Sabarimala: ಶಬರಿಮಲೆಯ 18 ಮೆಟ್ಟಿಲಿಗೂ ಇದೇ ಒಂದೊಂದು ಅರ್ಥ, ಅಯ್ಯಪ್ಪನ ಮಹಿಮೆ ಅಪಾರ

ದಕ್ಷಿಣ ಭಾರತದ ಪ್ರಸಿದ್ಧ ಧಾರ್ಮಿಕ ಕೇಂದ್ರಗಳಲ್ಲಿ ಒಂದಾದ ಶಬರಿಮಲೆ ಅಯ್ಯಪ್ಪಸ್ವಾಮಿ ದೇವಸ್ಥಾನಕ್ಕೆ ಭಕ್ತಾಧಿಗಳು ಸಾವಿರಾರು ಸಂಖ್ಯೆಯನ್ನು ಭಾಗವಹಿಸುತ್ತಾರೆ. ಇಲ್ಲಿಗೆ ಬರುವ ಮುನ್ನ ಕಠಿಣ ವ್ರತ ಆಚರಣೆ ಮಾಡಿ ಬರುತ್ತದೆ. ಇಲ್ಲಿಗೆ ಕೆಲ ಬರಲು ಕೆಲ ನಿಯಮಗಳಿದೆ ಹಾಗೆಯೇ 18 ಮೆಟ್ಟಿಲು ಸಹ ಇಲ್ಲಿ ಮುಖ್ಯ. ಆ 18 ಮೆಟ್ಟಿಲುಗಳ ಹಿಂದೆ ಒಂದು ಅರ್ಥವಿದೆ. ಅದೇನು ಎಂಬುದು ಇಲ್ಲಿದೆ.

ಅಯ್ಯಪ್ಪಸ್ವಾಮಿಯ ದರ್ಶನ ಪಡೆಯುವುದು ಒಂದು ಸುಂದರವಾದ ಅನುಭವ. ಆದರೆ ಈ ದರ್ಶನ ಪಡೆಯಲು ಭಕ್ತರು ಸುಮಾರು 18 ಮೆಟ್ಟಿಲುಗಳನ್ನು ಹತ್ತಿಬರಬೇಕು. ದೇವರ ಆಶೀರ್ವಾದ ಪಡೆಯಲು 18 ಮೆಟ್ಟಿಲುಗಳೇ ದಾರಿಯಂತೆ.

ಇದು ಕೇವಲ 18 ಮೆಟ್ಟಿಲುಗಳಲ್ಲ, ಒಂದೊಂದು ಮೆಟ್ಟಿಲುಗಳಿಗೂ ಒಂದೊಂದು ಅರ್ಥವಿದೆ ಹಾಗೂ ಮಹತ್ವವಿದೆ. ಸುಮಾರು 41 ದಿನಗಳ ಕಠಿಣ ವ್ರತ ಮಾಡಿ, ಸರಿಯಾದ ನಿಯಮ ಪಾಲನೆ ಮಾಡುವರು ಮಾತ್ರ ಅಯ್ಯಪ್ಪನ ದರ್ಶನ ಪಡೆಯಲು ಸಾಧ್ಯ.

ಅಯ್ಯಪ್ಪನ ದರ್ಶನಕ್ಕೆ ಹೋಗುವ ಪ್ರತಿಯೊಬ್ಬ ಮಾಲಾಧಾರಿಗಳು ಶಬರಿಮಲೆಯಲ್ಲಿ ಮೊದಲು ಬಲಗಾಲನ್ನು ಈ ಮೆಟ್ಟಿಲ ಮೇಲೆ ಇಟ್ಟು ಹತ್ತಲು ಆರಂಭಿಸುತ್ತಾರೆ. ಇರುಮುಡಿ ಹೊತ್ತ ಈ ಭಕ್ತಾಧಿಗಳು ಈ 18 ಮೆಟ್ಟಿಲನ್ನು ಹತ್ತಿ ನಂತರ ಅಯ್ಯಪ್ಪನ ದರ್ಶನ ಪಡೆಯುತ್ತಾರೆ.

ಹಿಂದೂ ಧರ್ಮದಲ್ಲಿ 18 ಎಂಬ ಸಂಖ್ಯೆಗೆ ಬಹಳ ಪ್ರಾಮುಖ್ಯತೆ ಇದೆ. ಉದಾಹರಣೆಗೆ ಮಹಾಕಾವ್ಯ ಮಹಾಭಾರತದಲ್ಲಿ 18 ಪರ್ವ, ಭಗವದ್ಗೀತೆಯಲ್ಲಿ 18 ಅಧ್ಯಾಯ ಇದೆ. ಅಲ್ಲದೇ 18 ಅನ್ನು ಪರಮಾತ್ಮ ಹಾಗೂ ಜೀವಾತ್ಮ ಒಟ್ಟಿಗೆ ಸೇರುವುದರ ಸಂಕೇತ ಎಂದು ಸಹ ಹೇಳಲಾಗುತ್ತದೆ.

ಮೊದಲ 5 ಮೆಟ್ಟಿಲುಗಳು ಪಂಚೇಂದ್ರಿಯಗಳ ಸಂಕೇತವಾಗಿದ್ದು,ದೃಷ್ಟಿ, ಶಬ್ದ, ವಾಸನೆ, ರುಚಿ ಮತ್ತು ಸ್ಪರ್ಶವನ್ನು ಪ್ರತಿನಿಧಿಸುತ್ತವೆ. ಮುಂದಿನ ಎಂಟು ಮೆಟ್ಟಿಲು ಅಷ್ಟರಾಗಗಳು, ಇದು ಕೋಪ, ಪ್ರೀತಿ, ದುರಾಶೆ, ಕಾಮ, ಅಸೂಯೆ, ಜಂಬ, ಅನಾರೋಗ್ಯಕರ ಸ್ಪರ್ಧೆ ಮತ್ತು ಹೆಮ್ಮೆಯಂತಹ ಭಾವನೆಗಳನ್ನು ಪ್ರತಿನಿಧಿಸುತ್ತದೆ.

ಇನ್ನು ಈ ಮೆಟ್ಟಿಲುಗಳನ್ನು ಹತ್ತುವಾಗ ಜಪ ಮಾಡುವುದು ನಮಗೆ ನೋವು ಉಂಟುಮಾಡುವ ಭಾವನೆಗಳನ್ನು ನಿಯಂತ್ರಿಸುತ್ತದೆ ಎಂದು ಹೇಳಲಾಗುತ್ತದೆ. ಹಾಗೆಯೇ ಮುಂದಿನ 3 ಮೆಟ್ಟಿಲು ತ್ರಿಗುಣಗಳು ಎಂದು ಕರೆಯಲ್ಪಡುವ ಮೂರು ಮಾನವ ಗುಣಗಳಾದ ಸತ್ವ, ತಮೋ, ರಜಸ್ ಸಂಕೇತ ಎನ್ನುವ ನಂಬಿಕೆ ಇದೆ.

ಕೊನೆಯ ಎರಡು ಮೆಟ್ಟಿಲುಗಳು ಜ್ಞಾನ ಮತ್ತು ಅಜ್ಞಾನವನ್ನು ಪ್ರತಿನಿಧಿಸುತ್ತವೆ. ಅಲ್ಲದೇ, ಶಬರಿಮಲೆಯ ಸುತ್ತಲಿನ 18 ಬೆಟ್ಟಗಳನ್ನೂ ಮೆಟ್ಟಿಲುಗಳು ಪ್ರತಿನಿಧಿಸುತ್ತವೆ ಎಂಬ ಪ್ರತೀತಿ ಇದೆ. ಒಟ್ಟಾರೆಯಾಗಿ ಈ 19 ಮೆಟ್ಟಿಲು ಹತ್ತುವುದರಿಂದ ಭಕ್ತರು ಲೌಕಿಕ ಬಯಕೆಗಳಿಂದ ನಿರ್ಲಿಪ್ತರಾಗಲು ಸಹಾಯ ಮಾಡುತ್ತದೆ ಹಾಗೂ ಅಯ್ಯಪ್ಪನ ಆಶೀರ್ವಾದ ದೊರೆಯುತ್ತದೆ ಎನ್ನುವ ನಂಬಿಕೆ ಇದೆ,