Copper Rings: ಈ ನಾಲ್ಕು ರಾಶಿಯವರು ಅಪ್ಪಿ-ತಪ್ಪಿಯೂ ತಾಮ್ರದ ಉಂಗುರ ಧರಿಸಬೇಡಿ

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಪ್ರತಿಯೊಂದು ಲೋಹವೂ ಯಾವುದಾದರೊಂದು ಗ್ರಹಕ್ಕೆ ಸಂಬಂಧಿಸಿದೆ ಮತ್ತು ಅದರಂತೆ ಫಲಿತಾಂಶವನ್ನು ನೀಡುತ್ತದೆ. ತಾಮ್ರವು ಮಂಗಳಕರವಾದ ಲೋಹವಾಗಿದೆ. ಇದರಲ್ಲಿ ಬೆಂಕಿಯ ಅಂಶ ಜಾಸ್ತಿ ಇದೆ.

ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ತಾಮ್ರ ಸೂರ್ಯ ಮತ್ತು ಮಂಗಳಕ್ಕೆ ಸಂಬಂಧಿಸಿದೆ. ಈ ಹಿನ್ನಲೆ ಪೂಜೆಯಲ್ಲಿ ತಾಮ್ರದ ಲೋಹವನ್ನು ಸಹ ಬಳಸಲಾಗುತ್ತದೆ.

ಜ್ಯೋತಿಷ್ಯದ ಪ್ರಕಾರ, ತಾಮ್ರದ ಲೋಹವನ್ನು ಬಳಸುವ ಮೊದಲು, ಅದರ ಪ್ರಮುಖ ನಿಯಮಗಳ ಬಗ್ಗೆ ತಿಳಿದುಕೊಳ್ಳುವುದು ಬಹಳ ಮುಖ್ಯ.

ಸಣ್ಣದೊಂದು ತಪ್ಪು ನಿಮಗೆ ದುಬಾರಿಯಾಗಬಹುದು. ತಾಮ್ರವು ಕೆಲವು ರಾಶಿಯವರಿಗೆ ಶುಭ ಮತ್ತು ಕೆಲವರಿಗೆ ಅಶುಭ.

ತಾಮ್ರವನ್ನು ಬಳಸುವುದರಿಂದ ದೇಹವು ಶುದ್ಧವಾಗಿರುತ್ತದೆ ಎಂದು ಜ್ಯೋತಿಷ್ಯ ಶಾಸ್ತ್ರ ಹೇಳುತ್ತದೆ. ತಾಮ್ರವನ್ನು ಧರಿಸುವುದರಿಂದ ದೇಹದಲ್ಲಿರುವ ಎಲ್ಲಾ ವಿಷಕಾರಿ ಅಂಶಗಳು ಹೊರಹೋಗುತ್ತವೆ.

ಅಷ್ಟೇ ಅಲ್ಲ, ಇದು ಮಂಗಳ ಗ್ರಹವನ್ನು ಬಲಪಡಿಸುತ್ತದೆ. ಜೊತೆಗೆ ದೇಹದಲ್ಲಿ ರಕ್ತ ಪರಿಚಲನೆ ಉತ್ತಮವಾಗಿ ಕಾರ್ಯ ನಿರ್ವಹಿಸುವಂತೆ ಮಾಡುತ್ತದೆ. ತಾಮ್ರವನ್ನು ಧರಿಸುವುದರಿಂದ ವ್ಯಕ್ತಿಯ ಸೂರ್ಯ ಗ್ರಹ ಬಲಗೊಳ್ಳುತ್ತದೆ.

ತಾಮ್ರದ ಉಂಗುರವನ್ನು ಉಂಗುರ ಬೆರಳಿಗೆ ಧರಿಸಬೇಕು. ಆಗ ಇದು ಸೂರ್ಯ ಮತ್ತು ಚಂದ್ರ ಇಬ್ಬರನ್ನೂ ಬಲಪಡಿಸುತ್ತದೆ. ಜೊತೆಗೆ ಆತ್ಮಸ್ಥೈರ್ಯ, ಧೈರ್ಯ ಮತ್ತು ಆರೋಗ್ಯವೂ ಸುಧಾರಿಸುತ್ತದೆ.

ತಾಮ್ರವು ಶುದ್ಧವಾಗಿದ್ದರೆ ಅದು ಉತ್ತಮವಾಗಿರುತ್ತದೆ ಎಂದು ಹೇಳಲಾಗುತ್ತದೆ. ಹಾಗೆಯೇ ತಾಮ್ರವನ್ನು ಚಿನ್ನದೊಂದಿಗೆ ಬೆರೆಸಿ ಧರಿಸಿದರೆ ಅದು ಇನ್ನೂ ಉತ್ತಮವಾಗಿರುತ್ತದೆ. ತುಂಬಾ ಕೋಪ ಇರುವವರು ತಾಮ್ರವನ್ನು ವಿವೇಚನೆಯಿಂದ ಧರಿಸಬೇಕು.

ತಾಮ್ರವು ಮೇಷ, ಸಿಂಹ ಮತ್ತು ಧನು ರಾಶಿಯವರಿಗೆ ಮಂಗಳಕರವಾಗಿದೆ. ಅದೇ ಸಮಯದಲ್ಲಿ, ವೃಷಭ, ಕನ್ಯಾ, ಮಕರ ರಾಶಿಯ ಜನರು ತಾಮ್ರವನ್ನು ಧರಿಸಬಾರದು. ಉಳಿದ ರಾಶಿಚಕ್ರ ಚಿಹ್ನೆಗಳಿಗೆ ತಾಮ್ರವು ಸಾಮಾನ್ಯವಾಗಿದೆ.