Imprisoned Birds: ಮನೆಯಲ್ಲಿ ಈ ಪಕ್ಷಿ ಇದ್ರೆ ದುರಾದೃಷ್ಟ ಬಿಟ್ಟು ಹೋಗಲ್ಲ

ಕೆಲವರಿಗೆ ಪ್ರಾಣಿ-ಪಕ್ಷಿಗಳು ಎಂದರೆ ಬಹಳ ಇಷ್ಟ. ಹಾಗಾಗಿ ಮನೆಯಲ್ಲಿ ನಾಯಿ, ಬೆಕ್ಕು ಇಟ್ಟುಕೊಂಡಿರುತ್ತಾರೆ. ಅದರ ಜೊತೆ ಕೆಲವರು ಹಕ್ಕಿಗಳನ್ನು ಸಹ ಸಾಕುತ್ತಾರೆ. ಆದರೆ ವಾಸ್ತು ಪ್ರಕಾರ ಇವುಗಳನ್ನು ಮನೆಯಲ್ಲಿ ಇಟ್ಟುಕೊಳ್ಳಬಾರದು.

ನಿಮಗೆ ಪಕ್ಷಿಗಳು ಇಲ್ಲದೇ ಇರಲು ಸಾಧ್ಯವಾಗುವುದಿಲ್ಲ ಎಂದರೆ ವಾಸ್ತು ನಿಯಮಗಳನ್ನು ಫಾಲೋ ಮಾಡುವುದು ಬಹಳ ಮುಖ್ಯ. ಆಗ ಮಾತ್ರ ಜೀವನದಲ್ಲಿ ಸಮಸ್ಯೆಗಳು ಬರದಂತೆ ತಡೆಯಬಹುದು. ಹಾಗಾದ್ರೆ ಯಾವ ನಿಯಮಗಳನ್ನು ಫಾಲೋ ಮಾಡಬೇಕು ಎಂಬುದು ಇಲ್ಲಿದೆ.

ಪಂಜರದಲ್ಲಿ ಇಡಬೇಡಿ: ಪಕ್ಷಿಗಳನ್ನು ಪಂಜರದಲ್ಲಿ ಇಡುವುದು ಸಾಮಾನ್ಯ, ಆದರೆ ವಾಸ್ತು ಪ್ರಕಾರ ಅವುಗಳನ್ನು ಪಂಜರದಲ್ಲಿ ಇಟ್ಟರೆ ನಿಮ್ಮ ಜೀವನದಲ್ಲಿ ಯಶಸ್ಸು ಸಿಗುವುದಿಲ್ಲ. ನಿಮಗೆ ಪಂಜರ ಅನಿವಾರ್ಯವಾದರೆ ಪಂಜರದ ಬಾಗಿಲು ಹಾಕದೇ ಹಾಗೆಯೇ ಇಟ್ಟು ಅಭ್ಯಾಸ ಮಾಡಿಸಿ,

ಬುಧವಾರ ಈ ಕೆಲಸ ಮಾಡಿ: ನಿಮ್ಮ ಮನೆಯಲ್ಲಿ ಯಾವುದೇ ಪಕ್ಷಿ ಇದ್ದರೂ ಬುಧವಾರ ಅದನ್ನು ಪಂಜರದಿಂದ ತೆಗೆದು ಹಾರಲು ಬಿಡಿ. ಅದರಲ್ಲೂ ಗಿಳಿ ಇದ್ದರೆ ತಪ್ಪದೇ ಈ ಕೆಲಸ ಮಾಡಬೇಕು. ಇಲ್ಲದಿದ್ದರೆ ಆರ್ಥಿಕವಾಗಿ ನಿಮಗೆ ಸಮಸ್ಯೆ ಆಗುತ್ತದೆ.

ಪಕ್ಷಿಗಳ ಫೋಟೋ ಇಟ್ಟುಕೊಳ್ಳಿ: ಈ ಪಕ್ಷಿಗಳನ್ನು ಮನೆಯಲ್ಲಿ ಇಟ್ಟುಕೊಳ್ಳುವುದು ಒಳ್ಳೆಯದಲ್ಲ. ಹಾಗಾಗಿ ನೀವು ಅವುಗಳ ಫೋಟೋ ಹಾಕಿಕೊಂಡರೆ ಉತ್ತಮ. ಅವುಗಳನ್ನು ಪಂಜರದಲ್ಲಿ ಬಂಧಿಸಿ ಹಿಂಸೆ ನೀಡುವ ಬದಲು, ಫೋಟೋ ಇಟ್ಟುಕೊಳ್ಳಿ.

ಪಕ್ಷಿಗಳ ಸೇವೆ ಮಾಡಿ: ಪಕ್ಷಿಗಳನ್ನು ಬಂಧಿಸಿ ಇಡುವುದು ಪಾಪದ ಕೆಲಸ ಎನ್ನಲಾಗುತ್ತದೆ. ಇದರಿಂದ ದೋಷಗಳು ಸಹ ಬರಬಹುದು, ಹಾಗಾಗಿ ಅವುಗಳನ್ನು ಮನೆಯಲ್ಲಿ ಇಟ್ಟುಕೊಳ್ಳಬೇಡಿ. ಅವುಗಳ ಸೇವೆ ಮಾಡಿ, ಹೊರಗೆ ಆಹಾರ ಮತ್ತು ನೀರನ್ನು ಇಡಿ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)