IPL 2023ಯಲ್ಲಿ ಕಪ್ ಗೆಲ್ಲೋ ಚಾನ್ಸ್ ಈ 4 ತಂಡಗಳಿಗೆ ಮಾತ್ರವಂತೆ! ತಜ್ಞರು ಯಾಕೆ ಎಂದು ವಿವರಿಸಿದ್ದಾರೆ ನೋಡಿ

ಈ ಬಾರಿ ಐಪಿಎಲ್​ನಲ್ಲಿ ಸ್ಟಾರ್​ ತಂಡಗಳೂ ಸಹ ಸತತ ಸೋಲಿನಿಂದ ಕಂಗೆಟ್ಟಿದ್ದರೆ, ಇತ್ತ ಗುಜರಾತ್​, ರಾಜಸ್ಥಾನ್​, ಚೆನ್ನೈ ತಂಡಗಳು ಸಾಲು ಸಾಲು ಗೆಲುವನ್ನು ಕಾಣುತ್ತಿದೆ. ಹಾಗಾಗಿ ಟ್ರೋಫಿ ಯಾರ ಪಾಲಾಗುತ್ತದೆ ಎಂಬ ಗೊಂದಲ ಎಲ್ಲರ ಮನದಲ್ಲಿ ಮೂಡಿದೆ.

ಆದರೆ ಸದ್ಯ ಜ್ಯೋತಿಷಿಗಳೊಬ್ಬರ ಮಾತೊಂದು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು, ಕೆಲ ಅಭಿಮಾನಿಗಳ ಸಂತಸಕ್ಕೆ ಕಾರಣವಾಗಿದ್ದು, ಯಾವ 4 ತಂಡ ಫೈನಲ್ಸ್​ ತಲುಪಲಿದೆ ಎಂಬುದರ ಬಗ್ಗೆ ಅವರು ಮಾಹಿತಿ ನೀಡಿದ್ದಾರೆ.

ಹೌದು, ಪ್ರಖ್ಯಾತ ಸಂಖ್ಯಾಶಾಸ್ತ್ರಜ್ಞರಾದ ಗೌತಮ್ ಮಜಾದ್ ಅವರು ಈ ಬಾರಿ ಐಪಿಎಲ್​ನಲ್ಲಿ ಫೈನಲ್ ತಲುಪುವ ನಾಲ್ಕು ತಂಡಗಳ ಲಿಸ್ಟ್​ ನೀಡಿದ್ದು, ಇದರಿಂದ ಈಗ ನಡೆಯುತ್ತಿರುವ ಮ್ಯಾಚ್​ನ ತಲೆಬುಡವೇ ಬದಲಾಗಿದೆ ಎಂದರೆ ತಪ್ಪಲ್ಲ.

ಇನ್ನು ಗೌತಮ್​ ಅವರ ಪ್ರಕಾರ 5 ಬಾರಿ ಕಪ್ ಗೆದ್ದಿರುವ ಮುಂಬೈ ಇಂಡಿಯನ್ಸ್​ ಹಾಗೂ ಅಭಿಮಾನಿಗಳ ಹೃದಯ ಗೆದ್ದಿರುವ RCB ಫೈನಲ್ ತಲುಪಲಿದ್ದು, ಇದಲ್ಲದೇ, ಡೆಲ್ಲಿ ಕ್ಯಾಪಿಟಲ್ಸ್​, ಲಕ್ನೋ ಸೂಪರ್ ಜೈಂಟ್ಸ್ ತಂಡ ಸಹ ಫೈನಲ್ ಆಡಲಿದೆಯಂತೆ.

2023 ರಿಂದ (2+2+3=7) ಸೇರಿಸಿದ ನಂತರ ನೀಲಿ ಜರ್ಸಿ ಹೊಂದಿರುವ ತಂಡ ಮಾತ್ರ ಈ ವರ್ಷವೂ IPL ಟ್ರೋಫಿಯನ್ನು ಎತ್ತುತ್ತದೆ. ಸಂಖ್ಯೆ 7 ನೆಪ್ಚೂನ್ ಅನ್ನು ಪ್ರತಿನಿಧಿಸುತ್ತದೆ ಮತ್ತು ನೆಪ್ಚೂನ್​ ಬಣ್ಣವು ಪ್ರಕಾಶಮಾನವಾದ ಆಕಾಶ ನೀಲಿ ಬಣ್ಣದ್ದಾಗಿದ್ದು, ಇದನ್ನು ನೀಲಿ ಗ್ರಹ ಎಂದೂ ಕರೆಯುತ್ತಾರೆ ಎಂದು ಅವರು ಅಭಿಪ್ರಾಯಪಟ್ಟಿದ್ದಾರೆ.

ಅಲ್ಲದೇ, ನೀಲಿ ಜರ್ಸಿಯ ತಂಡ ಐಪಿಎಲ್ ಟ್ರೋಫಿ ಗೆಲ್ಲುತ್ತದೆ ಎಂದು ಅವರು ಪದೇ ಪದೇ ಹೇಳಿದ್ದು, ಆದರೆ ಯಾವ ತಂಡ ಎಂಬುದರ ಬಗ್ಗೆ ಸರಿಯಾಗಿ ತಿಳಿಸಿಲ್ಲ. ಆದರೆ ಐಪಿಎಲ್ -23 ರ ಫೈನಲ್‌ಗೆ ಒಂದು ದಿನ ಮುಂಚಿತವಾಗಿ ವಿವರವಾಗಿ ಹೇಳಾಗುವುದು ಎಂದು ಅವರು ತಿಳಿಸಿದ್ದಾರೆ.

ಇನ್ನು ಇವರ ಜೋತಿಷ್ಯ ಕೇಳಿದ ಮೇಲೆ ಬೆಂಗಳೂರು ಅಭಿಮಾನಿಗಳು ಸಖತ್​ ಖಷಿಯಾಗಿದ್ದು, ಈ ಸಲ ಕಪ್​ ನಮ್ದೇ ಎಂದು ಹೇಳುತ್ತಿದ್ದಾರೆ. ಆದರೆ ಈ ಜೋತಿಷಿ ಅವರು ಒಟ್ಟು 4 ತಂಡಗಳನ್ನು ಹೇಳಿದ್ದು, ಎಲ್ಲರಲ್ಲಿಯೂ ಅಚ್ಚರಿ ಮೂಡಿಸಿದೆ

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಸಂಖ್ಯಾಶಾಸ್ತ್ರಜ್ಞ ಗೌತಮ ಅವರು ನೀಡಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)