Puja: ಮಹಿಳೆಯರು ಯಾಕೆ ಮುಟ್ಟಿನ ಸಮಯದಲ್ಲಿ ಪೂಜೆ ಮಾಡಬಾರದು?; ಇಲ್ಲಿದೆ ವೈಜ್ಞಾನಿಕ ಕಾರಣ

ಮಹಿಳೆಯ ಋತುಚಕ್ರ ಸಮಯದಲ್ಲಿ ಮಹಿಳೆಯರು ಪೂಜೆ- ಧಾರ್ಮಿಕ ಕಾರ್ಯದಲ್ಲಿ ಭಾಗಿಯಾಗಬಾರದು ಎಂಬ ನಂಬಿಕೆ ಇದೆ. ಈ ಕುರಿತು ಸಾಕಷ್ಟು ವಿರೋಧ ಕೂಡ ವ್ಯಕ್ತವಾಗುತ್ತದೆ. ಮಹಿಳೆಯರು ಮುಟ್ಟಿನ ಸಂದರ್ಭದಲ್ಲಿ ಪೂಜೆಯಲ್ಲಿ ಭಾಗಿಯಾಗಬಾರದು ಎಂಬುದರ ಹಿಂದೆ ವೈಜ್ಞಾನಿಕ ಕಾರಣ ಇದೆ.

ಮಹಿಳೆಯರ ಋತುಸ್ರಾವದ ಸಮಯದಲ್ಲಿ ಆಕೆಯನ್ನು ಪೂಜೆ- ಧಾರ್ಮಿಕ ಆಚರಣೆಗಳಿಂದ ದೂರವಿಡುವುದು ಬಹು ಹಿಂದಿನಿಂದ ನಡೆದು ಕೊಂಡು ಬಂದಿದೆ.

ಈ ಸಂಪ್ರದಾಯ ಕೆಲವು ವೈಜ್ಞಾನಿಕ ಸತ್ಯವಿದೆ. ಆದರೆ ಆ ಸತ್ಯವನ್ನು ಅರ್ಥಮಾಡಿಕೊಳ್ಳಲು ಅಥವಾ ವಿವರಿಸಲು ಪ್ರಯತ್ನಿಸಲಿಲ್ಲ, ಆದ್ದರಿಂದ ಆ ನಂಬಿಕೆಯು ಮೂಢನಂಬಿಕೆ ಮತ್ತು ದುರಾಚಾರವಾಗಿ ಬದಲಾಯಿತು.

ಪ್ರಾಚೀನ ಕಾಲದಲ್ಲಿ ದೇವರ ಪಠಣವಿಲ್ಲದೆ ಪೂಜೆ ಪೂರ್ಣವಾಗುತ್ತಿರಲಿಲ್ಲ. ಈ ದೇವರ ಪಠಣದ ವೇಳೆ ಸಾಕಷ್ಟು ಸಮಯ ಮತ್ತು ಶಕ್ತಿಯನ್ನು ವ್ಯಯಿಸಲಾಗುತ್ತಿತ್ತು.

ಋತುಚಕ್ರದ ಸಮಯದಲ್ಲಿ, ಮಹಿಳೆಯರ ದೇಹದಲ್ಲಿನ ವಿವಿಧ ಹಾರ್ಮೋನ್ ಬದಲಾವಣೆಗಳಿಂದಾಗಿ, ಬಹಳಷ್ಟು ನೋವು ಮತ್ತು ಆಯಾಸವಿದೆ. ಅಂತಹ ಪರಿಸ್ಥಿತಿಯಲ್ಲಿ, ಮಹಿಳೆಯು ಹೆಚ್ಚು ಹೊತ್ತು ಕುಳಿತು ಮಂತ್ರ ಅಥವಾ ಆಚರಣೆಗಳನ್ನು ಮಾಡಲು ಸಾಧ್ಯವಾಗುತ್ತಿರಲಿಲ್ಲ

ಜೊತೆಗೆ ಪೂಜೆ ವೇಳೆ ಆಕೆ ಉಪವಾಸ ವ್ರತಗಳನ್ನು ಮಾಡಬೇಕಾದ ಪರಿಸ್ಥಿತಿ ನಿರ್ಮಾಣವಾಗುತ್ತಿತ್ತು. ಮೊದಲೇ ಸಾಕಷ್ಟು ದೈಹಿಕವಾಗಿದ್ದ ಬಳಲಿದ್ದ ಆಕೆಗೆ ಈ ಸಮಯದಲ್ಲಿ ಉಪವಾಸ ಆರೋಗ್ಯ ದೃಷ್ಟಿಯಿಂದ ಒಳ್ಳೆಯದಲ್ಲ ಎಂದು ಆಕೆಗೆ ಉಪವಾಸ ವ್ರತ ಮಾಡದಂತೆ ನೋಡಿಕೊಳ್ಳಲಾಯಿತು.

ಅಲ್ಲದೇ, ಈ ಸಮಯದಲ್ಲಿ ಆಕೆ ಪದೇ ಪದೇ ಬಟ್ಟೆಗಳಲ್ಲಿ ಕಲೆಗಳು ಮೂಡುತ್ತಿದ್ದವು. ಈ ಸಂದರ್ಭದಲ್ಲಿ ಆಕೆಯ ವಿಶ್ರಾಂತಿ ಮತ್ತು ಪ್ರತ್ಯೇಕತೆ ಅವಶ್ಯಕ ಇದೆ ಎಂದು ಆಕೆಗೆ ಪ್ರತ್ಯೇಕ ಕೊಠಡಿಯಲ್ಲಿ ತಂಗಲು ಅನುವು ಮಾಡಿಕೊಡಲಾಯಿತು.

ಆದರೆ, ಕಾಲ ಕ್ರಮೇಣ ಈ ಪದ್ಧತಿಯಲ್ಲಿ ಮೂಢ ನಂಬಿಕೆ ಬೆಳೆದು ಆಕೆ ಅಪವಿತ್ರ, ಪೂಜೆ ವೇಳೆ ದೂರ ಇರಬೇಕು ಎಂಬ ನಂಬಿಕೆ ಬೆಳೆಯಿತು. ಈ ಹಿನ್ನಲೆ ಇದರ ಹಿಂದಿನ ಸತ್ಯ ಅರಿಯಲು ಹೋಗಲಿಲ್ಲ