Surya-Shukra Yuti: ಈ ಗ್ರಹಗಳು ಒಟ್ಟಿಗೆ ಬಂದ್ರೆ ಬಹಳ ಸಮಸ್ಯೆಯಂತೆ, ಡಿವೋರ್ಸ್​ ಆಗ್ಬೋದು

ಜ್ಯೋತಿಷ್ಯದಲ್ಲಿ ಸೂರ್ಯ ಮತ್ತು ಶುಕ್ರ ಇಬ್ಬರಿಗೂ ಬಹಳ ಪ್ರಾಮುಖ್ಯತೆ ಇದೆ. ಸೂರ್ಯನನ್ನ ಆರೋಗ್ಯ ಹಾಗೂ ಗೌರವದ ಸಂಕೇತ ಎನ್ನಲಾಗುತ್ತದೆ. ಹಾಗೆಯೇ ಶುಕ್ರನಿಗೆ ಸಂಪತ್ತು ಹಾಗೂ ಸಂತೋಷದ ಗ್ರಹ ಎಂದು ಕರೆಯಲಾಗುತ್ತದೆ.

ಸೂರ್ಯ - ಶುಕ್ರರ ಸಂಯೋಗವು ಜೀವನದಲ್ಲಿ ಸಮಸ್ಯೆಗೆ ಕಾರಣವಾಗುತ್ತದೆ. ಅದರಲ್ಲೂ ವೈವಾಹಿಕ ಜೀವನದಲ್ಲಿ ದೊಡ್ಡ ಬಿರುಗಾಳಿ ಬೀಸಲಿದೆ. ಅಲ್ಲದೇ, ಈ ಸಂಯೋಗದ ಕಾರಣದಿಂದ ಡಿವೋರ್ಸ್​ ಸಹ ಆಗಬಹುದು.

ಎಲ್ಲರಿಗೂ ಗೊತ್ತಿರುವಂತೆ ಸೂರ್ಯ ಬೆಂಕಿಯ ಅಂಶ, ಇತ್ತ ಶುಕ್ರ ಬಹಳ ಸೌಮ್ಯ ಸ್ವಭಾವ. ಹಾಗಾಗಿ ಈ 2 ಒಂದಾದರೆ ನಿಭಾಯಿಸುವುದು ಬಹಳ ಕಷ್ಟ. ಅದರಲ್ಲೂ ಸೂರ್ಯಮ ಪ್ರಕೋಪವನ್ನು ಸಹಿಸಿಕೊಳ್ಳುವುದು ಬಹಳ ಕಷ್ಟವಾಗುತ್ತದೆ. ಹಾಗಾಗಿ ಈ 2 ಗ್ರಹಗಳ ಸಂಯೋಗ ಸಮಸ್ಯೆಗೆ ಕಾರಣವಾಗುತ್ತದೆ.

ಈ ರೀತಿ ಗ್ರಹಗಳ ಸಂಯೋಗ ನಿಮ್ಮ ಜಾತಕದಲ್ಲಿ ಇದ್ದರೆ ವೈವಾಹಿಕ ಬದುಕಿನಲ್ಲಿ ಬಹಳ ಗಲಾಟೆ ಆಗುತ್ತದೆ. ಚಿಕ್ಕ ಚಿಕ್ಕ ವಿಚಾರಗಳಿಗೆ ಸಮಸ್ಯೆ ಆಗುತ್ತದೆ. ಇದೊಂಥರ ನೀರು ಹಾಗೂ ಬೆಂಕಿಯ ಸಂಯೋಗವಾಗಿದ್ದು, ಅತಿರೇಕಕ್ಕೆ ಹೋದರೆ ಸಮಸ್ಯೆ ಗ್ಯಾರಂಟಿ.

ಅದರಲ್ಲೂ ಪುರುಷನ ಜಾತಕದಲ್ಲಿ ಈ ಯೋಗವು ರೂಪುಗೊಂಡರೆ ದೊಡ್ಡ ಸಮಸ್ಯೆ ಆಗುತ್ತದೆ. ಅಲ್ಲದೇ, ಪುರುಷರಿಗೆ ಶುಕ್ರ ಎಂದರೆ ಮಹಿಳೆಯ ಸಂಕೇತ. ಹಾಗಾಗಿ ಇದರಿಂದ ವೈವಾಹಿಕ ಬದುಕು ಬಿಡುಕುಬಿಟ್ಟು ಸಂಗಾತಿ ದೂರ ಆಗಬಹುದು. ಅಲ್ಲದೇ, ಮರು ಮದುವೆಯ ಸಾಧ್ಯತೆ ಸಹ ಬಹಳ ಕಡಿಮೆ.

ಇನ್ನು ಇದು ಮಹಿಳೆಯರ ಮೇಲೆ ವಿಭಿನ್ನವಾಗಿ ಪರಿಣಾಮ ಬೀರುತ್ತದೆ. ಸಂಗಾತಿಯಿಂದ ದೂರವಾಗುವುದು ಒಂದೆಡೆ ಆದರೆ, ಮದುವೆ ಆಗಿದ್ದರೂ ಸಹ ದೈಹಿಕ ಸುಖ ಸಿಗುವುದಿಲ್ಲ. ಇದರಿಂದ ಸಹ ಸಂಸಾರದಲ್ಲಿ ಬಿರುಕು ಮೂಡುತ್ತದೆ.

ಇನ್ನು ಈ ಸಮಸ್ಯೆಗೆ ಪರಿಹಾರ ಎಂದರೆ ಮರುಮದುವೆ. ಹೌದು, ನಿಮ್ಮ ಜಾತಕದಲ್ಲಿ ಈ ಸಂಯೋಗ ಇದ್ದರೆ ನಿಮ್ಮ ಸಂಗಾತಿಯನ್ನೇ 2 ವರ್ಷದ ನಂತರ ಮರು ಮದುವೆ ಆಗುವುದು. ಇದರಿಂದ ಡಿವೋರ್ಸ್​ ಸೇರಿದಂತೆ ಬೇರೆ ಸಮಸ್ಯೆಗಳು ಬರುವುದಿಲ್ಲ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)