Solar Eclipse 2023: ಗರ್ಭಿಣಿಯರು ಅಪ್ಪಿ-ತಪ್ಪಿಯೂ ಸೂರ್ಯ ಗ್ರಹಣದಂದು ಈ ಕೆಲಸ ಮಾಡ್ಬೇಡಿ

ಗರ್ಭಿಣಿಯರು ಸೂರ್ಯಗ್ರಹಣದ ಸಮಯದಲ್ಲಿ ಮನೆಯೊಳಗೆ ಇರಬೇಕು. ಏಕೆಂದರೆ ಈ ಸಮಯದಲ್ಲಿ ಹೊರಗೆ ಹೋಗುವುದು ತಾಯಿ ಮತ್ತು ಹುಟ್ಟಲಿರುವ ಮಗುವಿನ ಮೇಲೆ ಪರಿಣಾಮ ಬೀರಬಹುದು. ನಂಬಿಕೆಗಳ ಪ್ರಕಾರ, ಗ್ರಹಣದ ನೆರಳು ಕೂಡ ಹುಟ್ಟುವ ಮಗುವಿಗೆ ಸ್ಪರ್ಶಿಸದಂತೆ ತಡೆಯಬೇಕು.

ಗರ್ಭಿಣಿಯರು ಸೂರ್ಯಗ್ರಹಣವನ್ನು ನೇರವಾಗಿ ನೋಡಬಾರದು. ಇದನ್ನು ನೋಡುವುದರಿಂದ ಅವರ ಕಣ್ಣು ಮತ್ತು ಒಟ್ಟಾರೆ ಆರೋಗ್ಯಕ್ಕೆ ಹಾನಿಯಾಗುತ್ತದೆ.

ಗ್ರಹಣದ ಸಮಯದಲ್ಲಿ, ಯಾವುದೇ ಆಹಾರವನ್ನು ಸೇವಿಸದಿರುವುದು ಉತ್ತಮ. ಏಕೆಂದರೆ ಗ್ರಹಣದ ಕೆಟ್ಟ ಪರಿಣಾಮಗಳನ್ನು ಎದುರಿಸಬೇಕಾಗುತ್ತದೆ. ಆದರೆ ಹಸಿವಾದರೆ ಅದನ್ನು ಸ್ವಚ್ಛ ಮಾಡಿ ತಿನ್ನುವುದು ಬಹಳ ಅಗತ್ಯ.

ಇನ್ನು ಬಾಳಂತಿಯರು ಈ ಗ್ರಹಣದ ಸಮಯದಲ್ಲಿ ಮಗುವನ್ನು ಮಲಗಿಸಬಾರದು ಎನ್ನಲಾಗುತ್ತದೆ. ಅದರಿಂದ ಮಗುವಿನ ಬೆಳವಣಿಗೆಗೆ ಹಾನಿಯಾಗುವ ಸಾಧ್ಯತೆ ಇರುತ್ತದೆ. ಹಾಗಾಗಿ ಸಾಧ್ಯವಾದಷ್ಟು ಮಗುವನ್ನು ಮಲಗಿಸಬೇಡಿ.

ಹಾಗೆಯೇ ಈ ಸಮಯದಲ್ಲಿ ಸೂಜಿ, ಕತ್ತರಿ, ಚಾಕು ಮುಂತಾದ ಚೂಪಾದ ವಸ್ತುಗಳನ್ನು ಬಳಸಬಾರದು. ಧಾರ್ಮಿಕ ನಂಬಿಕೆಗಳ ಪ್ರಕಾರ, ಇದನ್ನು ಬಳಸುವುದರಿಂದ ಹುಟ್ಟಲಿರುವ ಮಗುವಿನ ಮೇಲೆ ಹಾನಿಕಾರಕ ಪರಿಣಾಮ ಬೀರಲಿದೆ.

ಗ್ರಹಣ ದಿನದ ಪರಿಹಾರ: ಈ ದಿನ ಗರ್ಭಿಣಿಯರು ತಮ್ಮ ಎತ್ತರಕ್ಕೆ ಸಮನಾದ ಉದ್ದದ ದಾರವನ್ನು ತಲೆಯಿಂದ ಕಾಳಿನ ವರೆಗೆ ಅಳತೆ ಮಾಡಿ ತೆಗೆದುಕೊಂಡು ಅದನ್ನು ಗ್ರಹಣ ಪ್ರಾರಂಭವಾಗುವ ಮೊದಲು ನಿರ್ದಿಷ್ಟ ಸ್ಥಳದಲ್ಲಿ ನೇತುಹಾಕಬೇಕು. ಗ್ರಹಣ ಮುಗಿದ ನಂತರ ಅದನ್ನು ನೀರಿನಲ್ಲಿ ಮುಳುಗಿಸಬೇಕು.

ಗ್ರಹಣ ಮುಗಿದ ನಂತರ, ಸ್ನಾನ ಮಾಡಿ, ಪೂಜಾ ಸ್ಥಳವನ್ನು ಸ್ವಚ್ಛ ಮಾಡಬೇಕು. ಮೊದಲು ದೇವರಿಗೆ ಯಾವುದೇ ಹೂವುಗಳು ಅಥವಾ ನೈವೇದ್ಯಗಳನ್ನು ಬದಲಾಯಿಸಬೇಕು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)