Vastu Tips: ನಿಮ್ಮ ಚಪ್ಪಲಿಗಳನ್ನು ಇಡಲೂ ನಿಯಮಗಳಿದೆ, ಈ ವಾಸ್ತುಟಿಪ್ಸ್ ಪಾಲಿಸಿ ಸಾಕು

ವಾಸ್ತು ಶಾಸ್ತ್ರ ನಮ್ಮ ಜೀವನದ ಮೇಲೆ ಬಹಳ ಪ್ರಭಾವ ಬೀರುತ್ತದೆ. ವಾಸ್ತುಗೆ ಸಂಬಂಧಿಸಿದ ಕೆಲವು ಧನಾತ್ಮಕ ಮತ್ತು ಋಣಾತ್ಮಕ ನಿಯಮಗಳು ಮುಖ್ಯವಾಗಿ ತಿಳಿದಿರಲೇಬೇಕು. ವಾಸ್ತು ಶಾಸ್ತ್ರದಲ್ಲಿ ಹೇಳಿರುವ ನಿಯಮಗಳನ್ನು ನಿರ್ಲಕ್ಷಿಸಿದರೆ, ಆ ಮನೆಯಲ್ಲಿ ವಾಸಿಸುವ ಜನರ ಜೀವನದ ಮೇಲೆ ಕೆಟ್ಟ ಪರಿಣಾಮ ಬೀರುತ್ತದೆ ಎಂದು  ಹೇಳುತ್ತಾರೆ.

ಇನ್ನು ಮನೆಯಲ್ಲಿ ಸರಿಯಾಗಿ ವಾಸ್ತು ಶಾಸ್ತ್ರಗಳನ್ನು ಪಾಲಿಸದಿದ್ದರೆ ಮನೆಯ ಆರ್ಥಿಕ ಸ್ಥಿತಿ ಹದಗೆಡಲು ಕಾರಣವಾಗಬಹುದು. ಇನ್ನು ಕೆಲವು ಮನೆಗಳಲ್ಲಿ ಗಲಾಟೆಗೂ ಕಾರಣವಾಗಬಹುದು. ಈ ವಾಸ್ತು ಶಾಸ್ತ್ರದಲ್ಲಿ ನಾವು ಶೂ, ಚಪ್ಪಲಿಗಳನ್ನು ಸಹ ಹೇಗಿಡಬೇಕೆಂದು ತಿಳಿದಿರಬೇಕು. ಇದಕ್ಕಾಗಿ ಕೆಲವೊಂದು ವಾಸ್ತು ಸಲಹೆಗಳಿವೆ. ಇದರ ಕಂಪ್ಲೀಟ್​ ಮಾಹಿತಿ ಈ ಲೇಖನದಲ್ಲಿ ಓದಿ.

ಸಿಕ್ಕ ಸಿಕ್ಕಲ್ಲಿ ಶೂ ರಿಮೂವ್ ಮಾಡ್ಬೇಡಿ: ಮನೆಯಲ್ಲಿ ಬೇಕಾದ ಸ್ಥಳಗಳಲ್ಲಿ ತಮ್ಮ ಶೂಗಳನ್ನು ಇಡಬಾರದು. ಇದರಿಂದ ಮನೆಯಲ್ಲಿ ಘರ್ಷಣೆಗಳು, ಗಲಾಟೆಗಳಾಗಲು ಕಾರಣವಾಗುತ್ತದೆ.

ಉತ್ತರ ಮತ್ತು ಪೂರ್ವ ದಿಕ್ಕಿನಲ್ಲಿ ಶೂ ಇಡಬೇಡಿ:  ಮನೆಯ ಉತ್ತರ ಮತ್ತು ಪೂರ್ವ ದಿಕ್ಕುಗಳಲ್ಲಿ ಯಾವತ್ತಿಗೂ ಶೂಗಳನ್ನು ಮತ್ತು ಚಪ್ಪಲಿಗಳನ್ನು ಇಡಬಾರದು. ಈ ದಿಕ್ಕು ಲಕ್ಷ್ಮಿ ದೇವಿಗೆ ಸೇರಿರುವುದರಿಂದ ಮನೆಗೆ ನಕಾರಾತ್ಮಕ ಶಕ್ತಿಯನ್ನು ತರುತ್ತದೆ ಎಂದು ನಂಬಲಾಗಿದೆ. ಈ ದಿಕ್ಕುಗಳಲ್ಲಿ ಪಾದರಕ್ಷೆಗಳನ್ನು ಇಡುವವರ ಮೇಲೆ ದೇವಿಯು ಕೋಪಗೊಳ್ಳುತ್ತಾಳೆ ಎಂದು ಹೇಳುತ್ತಾರೆ.

ಮುಚ್ಚಿದ ಕ್ಯಾಬಿನೆಟ್​ಗಳಲ್ಲಿ ಶೂಗಳನ್ನು ಇಡಬೇಕು: ಮುಚ್ಚಿದ ಕ್ಯಾಬಿನೆಟ್‌ಗಳು ಮತ್ತು ಬಾಕ್ಸ್​​ಗಳಲ್ಲಿ ಶೂ ಅಥವಾ ಚಪ್ಪಲಿಗಳನ್ನು ಇಡಬೇಕು. ತೆರೆದ ಶೂ  ಸೆಲ್ಫ್​​ಗಳಿಗಿಂತ ಈ ವಿಧಾನ ಉತ್ತಮವಾಗಿವೆ ಏಕೆಂದರೆ ಮುಚ್ಚಿದ ಕ್ಯಾಬಿನೆಟ್‌ಗಳು ನಕಾರಾತ್ಮಕ ಭಾವನೆಗಳನ್ನು ಮೂಡಿಸುವುದನ್ನು ನಿಯಂತ್ರಿಸುತ್ತದೆ.

ಬಾಗಿಲಲ್ಲಿ ಶೂಗಳನ್ನು ತೆಗೆಯಬೇಡಿ: ಮನೆಯ ಬಾಗಿಲಲ್ಲಿ ಶೂ ಮತ್ತು ಚಪ್ಪಲಿಗಳ ರಾಶಿಯನ್ನು ಇಡುವುದು ಸಂಪೂರ್ಣವಾಗಿ ತಪ್ಪು ಎಂದು ಹೇಳಲಾಗಿದೆ. ಇದು ಸಹ ಮನೆಯ ಜನರ ನಡುವೆ ಘರ್ಷಣೆಗೆ ಕಾರಣವಾಗಬಹುದು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.

ಶೂಗಳು ಸ್ವಚ್ಛವಾಗಿರಬೇಕು: ನಿಮ್ಮ ಶೂಗಳನ್ನು ಬಳಸಿ ಮತ್ತೆ ಇಡುವ ಮೊದಲು ಯಾವಾಗಲೂ ಸ್ವಚ್ಛಗೊಳಿಸಿ ಇಡಬೇಕು. ಜೊತೆಗೆ ಶೂ ಇಡುವಂತಹ ಸೆಲ್ಫ್​ ಅನ್ನು ಸಹ ಕ್ಲೀನ್ ಮಾಡ್ತಾ ಇರಬೇಕು. ಇದರಿಂದ ಮನಸ್ಸಲ್ಲಾಗುವ ಕಿರಿಕಿರಿಯನ್ನು ತಪ್ಪಿಸಬಹುದು.

ಶೂ ಸೆಲ್ಫ್​ ಅನ್ನು ರೂಂಗಳಲ್ಲಿ ಇಡಬೇಡಿ: ಡ್ರೆಸ್ಸಿಂಗ್ ಮಾಡುವಾಗ ನಿಮ್ಮ ಮಲಗುವ ಕೋಣೆಗೆ ಶೂ ರ್ಯಾಕ್ ಅನ್ನು ಸ್ಥಳಾಂತರಿಸುವುದು ಒಳ್ಳೆಯದು ಎಂದು ನೀವು ಭಾವಿಸಬಹುದು. ಆದರೆ ಇದು ನಿಮ್ಮ ವೈವಾಹಿಕ ಜೀವನಕ್ಕೆ ಹಾನಿ ಮಾಡುತ್ತದೆ. ಆದ್ದರಿಂದ ನಿಮ್ಮ ಕೋಣೆಯಲ್ಲಿ ಶೂ ಸ್ಟ್ಯಾಂಡ್ ಅನ್ನು ಇಡಬೇಡಿ ಮತ್ತು ಅದನ್ನು ಹೊರಗೆ ಇರಿಸಿ.