Surya Mahadasha ಎಫೆಕ್ಟ್ ಏನೇನು? ಈ ರಾಶಿಗಳಿಗೆ ಮಾತ್ರ 6 ವರ್ಷ ಹಣದ ಮಳೆ ಗ್ಯಾರಂಟಿ

ನಮ್ಮ ಜ್ಯೋತಿಷ್ಯದಲ್ಲಿ ಹಲವಾರು ರೀತಿಯ ನಂಬಿಕೆಗಳಿದೆ. ಅವುಗಳ ಆಧಾರದ ಮೇಲೆಯೇ ನಮ್ಮ ಜೀವನವನ್ನು ನಾವು ನಡೆಸುತ್ತೇವೆ. ಹಾಗೆಯೇ, ಜ್ಯೋತಿಷ್ಯದ ಪ್ರಕಾರ ಒಂದೊಂದು ಗ್ರಹಕ್ಕೆ ಕೂಡ ತನ್ನದೇ ಆದ ಮಹತ್ವವಿದೆ. ಹಾಗಾಗಿ ಅವುಗಳ ಸಂಚಾರದ ಪರಿಣಾಮ ಎಲ್ಲಾ ರಾಶಿಗಳ ಮೇಲೆ ಆಗುತ್ತದೆ.

ಇನ್ನು ಹೇಗೆ ಗ್ರಹಗಳು ತಮ್ಮ ರಾಶಿ ಬದಲಾವಣೆ ಮಾಡುತ್ತವೆಯೋ ಹಾಗೆಯೇ ಅವುಗಳ ಮಹಾದೆಸೆ ಹಾಗೂ ಅಂತರದೆಸೆ ಕೂಡ ಮುಖ್ಯವಾಗುತ್ತದೆ. ಈ ದೆಸೆಗಳು ಸಹ ನಮ್ಮ ಜೀವನದ ಮೇಲೆ ಪರಿಣಾಮ ಬೀರುತ್ತದೆ.

ಇನ್ನು ಸೂರ್ಯನನ್ನ ಗ್ರಹಗಳ ರಾಜ ಎಂದು ಕರೆಯಲಾಗುತ್ತದೆ. ಹಾಗಾಗಿ ಸೂರ್ಯ ಮಹಾದೆಸೆ ಬಹಳ ಮುಖ್ಯ ಅನಿಸುತ್ತದೆ. ಈ ಸೂರ್ಯನ ಕಾರಣದಿಂದ ಕೆಲವರಿಗೆ ಬಹಳ ಒಳ್ಳೆಯದಾಗುತ್ತದೆ ಹಾಗೂ ಇನ್ನೂ ಕೆಲವರಿಗೆ ಸಮಸ್ಯೆ ಆಗುತ್ತದೆ.

ಶುಭ ಪರಿಣಾಮ: ಜಾತಕದಲ್ಲಿ ಶುಭ ಸ್ಥಾನದಲ್ಲಿ ಸೂರ್ಯ ಇದ್ದರೆ ಆ ರೀತಿಯ ಜನರು ಮಹಾದೆಸೆಯ ಸಮಯದಲ್ಲಿ ಶುಭ ಫಲಿತಾಂಶಗಳನ್ನು ಪಡೆಯುತ್ತಾರೆ ಎನ್ನಲಾಗುತ್ತದೆ. ಈ ಸಮಯದಲ್ಲಿ ನೀವು ಯಾವುದೇ ಕೆಲಸ ಮಾಡಿದರೂ ಸಹ ಯಶಸ್ಸು ಸಿಗುತ್ತದೆ. ವೃತ್ತಿ ಜೀವನದಲ್ಲಿ ದೊಡ್ಡ ಸಾಧನೆ ಮಾಡಬಹುದು.

ಅಶುಭ ಪರಿಣಾಮ: ತಮ್ಮ ಕುಂಡಲಿಯಲ್ಲಿ ಸೂರ್ಯ ಬಹಳ ದುರ್ಬಲವಾಗಿ ಅಥವಾ ಅಶುಭ ಸ್ಥಾನದಲ್ಲಿ ಇದ್ದರೆ ಈ ಮಹಾದೆಸೆಯ ಅವಧಿ ಬಹಳ ಕಷ್ಟಗಳನ್ನು ಹೊತ್ತು ತರುತ್ತದೆ. ಈ ಸಮಯದಲ್ಲಿ ಅದೆಷ್ಟೇ ಕಷ್ಟಪಟ್ಟರೂ ಸಹ ನೆಮ್ಮದಿ ಇರುವುದಿಲ್ಲ, ಅದರ ಜೊತೆಗೆ ಆರ್ಥಿಕವಾಗಿ ಸಹ ಬಹಳ ಕಷ್ಟವಾಗುತ್ತದೆ. ಇನ್ನು ಆರೋಗ್ಯ ಸಹ ಕೈ ಕೊಡುತ್ತದೆ.

ಪರಿಹಾರ: ಸೂರ್ಯನ ಮಹಾದೆಸೆಯಲ್ಲಿ ಯಾವುದೇ ರೀತಿಯ ಸಮಸ್ಯೆ ಆಗಬಾರದು ಅಥವಾ ಕಷ್ಟಗಳು ಕಡಿಮೆ ಆಗಬೇಕು ಎಂದರೆ ಪ್ರತಿ ಭಾನುವಾರ ತಾಮ್ರ ಹಾಗೂ ಗೋಧಿಯನ್ನು ದಾನ ಮಾಡಬೇಕು. ಹಾಗೆಯೇ, ತಪ್ಪದೇ ಪ್ರತಿದಿನ ಆದಿತ್ಯ ಹೃದಯ ಶ್ರೋತ ಪಠಿಸಿ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)