Sunlight Vastu Tips: ಮನೆ ಒಳಗೆ ಈ ಟೈಮ್​ನಲ್ಲಿ ಸೂರ್ಯನ ಬೆಳಕು ಬಿದ್ರೆ ಫುಲ್ ಲಕ್ ಅಂತೆ

ನೀವು ಜೀವನದಲ್ಲಿ ಸಕಾರಾತ್ಮಕ ವಾತಾವರಣವನ್ನು ಹೊಂದಿದ್ದರೆ ನಿಮ್ಮ ಭವಿಷ್ಯವು ಪ್ರಕಾಶಮಾನವಾಗಿರುತ್ತದೆ. ಬದುಕಿನಲ್ಲಿ ಬೆಳಕು ಸದಾ ಬೇಕು ಎಂಬುದರಲ್ಲಿ ಯಾವುದೇ ಅನುಮಾನವಿಲ್ಲ. ಹಾಗಾಗಿ ನಾವು ವಾಸಿಸುವ ಮನೆಯಲ್ಲಿ ಸಹ ಹೆಚ್ಚಿನ ಬೆಳಕಿರಬೇಕು. ಇನ್ನು ಸೂರ್ಯನ ಕಿರಣಗಳು ಮನೆಯ ಒಳಗೆ ಯಾವ ಸಮಯದಲ್ಲಿ ಬಂದರೆ ಉತ್ತಮ ಎಂಬುದು ಇಲ್ಲಿದೆ.

ಬ್ರಹ್ಮ ಮುಹೂರ್ತ 3 AM ನಿಂದ 6 AM - ಈ ಸಮಯದಲ್ಲಿ ಸೂರ್ಯನು ಮನೆಯ ಈಶಾನ್ಯ ದಿಕ್ಕಿನಲ್ಲಿರುತ್ತಾನೆ. ಆದ್ದರಿಂದ, ವಾಸ್ತು ಶಾಸ್ತ್ರದ ಪ್ರಕಾರ, ಮನೆಯಲ್ಲಿ ದೇವರ ಕೋಣೆ ಈಶಾನ್ಯ ದಿಕ್ಕಿನಲ್ಲಿರಬೇಕು. ಆಗ ಮಾತ್ರ ಒಳ್ಳೆಯದಾಗುತ್ತದೆ.

ಬೆಳಗ್ಗೆ 6 ರಿಂದ 9 ರ ನಡುವೆ ಸೂರ್ಯನು ಪೂರ್ವ ದಿಕ್ಕಿನಲ್ಲಿರುತ್ತಾನೆ ಆದ್ದರಿಂದ ಮನೆಯ ಕಿಟಕಿಗಳು ಈ ದಿಕ್ಕಿನಲ್ಲಿರಬೇಕು. ಈ ಸಮಯದಲ್ಲಿ ಮನೆಯ ಬಾಗಿಲು ಮತ್ತು ಕಿಟಕಿಗಳನ್ನು ಮುಚ್ಚಬೇಡಿ. ಪರದೆಗಳಿದ್ದರೆ, ಅವುಗಳನ್ನು ತೆರೆಯಿರಿ ಮತ್ತು ಸೂರ್ಯನ ಬೆಳಕು ನಿಮ್ಮ ಮನೆಗೆ ಬೀಳಲು ಬಿಡಿ

ಬೆಳಗ್ಗೆ 9 ರಿಂದ 12 ಗಂಟೆಯ ನಡುವೆ -ಈ ಸಮಯದಲ್ಲಿ ಸೂರ್ಯನು ಮನೆಯ ಆಗ್ನೇಯ ದಿಕ್ಕಿನಲ್ಲಿರುತ್ತಾನೆ. ಇದು ನಿಮ್ಮ ಅಡುಗೆ ಸಮಯ. ಆದುದರಿಂದ ಅಡುಗೆ ಮನೆಯು ಆಗ್ನೇಯ ದಿಕ್ಕಿನಲ್ಲಿರಬೇಕು ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ.

12 ರಿಂದ 3 ರ ನಡುವೆ - ಈ ಸಮಯದಲ್ಲಿ ಮನೆಯ ಹಿರಿಯ ನಾಗರಿಕರು, ಮಕ್ಕಳು, ಗೃಹಿಣಿಯರು ವಿಶ್ರಾಂತಿ ತೆಗೆದುಕೊಳ್ಳುತ್ತಾರೆ. ಈ ಸಮಯದಲ್ಲಿ ಸೂರ್ಯನು ಮೇಲ್ಭಾಗದಲ್ಲಿರುತ್ತಾನೆ ಈ ಸಮಯದಲ್ಲಿ, ಬಲವಾದ ನೇರಳಾತೀತ ಕಿರಣಗಳು ಸೂರ್ಯನಿಂದ ಬರುತ್ತವೆ. ಆದ್ದರಿಂದ ಈ ಸಮಯದಲ್ಲಿ ಬಾಗಿಲು ಮತ್ತು ಕಿಟಕಿ ಪರದೆಗಳನ್ನು ಮುಚ್ಚಬೇಕು.

3 PM, 6 PM ನಡುವೆ - ಈ ಸಮಯದಲ್ಲಿ ಸೂರ್ಯನು ನೈಋತ್ಯದಲ್ಲಿದ್ದಾನೆ. ಅಲ್ಲದೇ ಹೆಚ್ಚಿನ ಮಕ್ಕಳು ಓದುವ ಸಮಯ ಇದು. ಆದ್ದರಿಂದ ವಾಸ್ತು ಶಾಸ್ತ್ರದ ಪ್ರಕಾರ, ನಿಮ್ಮ ಅಧ್ಯಯನ ಕೊಠಡಿ ಅಥವಾ ಗ್ರಂಥಾಲಯವು ಈ ದಿಕ್ಕಿನಲ್ಲಿರಬೇಕು.

7ಗಂಟೆಯ ಮೊದಲು ತಿನ್ನಿ – ಆರೋಗ್ಯ ತಜ್ಞರಿಂದ ಹಿಡಿದು ಎಲ್ಲರೂ 7 ಗಂಟೆಯ ಒಳಗೆ ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದು ಎನ್ನುತ್ತಾರೆ. ಅದಕ್ಕಾಗಿಯೇ ಸೂರ್ಯಾಸ್ತದ ಸಮಯದಲ್ಲಿ ಮನೆಯ ಪಶ್ಚಿಮ ದಿಕ್ಕಿನಲ್ಲಿ ಕುಳಿತು ತಿನ್ನಬೇಕಾಂತೆ. ಏಕೆಂದರೆ ಸೂರ್ಯಾಸ್ತದ ನಂತರ ಆಹಾರ ಸೇವನೆ ಮಾಡುವುದು ಆರೋಗ್ಯಕ್ಕೆ ಹಾನಿಕಾರಕ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)