Holi 2023: ಈ 3 ರೀತಿಯ ಜನ ಹೋಳಿ ಆಚರಿಸಲೇಬಾರದು, ಸಮಸ್ಯೆ ತಪ್ಪಿದ್ದಲ್ಲ

ಈ ವರ್ಷ ಹೋಳಿ ಹಬ್ಬ ಮಾರ್ಚ್ 7 ರಂದು ಸಂಜೆ ಭದ್ರ ರಹಿತ ಮುಹೂರ್ತದಲ್ಲಿ ಆರಂಭವಾಗಲಿದೆ, ಆದರೆ ಬಣ್ಣದ ಹಬ್ಬವನ್ನು ಮಾರ್ಚ್ 8ರಂದು ಸಂಭ್ರಮದಿಂದ ಆಚರಿಸಲಾಗುತ್ತದೆ. ಈ ಹೋಳಿ ಹಬ್ಬವನ್ನು ದೊಡ್ಡವರು ಹಾಗೂ ಚಿಕ್ಕವರು ಎನ್ನುವ ಭೇದವಿಲ್ಲದೇ ಆಚರಿಸಲಾಗುತ್ತದೆ.

ಆದರೆ ಈ ಹೋಳಿ ಹಬ್ಬದ ಸಮಯದಲ್ಲಿ ಮುಖ್ಯವಾಗಿ ಹೋಳಿಕಾ ದಹನದ ಸಮಯದಲ್ಲಿ ಕೆಲ ಜನರು ಪೂಜೆಯಲ್ಲಿ ಭಾಗವಹಿಸಬಾರದು ಎನ್ನಲಾಗುತ್ತದೆ. ಅಪ್ಪಿ-ತಪ್ಪಿ ಅವರು ಭಾಗವಹಿಸಿದರೆ ಅವರಿಗೆ ಜೀವನದಲ್ಲಿ ಸಮಸ್ಯೆ ಜಾಸ್ತಿ. ಮುಖ್ಯವಾಗಿ ಈ ಪೂಜೆಯಲ್ಲಿ ಯಾರು ಭಾಗವಹಿಸಬಾರದು ಎಂಬುದು ಇಲ್ಲಿದೆ.

ಗರ್ಭಿಣಿಯರು: ಯಾವುದೇ ಕಾರಣಕ್ಕೂ ಗರ್ಭಿಣಿಯರು ಈ ಪೂಜೆಯಲ್ಲಿ ಭಾಗವಹಿಸಬಾರದು. ಈ ಸಮಯದಲ್ಲಿ ರಾಹು ಬಹಳ ಕೋಪದಲ್ಲಿ ಇರುತ್ತಾನೆ. ಇದು ಗರ್ಭಿಣಿಯರಿಗೆ ಒಳ್ಳೆಯದಲ್ಲ. ರಾಹುವಿನ ಕೋಪದಿಂದ ಮಗುವಿನ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ.

ಇದು ಕೇವಲ ಮಗುವಿನ ಮೇಲೆ ಮಾತ್ರವಲ್ಲ ತಾಯಿಯ ಆರೋಗ್ಯದ ಮೇಲೆ ಸಹ ಪರಿಣಾಮ ಬೀರುತ್ತದೆ. ಕೆಲವೊಂದು ಸಂದರ್ಭದಲ್ಲಿ ಇದು ಹೊಟ್ಟೆ ಒಳಗೆ ಇರುವ ಮಗುವಿನ ಆರೋಗ್ಯಕ್ಕೆ ಅಪಾಯಕರ ಕುಡ. ಹಾಗಾಗಿ ಗರ್ಭಿಣಿಯರು ಪೂಜೆಯಲ್ಲಿ ಭಾಗವಹಿಸಬಾರದು.

ಹೊಸದಾಗಿ ಮದುವೆ ಆದ ಮಹಿಳೆ: ಹೌದು, ನಂಬಿಕೆಗಳ ಪ್ರಕಾರ ಹೊಸದಾಗಿ ಮದುವೆ ಆದ ಮಹಿಳೆಯರು ಕೂಡ ಈ ಪೂಜೆಯಲ್ಲಿ ಭಾಗವಹಿಸಬಾರದು. ಇದು ಅವರ ಮೇಲೆ ನಕರಾತ್ಮಕವಾಗಿ ಪರಿಣಾಮ ಬೀರುತ್ತದೆ. ಅವರ ಕೌಟುಂಬಿಕ ಜೀವನದಲ್ಲಿ ಸಮಸ್ಯೆಗಳು ಆಗಬಹುದು ಎನ್ನಲಾಗುತ್ತದೆ.

ಅಲ್ಲದೇ ಇದು ಆ ಮಹಿಳೆಯರ ಆರೋಗ್ಯದ ಮೇಲೆ ಸಹ ಪರಿಣಾಮ ಬೀರುತ್ತದೆ. ರಾಹುವಿನ ವಕ್ರದೃಷ್ಟಿ ಬಿದ್ದರೆ ಸಮಸ್ಯೆಗಳು ಸಾಲಾಗಿ ಬರುತ್ತದೆ. ಹಾಗಾಗಿ ಹೊಸದಾಗಿ ಮದುವೆ ಆದ ಮಹಿಳೆ ಈ ಹೋಳಿಕಾ ದಹನ ಪೂಜೆಯಲ್ಲಿ ಭಾಗವಹಿಸಬಾರದು ಎನ್ನುವ ನಂಬಿಕೆ ಇದೆ.

ನವಜಾತ ಶಿಶು: ಒಂದು ವರ್ಷದ ಒಳಗಿನ ಮಕ್ಕಳನ್ನು ಸಹ ಈ ಪೂಜೆಗೆ ಕರೆದುಕೊಂಡು ಹೋಗಬಾರದು ಎನ್ನಲಾಗುತ್ತದೆ. ಏಕೆಂದರೆ ರಾಹುವಿನ ಕೆಟ್ಟ ದೃಷ್ಟಿ ಬೀಳುತ್ತದೆ. ಇದರ ಜೊತೆಗೆ ಮಕ್ಕಳ ರೋಗನಿರೋಧಕ ಶಕ್ತಿ ಕಡಿಮೆ ಇರುತ್ತದೆ. ಹಾಗಾಗಿ ಜನ ಹೆಚ್ಚಿರುವ ಕಡೆ ಕರೆದುಕೊಂಡು ಹೋಗಬಾರದು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)