Palmistry: ಅಂಗೈನಲ್ಲಿ ಈ ರೇಖೆ ಇದ್ರೆ ಕಷ್ಟವಂತೆ, ದುರಾದೃಷ್ಟದ ಸಂಕೇತವಿದು

ನಮ್ಮ ಅಂಗೈಯಲ್ಲಿ ಹಲವಾರು ರೀತಿಯ ರೇಖೆಗಳಿವೆ, ಅದರಲ್ಲಿ ಕೆಲವು ಶುಭ ಮತ್ತು ಕೆಲವು ಅಶುಭ ರೇಖೆಗಳಿವೆ. ಶುಭ ರೇಖೆಗಳು ಜೀವನದಲ್ಲಿ ಯಶಸ್ಸು ಹಾಗೂ ಸಂತೋಷವನ್ನು ಹೆಚ್ಚಿಸುತ್ತದೆ. ಅಶುಭ ರೇಖೆಗಳು ದುರಾದೃಷ್ಟಕ್ಕೆ ಕಾರಣವಾಗುತ್ತದೆ. ಹಸ್ತಸಾಮುದ್ರಿಕ ಶಾಸ್ತ್ರದ ಪ್ರಕಾರ, ಕೈಯಲ್ಲಿ ಅಶುಭ ರೇಖೆಗಳಿದ್ದರೆ ಎಷ್ಟೇ ಕಷ್ಟಪಟ್ಟರೂ ಸಹ ಯಶಸ್ಸು ಸಾಧಿಸಲು ಸಾಧ್ಯವಿಲ್ಲ ಎನ್ನಲಾಗುತ್ತದೆ.

ರೇಖೆ ಕಟ್ ಆಗಿದ್ದರೆ: ನಿಮ್ಮ ಕೈನಲ್ಲಿರುವ ಯಾವುದೇ ರೇಖೆ ಕಟ್ ಆಗಿದ್ದರೆ ಇದರಿಂದ ಜೀವನದಲ್ಲಿ ಸಮಸ್ಯೆಗಳು ಹೆಚ್ಚಾಗುತ್ತದೆ. ಹಾರ್ಟ್ ಲೈನ್, ಲೈಫ್ ಲೈನ್ ಮತ್ತು ಹೆಡ್ ಲೈನ್ ಇದರಲ್ಲಿ ಯಾವುದೇ ರೇಖೆ ಕಟ್ ಆಗಿದ್ದರೂ ಸಹ ಒಂದೆಲ್ಲಾ ಒಂದು ಸಮಸ್ಯೆ ಬರಲಿದೆ ಎಂದರ್ಥ. ಉದಾಹರಣೆಗೆ ಹಾರ್ಟ್ ಲೈನ್ ಕಟ್ ಆಗಿದ್ದರೆ ವೈವಾಹಿಕ ಬದುಕಿನಲ್ಲಿ ಕೇವಲ ಸಮಸ್ಯೆಗಳಿರುತ್ತದೆ, ಡಿವೋರ್ಸ್ ಸಹ ಆಗಬಹುದು ಎನ್ನಲಾಗುತ್ತದೆ.

ದ್ವೀಪದ ಗುರುತು: ಇನ್ನು ನಿಮ್ಮ ಕೈನ ಯಾವುದೇ ಮೂಲೆಯಲ್ಲಿ ದ್ವೀಪದ ಗುರುತು ಇದ್ದರೆ ಅದನ್ನು ಅಶುಭ ಎಂದು ಹೇಳಲಾಗುತ್ತದೆ. ಉದ್ಯೋಗ ಸಮಸ್ಯೆಗಳು, ಸಮಾಜದಲ್ಲಿ ಗೌರವ ಕಡಿಮೆ ಆಗುವುದು, ಮಾನಸಿಕ ಆರೋಗ್ಯದಲ್ಲಿ ವ್ಯತ್ಯಾಸ ಹೀಗೆ ವಿವಿಧ ರೀತಿಯ ಸಮಸ್ಯೆಗಳು ಬರಬಹುದು.

ಉದ್ದ ರೇಖೆಯ ಮೇಲೆ ಸಣ್ಣ ರೇಖೆ ಇದ್ದರೆ: ಅಂಗೈನಲ್ಲಿರುವ ರೇಖೆಯ ಮಧ್ಯದಲ್ಲಿ ಮತ್ತೊಂದು ರೇಖೆ ಹಾದು ಹೋಗಿದ್ದರೆ ಅಥವಾ ದೊಡ್ಡ ರೇಖೆಯನ್ನು ಕತ್ತರಿಸುವಂತೆ ಸಣ್ಣ ರೇಖೆ ಇದ್ದರೆ ಅದನ್ನು ದುರಾದೃಷ್ಟ ಎನ್ನಲಾಗುತ್ತದೆ. ಈ ರೀತಿ ರೇಖೆ ಇದ್ದರೆ ಲೈಂಗಿಕ ಆರೋಗ್ಯ ಹಾಗೂ ವೈವಾಹಿಕ ಬದುಕಿನಲ್ಲಿ ಸಮಸ್ಯೆ ಇರುತ್ತದೆ.

ಕಪ್ಪು ಚುಕ್ಕೆ: ಅಂಗೈನಲ್ಲಿ ಕಪ್ಪು ಚುಕ್ಕೆ ಇದ್ದರೆ ಜೀವನದಲ್ಲಿ ನೆಮ್ಮದಿ ಇರುವುದಿಲ್ಲ ಎಂದರ್ಥ. ಎಷ್ಟೇ ಕಷ್ಟಪಟ್ಟರೂ ಸಹ ಕೆಲಸಗಳು ಕೈ ಹಿಡಿಯುವುದಿಲ್ಲ, ಯಶಸ್ಸು ಎನ್ನುವುದು ಕನಸಾಗಿ ಉಳಿಯುತ್ತದೆ.

ಅಡ್ಡ ರೇಖೆಗಳು: ನಿಮ್ಮ ಉಂಗುರದ ಬೆರಳಿನ ಮೇಲೆ ಅಡ್ಡ ರೇಖೆಗಳು ಇದ್ದರೂ ಸಹ ಅದನ್ನೂ ದುರಾದೃಷ್ಟದ ಸೂಚನೆ ಎಂದು ಪರಿಗಣಿಸಲಾಗುತ್ತದೆ. ಇದರಿಂದ ಸಮಾಜದಲ್ಲಿ ಗೌರವ ಕಡಿಮೆ ಆಗುತ್ತದೆ. ಅವಮಾನಗಳನ್ನು ಎದುರಿಸಬೇಕಾಗುತ್ತದೆ.

ಲೈಫ್ ಲೈನ್ ಮೇಲೆ ರೇಖೆ: ನಿಮ್ಮ ಜೀವನ ರೇಖೆಯ ಮೇಲೆ ಅರ್ಧ ರೇಖೆ ಹಾದು ಹೋದರೆ ಕಷ್ಟದ ಜೀವನ ಎನ್ನಲಾಗುತ್ತದೆ. ಈ ರೀತಿ ರೇಖೆ ಇದ್ದರೆ ಆಯಸ್ಸಿನ ಮೇಲೆ ಪರಿಣಾಮ ಬೀರುತ್ತದೆ. ಆರೋಗ್ಯ ಸಮಸ್ಯೆಗಳು ಸಹ ಬೆಂಬಿಡದೇ ಕಾಡುತ್ತದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)