Shukra Gochar 2023: ಮಾರ್ಚ್ 12ರಿಂದ ಈ ರಾಶಿಯವರಿಗೆ ಸಂಕಷ್ಟ, ಕಷ್ಟಗಳು ಸಾಲಾಗಿ ಬರುತ್ತೆ

ಮೇಷ ರಾಶಿಯಲ್ಲಿ ಶುಕ್ರ ಸಂಚಾರವು ಅನೇಕ ಸ್ಥಳೀಯರಿಗೆ ಪ್ರಯೋಜನವನ್ನು ನೀಡುತ್ತದೆ. ಯಾವ ರಾಶಿಯವರಿಗೆ ಶುಕ್ರನ ಅದೃಷ್ಟ ಇರುತ್ತದೆಯೋ, ಆ ರಾಶಿಯವರ ಜೀವನದಲ್ಲಿ ಬದಲಾವಣೆ ಆಗಲಿದೆ. ಅಲ್ಲದೇ, ಎಲ್ಲಾ ಕೆಲಸದಲ್ಲಿ ಲಾಭ ಸಿಗಲಿದೆ.

ಆದರೆ ಈ ಶುಕ್ರನ ರಾಶಿ ಬದಲಾವಣೆಯಿಂದ ಕೆಲ ರಾಶಿಯವರಿಗೆ ಸಮಸ್ಯೆ ಆಗಲಿದೆ. ಜೀವನದಲ್ಲಿ ಸಲಾಗಿ ಸಮಸ್ಯೆಗಳು ಬರಲಿದೆ. ಒಂದೆಲ್ಲಾ ಒಂದು ಕಾರಣದಿಂದ ನೆಮ್ಮದಿ ಹಾಳಾಗುತ್ತದೆ. ಯಾವ ರಾಶಿಗೆ ತೊಂದರೆ ಜಾಸ್ತಿ ಎಂಬುದು ಇಲ್ಲಿದೆ.

ಜ್ಯೋತಿಷ್ಯಶಾಸ್ತ್ರದ ಲೆಕ್ಕಾಚಾರದ ಪ್ರಕಾರ, ಮಾರ್ಚ್ 12 ರ ಭಾನುವಾರ ಬೆಳಗ್ಗೆ 8.37 ಕ್ಕೆ ಶುಕ್ರನು ಮೇಷ ರಾಶಿಯನ್ನು ಪ್ರವೇಶಿಸುತ್ತಾನೆ. ಏಪ್ರಿಲ್ 6 ರಂದು ಬೆಳಿಗ್ಗೆ 11.10 ರವರೆಗೆ ಶುಕ್ರನು ಮೇಷದಲ್ಲಿ ಇರುತ್ತಾನೆ. ಅದರ ನಂತರ, ಶುಕ್ರನು ವೃಷಭ ರಾಶಿಯನ್ನು ಪ್ರವೇಶಿಸುತ್ತಾನೆ.

ವೃಶ್ಚಿಕ ರಾಶಿ: ಶುಕ್ರನು ವೃಶ್ಚಿಕ ರಾಶಿಯಲ್ಲಿ ಆರನೇ ಮನೆಯಲ್ಲಿ ಸಾಗುತ್ತಾನೆ. ಈ ಮನೆಯನ್ನು ಸ್ಪರ್ಧೆ, ಆರೋಗ್ಯ, ಶತ್ರು ಇತ್ಯಾದಿಗಳ ಮನೆ ಎಂದು ಪರಿಗಣಿಸಲಾಗುತ್ತದೆ. ಶುಕ್ರ ಸಂಚಾರವು ವೃಶ್ಚಿಕ ರಾಶಿಯವರಿಗೆ ಒಳ್ಳೆಯದಲ್ಲ. ಸಣ್ಣಪುಟ್ಟ ಕೆಲಸಗಳಿಗೂ ಕಷ್ಟಪಡಬೇಕಾಗಬಹುದು. ನಿಮ್ಮ ಆರೋಗ್ಯದ ಬಗ್ಗೆ ಜಾಗರೂಕರಾಗಿದ್ದರೆ ಉತ್ತಮ.

ತುಲಾ ರಾಶಿ: ಶುಕ್ರ ತುಲಾ ರಾಶಿಯ ಏಳನೇ ಮನೆಯಲ್ಲಿ ಸಂಚಾರ ಮಾಡಲಿದ್ದಾನೆ. ಈ ಮನೆಯನ್ನು ಸಂಗಾತಿ, ವ್ಯಾಪಾರದ ಮನೆ ಎನ್ನಲಾಗುತ್ತದೆ. ಅಲ್ಲದೇ, ಈ ರಾಶಿಯವರಿಗೆ ಶುಕ್ರ ಲಗ್ನ ಮತ್ತು ಎಂಟನೇ ಮನೆಗೆ ಅಧಿಪತಿ. ಈ ಕಾರಣದಿಂದ ರಾಶಿಯ ಜನರು ವ್ಯವಹಾರದಲ್ಲಿ ಕೆಲವು ತೊಂದರೆಗಳನ್ನು ಎದುರಿಸಬೇಕಾಗುತ್ತದೆ

ವೃಷಭ ರಾಶಿ: ಶುಕ್ರ ವೃಷಭ ರಾಶಿಯ ಹನ್ನೆರಡನೇ ಮನೆಯಲ್ಲಿ ಸಾಗಲಿದ್ದು, ಈ ರಾಶಿಯಲ್ಲಿ ಶುಕ್ರನು ಆರನೇ ಲಗ್ನದ ಅಧಿಪತಿ. ಹಾಗಾಗಿ ಈ ರಾಶಿಯ ಜನರಿಗೆ ಈ ಸಂಚಾರವು ಸಮಸ್ಯೆ ತರಲಿದೆ. ವಿಪರೀತ ಖರ್ಚು ಹೆಚ್ಚಾಗಲಿದೆ. ಆರೋಗ್ಯದ ಕಡೆಗೂ ವಿಶೇಷ ಗಮನ ಕೊಡಿ. ವೈವಾಹಿಕ ಜೀವನದಲ್ಲಿ ಕೆಲವು ಸಮಸ್ಯೆಗಳಾಗುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)