Astro Tips: ನಿಮ್ಮ ಲೈಫ್​ನಲ್ಲಿ ಹೀಗೆಲ್ಲಾ ಆಗ್ತಿದ್ರೆ ಒಳ್ಳೆ ಟೈಮ್​ ಸ್ಟಾರ್ಟ್​ ಅಂತ ಅರ್ಥ

ಒಳ್ಳೆಯ ಅಥವಾ ಕೆಟ್ಟ ಸಮಯ ಬಂದಾಗ, ಅದು ನಿಜವಾಗಿ ಬರುವ ಮೊದಲು ಅದರ ಸೂಚನೆಯನ್ನು ನೀಡುತ್ತದೆ ಎಂದು ಹೇಳಲಾಗುತ್ತದೆ. ಒಳ್ಳೆಯ ಸಮಯದ ಮೊದಲು ವಿಭಿನ್ನ ಚಿಹ್ನೆಗಳು ಮತ್ತು ಕೆಟ್ಟ ಸಮಯದ ಮೊದಲು ವಿಭಿನ್ನ ಸೂಚನೆಗಳು ಸಿಗುತ್ತದೆ.

ಜ್ಯೋತಿಷ್ಯದಲ್ಲಿ ಇಂತಹ ಹಲವು ಸೂಚನೆಗಳನ್ನು ನೀಡಲಾಗಿದೆ, ಅದರ ಆಧಾರದ ಮೇಲೆ ನೀವು ಕೂಡ ನಿಮ್ಮ ಭವಿಷ್ಯದ ಬಗ್ಗೆ ತಿಳಿದುಕೊಳ್ಳಬಹುದು. ಉತ್ತಮ ದಿನಗಳು ಬರುವ ಮೊದಲು ನಮಗೆ ಕಾಣಿಸುವ ಲಕ್ಷಣಗಳೇನು ಎಂಬುದರ ಬಗ್ಗೆ ಮಾಹಿತಿ ಇಲ್ಲಿದೆ.

ಮನೆಯಲ್ಲಿರುವ ಮರ, ಗಿಡಗಳು ಚೆನ್ನಾಗಿ ಬೆಳೆಯುತ್ತವೆ. ಅವುಗಳ ಹಣ್ಣುಗಳು ಮತ್ತು ಹೂವುಗಳು ಹೇರಳವಾಗಿ ಬರಲು ಪ್ರಾರಂಭಿಸುತ್ತವೆ. ಅದರಲ್ಲೂ ತುಳಸಿ ಮತ್ತು ಬಾಳೆ ಗಿಡಗಳು ತುಂಬಾ ಸುಂದರವಾಗಿ ಮತ್ತು ಆಕರ್ಷಕವಾಗಿ ಬೆಳೆಯುತ್ತವೆ

ಒಬ್ಬ ವ್ಯಕ್ತಿಗೆ ತನ್ನ ಸುತ್ತಮುತ್ತಲಿನ ಜನರು ಇದ್ದಕ್ಕಿದ್ದಂತೆ ಗೌರವವನ್ನುನೀಡಲು ಪ್ರಾರಂಭಿಸುವುದು ಸಹ ಒಂದು ಲಕ್ಷಣ ಎನ್ನಲಾಗುತ್ತದೆ. ಎಲ್ಲರೂ ಹೊಗಳಲು ಪ್ರಾರಂಭಿಸುತ್ತಾರೆ. ಇದು ಒಳ್ಳೆಯ ಸಮಯ ಬರಲಿದೆ ಎಂಬುದರ ಸಂಕೇತವಾಗಿದೆ.

ಒಳಗಿನಿಂದ ಸುಮ್ಮನೆ ಸಂತೋಷವಾದಾಗ. ಯಾವುದೇ ಖುಷಿಯ ಸುದ್ದಿ ಇಲ್ಲದಿದ್ದರೂ ಸಹ ಸಂತೋಷವಾಗುತ್ತಿದೆ ಎಂದರೆ ಅದು ಕೂಡ ಒಳ್ಳೆಯ ಸಮಯದ ಸೂಚನೆ ಎನ್ನಲಾಗುತ್ತದೆ. ಯಾವುದೇ ಕಾರಣವಿಲ್ಲದೆ ತನ್ನನ್ನು ಅತ್ಯಂತ ಅದೃಷ್ಟಶಾಲಿ ಎಂದು ಪರಿಗಣಿಸಲು ಪ್ರಾರಂಭಿಸಿದರೆ, ಅದು ಕೂಡ ಒಂದು ಸೂಚನೆಯಂತೆ.

ಮನುಷ್ಯನಿಗೆ ಒಳ್ಳೆಯ ಸಮಯ ಬಂದಾಗಲೆಲ್ಲಾ ಅವನು ಭವಿಷ್ಯದ ಬಗ್ಗೆ ಯೋಚಿಸಲು ಪ್ರಾರಂಭಿಸುತ್ತಾನೆ. ಭವಿಷ್ಯದ ಬಗ್ಗೆ ಏನು ಯೋಚಿಸುತ್ತಾನೆ ಅಥವಾ ಊಹಿಸುತ್ತಾನೆ, ಅದು ನಿಜವಾಗಲು ಪ್ರಾರಂಭಿಸುತ್ತದೆ. ಹಾಗಾಗಿ ಜ್ಯೋತಿಷ್ಯದ ಪ್ರಕಾರ ಇದು ಒಂದು ಸೂಚನೆ ಎನ್ನಬಹುದು.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)