Solar Eclipse Effect: ಸೂರ್ಯಗ್ರಹಣದ ಪ್ರಭಾವ ಡಿಸೆಂಬರ್​ನಲ್ಲಿ ಈ ರಾಶಿಯವರಿಗೆ ಸಂಕಷ್ಟ; ಇಲ್ಲಿದೆ ಪರಿಹಾರ

ಮೇಷ ರಾಶಿ: ಈ ರಾಶಿಯ ಜನರು ಉದ್ಯೋಗ ವಿಚಾರದಲ್ಲಿ ಸಾಕಷ್ಟು ತೊಂದರೆ ಎದುರಿಸಬೇಕಾಗುತ್ತದೆ. ಜೊತೆಗೆ ಅಪಘಾತದಂತಹ ಅಪಾಯಗಳು ಈ ರಾಶಿಯವರನ್ನು ಕಾಡುವ ಸಾಧ್ಯತೆ ಕಡಿಮೆ ಇಲ್ಲ. ಈ ಹಿನ್ನಲೆ ಸೂರ್ಯಗ್ರಹಣದಿಂದ ಒಂದು ವಾರಗಳ ಕಾಲ ಎಚ್ಚರವಹಿಸಬೇಕು. ಇನ್ನು ಆರ್ಥಿಕ ನಷ್ಟ ಸಂಭವಿಸಿ, ಯಾವುದೇ ಅನಾಹುತ ಸಂಭವಿಸದಂತೆ ಆಗಲು ಜಾಗ್ರತರಾಗಿರಲು ಯೋಗ ಧ್ಯಾನದ ಮೊರೆ ಹೋಗಿ.

ವೃಷಭ ರಾಶಿ: ಕುಟುಂಬ ಸದಸ್ಯರ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಿ. ಸಂಗಾತಿಯೊಂದಿಗಿನ ಸಂಬಂಧದಲ್ಲಿ ಬಿರುಕು ಉಂಟಾಗುವ ಸಾಧ್ಯತೆ ಹೆಚ್ಚಿದೆ. ಈ ಹಿನ್ನಲೆ ಮುನ್ನೆಚ್ಚರಿಕೆ ವಹಿಸಿ. ಸಂಗಾತಿಯೊಂದಿಗೆ ಹೆಚ್ಚು ಸಮಯವನ್ನು ನೀಡಬೇಕಾದ ಅನಿವಾರ್ಯತೆ ಈ ರಾಶಿಯವರಿಗೆ ಇದೆ. ಕೌಟುಂಬಿಕ ಸಂಬಂಧದಲ್ಲಿನ ಸುಧಾರಣೆಗೆ ಶಿವ- ಪಾರ್ವತಿ ಆರಾಧನೆ ಮಾಡುವುದು ಒಳ್ಳೆಯದು

ಸಿಂಹ ರಾಶಿ: ಅತಿ ಹೆಚ್ಚಿನ ಆಲೋಚನೆ ಮನಸ್ಸಿನ ಮೇಲೆ ನಕಾರಾತ್ಮಕ ಪರಿಣಾಮ ಬೀರಲಿದೆ. ಡಿ. 16ರ ಬಳಿಕ ಸೂರ್ಯನು ಧನು ರಾಶಿ ಪ್ರವೇಶಿಸಿದ ಬಳಿಕ ಈ ರಾಶಿಯವರಿಗೆ ಒಳಿತಾಗಲಿದೆ. ಯಾವುದೇ ಹಾನಿಯಾಗದಂತೆ ತಡೆಯಲು ಈ ರಾಶಿಯವರು ಓಂ ಹ್ರಾಂ ಹ್ರೀಂ ಹ್ರೌಂ ಸಹ ಸೂರ್ಯಾಯ ನಮಃ ಮಂತ್ರವನ್ನು ಜಪಿಸುವುದು ಅವಶ್ಯಕವಾಗಿದೆ.

ವೃಶ್ಚಿಕ ರಾಶಿ: ಯಾವುದೇ ನಿರ್ಧಾರವನ್ನು ತೆಗೆದುಕೊಳ್ಳುವ ಮುನ್ನ ಹಿರಿಯರ ಮಾರ್ಗದರ್ಶನ ಪಡೆಯುವುದು ಸೂಕ್ತ. ವೈಯಕ್ತಿಕ ಜೀವನದಲ್ಲಿ ಸಮಸ್ಯೆ ಎದುರಾಗಬಹುದು. ಡಿ. 17ರ ಬಳಿಕ ವೃತ್ತಿಯಲ್ಲಿ ಯಶಸ್ಸು ಪಡೆಯುವ ಸಾಧ್ಯತೆ ಇದೆ. ದೋಷ ನಿವಾರಣೆಗೆ ಹನುಮಾನ್​ ಚಾಲೀಸಾ ಪಠಿಸುವುದು ಉತ್ತಮ ಮಾರ್ಗ

ಧನು ರಾಶಿ: ವೃಶ್ಚಿಕ ರಾಶಿಯಲ್ಲಿ ಸೂರ್ಯ ಗ್ರಹಣ ಸಂಭವಿಸಉವ ಹಿನ್ನಲೆ ಕುಟುಂಬದ ಹಾಗೂ ನಿಮ್ಮ ಆರೋಗ್ಯದ ಮೇಲೆ ಇದು ಪರಿಣಾಮ ಬೀರಬಹುದು. ಮಕ್ಕಳ ಆರೋಗ್ಯದ ಬಗ್ಗೆ ಹೆಚ್ಚಿನ ನಿಗಾವಹಿಸುವುದು ಮುಖ್ಯ, ಪ್ರತಿನಿತ್ಯ ಸೂರ್ಯನಿಗೆ ಅರ್ಘ್ಯ ಅರ್ಪಿಸುವ ಮೂಲಕ ಆರೋಗ್ಯ ಪ್ರಾಪ್ತಿಗೆ ಪ್ರಾರ್ಥಿಸಿ.