ಹಾಗೂ ತಾಯಿ ಇರುವ ಕಡೆ ಹೋಗಬಾರದು.

ಮಾಂಸಾಹಾರಿಗಳು ಧರಿಸಬಾರದು: ಮಾಂಸಾಹಾರಿಗಳು ರುದ್ರಾಕ್ಷಿ ಧರಿಸಬಾರದು. ಅಲ್ಲದೇ, ಇದನ್ನು ಧರಿಸುವಾಗ ಧೂಮಪಾನ ಮತ್ತು ಮಾಂಸಾಹಾರ ಮಾಡಬಾರದು ಎನ್ನಲಾಗುತ್ತದೆ. ಇದು ರುದ್ರಾಕ್ಷಿ ಅಶುದ್ಧವಾಗಲು ಕಾರಣವಾಗುತ್ತದೆ ಹಾಗೂ ಇದರಿಂದ ಸಮಸ್ಯೆ ಬರುತ್ತದೆ.

ಮಲಗುವಾಗ ರುದ್ರಾಕ್ಷವನ್ನು ಧರಿಸಬಾರದು: ಮಲಗುವಾಗ ರುದ್ರಾಕ್ಷಿಯನ್ನು ಧರಿಸಬಾರದು. ಇದನ್ನು ತೆಗೆದಿಟ್ಟು ಮಲಗಿದರೆ ಬಹಳ ಉತ್ತಮ. ಹಾಗೆಯೇ, ಇದನ್ನು ದಿಂಬಿನ ಕೆಳಗೆ ಇಟ್ಟುಕೊಂಡರೆ ಉತ್ತಮ. ಇದರಿಂದ ನಿದ್ರೆಯ ಸಮಸ್ಯೆ ಹಾಗೂ ಕೆಟ್ಟ ಕನಸಿನ ಸಮಸ್ಯೆಗೆ ಪರಿಹಾರ ಸಿಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)