Kitchen Vastu: ಈ ವಸ್ತುಗಳು ಅಡುಗೆ ಮನೆಯಲ್ಲಿದ್ರೆ ಸಂಸಾರದಲ್ಲಿ ಸಮಸ್ಯೆ ಗ್ಯಾರಂಟಿ

ವಾಸ್ತು ಪ್ರಕಾರ, ಭೂಮಿ, ಆಕಾಶ, ಗಾಳಿ, ಬೆಂಕಿ ಮತ್ತು ನೀರಿನ ಅಂಶಗಳು ಸಮತೋಲನದಲ್ಲಿರಬೇಕು. ಅಡುಗೆಮನೆಯಲ್ಲಿ ಧನಾತ್ಮಕ ಶಕ್ತಿಯನ್ನು ಹೆಚ್ಚಿಸಲು, ಅಗತ್ಯವಿದ್ದರೆ ನೀವು ಕೆಲವು ಬದಲಾವಣೆಗಳನ್ನು ಮಾಡಬಹುದು.

ವಾಸ್ತು ಪ್ರಕಾರ ಅಗ್ನಿ ದೇವನು ಮನೆಯ ಆಗ್ನೇಯ ದಿಕ್ಕಿನಲ್ಲಿರಬೇಕು. ಮನೆಯ ಈ ದಿಕ್ಕು ಅಡುಗೆಗೆ ಅನುಕೂಲಕರವಾಗಿರಲಿದೆ. ಆ ದಿಕ್ಕಿನಲ್ಲಿ ಇಡಲು ಸಾಧ್ಯವಾಗದಿದ್ದರೆ ವಾಯುವ್ಯ ದಿಕ್ಕಿನಲ್ಲಿ ಇಡಬಹುದು.

ವಾಶ್ ಬೇಸಿನ್, ಗ್ಯಾಸ್ ಸಿಲಿಂಡರ್, ಓವನ್ ಇತ್ಯಾದಿಗಳನ್ನು ವಾಸ್ತು ಪ್ರಕಾರ ಒಂದಕ್ಕೊಂದು ಸಮಾನಾಂತರವಾಗಿ ಇಡಬಾರದು. ಏಕೆಂದರೆ ಬೆಂಕಿ ಮತ್ತು ನೀರು ಪರಸ್ಪರ ವಿರುದ್ಧ ಗುಣವನ್ನು ಹೊಂದಿದೆ. ಇದು ವ್ಯಕ್ತಿಯ ನಡವಳಿಕೆಯ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ. ಹಾಗಾಗಿ ಗ್ಯಾಸ್ ಸ್ಟೌ, ಸಿಲಿಂಡರ್, ಮೈಕ್ರೋವೇವ್ ಓವನ್, ಟೋಸ್ಟರ್ ಇತ್ಯಾದಿಗಳನ್ನು ಅಡುಗೆ ಮನೆಯ ಆಗ್ನೇಯ ಮೂಲೆಯಲ್ಲಿ ಇಡಿ

ಇನ್ನು ನೀರಿನ ಪಾತ್ರೆ, ಫಿಲ್ಟರ್​ಗಳನ್ನು ಮನೆಯ ಪಶ್ಚಿಮ ಭಾಗದಲ್ಲಿ ಅಡುಗೆಮನೆಯ ಹೊರಗೆ ಇಡಬೇಕು. ಏಕೆಂದರೆ ಬೆಂಕಿ ಮತ್ತು ನೀರಿನ ನಡುವಿನ ಸಮತೋಲನವನ್ನು ಕಾಪಾಡಿಕೊಳ್ಳುವುದು ಬಹಳ ಮುಖ್ಯ.

ಅತ್ತೆ-ಮಾವಂದಿರ ಜೊತೆ ಪದೇ ಪದೇ ಜಗಳ ಆಗುತ್ತಿದ್ದರೆ ವಾಸ್ತು ಶಾಸ್ತ್ರದ ಪ್ರಕಾರ ಅಡುಗೆ ಮನೆಯ ಬಣ್ಣವನ್ನು ಬದಲಾಯಿಸಬೇಕು. ಯಾವಾಗಲೂ ಅಡುಗೆಮನೆಯಲ್ಲಿ ಸೂಕ್ಷ್ಮವಾದ ಬಣ್ಣಗಳನ್ನು ಬಳಸಬೇಕು

ಇನ್ನು ಅಡುಗೆ ಮನೆಯ ನೈಋತ್ಯ ದಿಕ್ಕಿನಲ್ಲಿ ರೆಫ್ರಿಜರೇಟರ್ ಅನ್ನು ಇರಿಸುವುದರಿಂದ ಜೀವನದಲ್ಲಿ ಅಡೆತಡೆಗಳು ದೂರವಾಗುತ್ತವೆ ಎನ್ನಲಾಗುತ್ತದೆ. ಇದು ಅಡುಗೆಮನೆಯನ್ನು ಸಹ ವ್ಯವಸ್ಥಿತವಾಗಿ ಇಡಲು ಸಹಾಯ ಮಾಡುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)