Shani Yogas: ಶನಿಯ ಈ ಯೋಗಗಳಿದ್ರೆ ಸಾಕು ನಿಮ್ಮ ಬಾಳು ಬಂಗಾರವಾಗುತ್ತೆ

ಶನಿಯಿಂದ ಜೀವನದಲ್ಲಿ ಏನೆಲ್ಲಾ ಸಮಸ್ಯೆಗಳನ್ನು ಅನುಭವಿಸಬೇಕಾಗುತ್ತದೆ ಎಂಬುದನ್ನ ನಾವು ಹೆಚ್ಚಾಗಿ ಹೇಳಬೇಕಿಲ್ಲ. ಅದರಲ್ಲೂ ಸಾಡೇಸಾತಿ ಇದ್ದರಂತೂ ಕೇಳುವುದೇ ಬೇಡ. ನಾವು ಬದುಕಿರುವುದೇ ಬೇಡ ಅನಿಸುತ್ತದೆ.

ಶನಿಕಾಟ ಆರಂಭವಾಯಿತು ಎಂದರೆ ಜೀವನದಲ್ಲಿ ಸಮಸ್ಯೆಗಳ ಮಳೆ ಸುರಿಯುತ್ತದೆ. ಯಾವುದೇ ಕೆಲಸಗಳು ನಿಮ್ಮ ಕೈ ಹಿಡಿಯುವುದಿಲ್ಲ, ಕುಟುಂಬಸ್ಥರು ದೂರವಾಗುತ್ತಾರೆ. ಒಟ್ಟಾರೆಯಾಗಿ ಒಂದೆಲ್ಲಾ ಒಂದು ರೀತಿಯ ಕಷ್ಟಗಳು ಬರುತ್ತವೆ. ಆದರೆ ಶನಿಯ ಯೋಗಗಳು ಮಾತ್ರ ನಿಮ್ಮ ಜೀವನದಲ್ಲಿ ಒಳ್ಳೆಯದನ್ನು ಮಾಡುತ್ತವೆ. ಆ ಯೋಗಗಳು ಯಾವುವು ಎಂಬುದು ಇಲ್ಲಿದೆ.

ಶಶ ಯೋಗ: ಪಂಚ ಮಹಾಪುರುಷ ಯೋಗಗಳಲ್ಲಿ ಈ ಶಶ ಯೋಗ ಸಹ ಒಂದು. ಲಗ್ನ ಕೇಂದ್ರದಲ್ಲಿ ಶನಿಯ ಸಂಚಾರವಾದಾಗ ಈ ಯೋಗ ರೂಪುಗೊಳ್ಳುತ್ತದೆ. ಇದರಿಂದ ಜೀವನದಲ್ಲಿ ಬಹಳ ಒಳ್ಳೆಯದಾಗುತ್ತದೆ. ಅಧಿಕಾರ, ಕಾನೂನು ವಿವಾದದಲ್ಲಿ ಜಯ ಹೀಗೆ ಎಲ್ಲವೂ ನಿಮಗೆ ಸಿಗುತ್ತದೆ. ಅಲ್ಲದೇ, ನಿಮ್ಮನ್ನ ಸೋಲಿಸುವವರು ಯಾರೂ ಇರುವುದಿಲ್ಲ.

ಜಾತಕದಲ್ಲಿ ಶಶ ಯೋಗ ಇದ್ದರೆ ಉನ್ನತ ಅಧಿಕಾರ, ಸಮಾಜದಲ್ಲಿ ಗೌರವ ಸಿಗುತ್ತದೆ. ಅಲ್ಲದೇ ಆರ್ಥಿಕ ಸಮಸ್ಯೆಗಳು ಸಹ ನಿವಾರಣೆಯಾಗುತ್ತದೆ ಮಾತ್ರವಲ್ಲದೇ ಶ್ರೀಮಂತಿಕೆ ನಿಮ್ಮನ್ನ ಹುಡುಕಿ ಬರುತ್ತದೆ. ಈ ಯೋಗ ಇದ್ದರೆ ಶನಿಯಿಂದ ಸಹ ಯಾವುದೇ ಸಮಸ್ಯೆ ಬರುವುದಿಲ್ಲ.

ಸಪ್ತಮಸ್ಥ ಶನಿ: ಜಾತಕದಲ್ಲಿ ಶನಿಯು ಏಳನೇ ಮನೆಯಲ್ಲಿ ಇದ್ದರೆ ಸಪ್ತಮಸ್ಥ ಶನಿ ಯೋಗ ರೂಪುಗೊಳ್ಳುತ್ತದೆ. ಈ ರೀತಿ ಯೋಗ ಇದ್ದರೆ ನೀವು ಶ್ರೀಮಂತರಾಗುತ್ತೀರಿ ಎನ್ನಲಾಗುತ್ತದೆ. ಆದರೆ ಈ ಸ್ಥಾನದಲ್ಲಿ ಶನಿ ಇದ್ದರೆ ಮದುವೆ ನಿಧಾನವಾಗಿ ಆಗುತ್ತದೆ. ಹಾಗೆಯೇ ಮದುವೆಯ ನಂತರ ಅದೃಷ್ಟದ ಸುರಿಮಳೆ ಆಗಲಿದೆ.

ಶನಿ ಶುಕ್ರ ಯೋಗ: ಶನಿ ಹಾಗೂ ಶುಕ್ರನ ಸಂಯೋಗ ಈ ಯೋಗಕ್ಕೆ ಕಾರಣ ಎನ್ನಬಹುದು. ಶುಕ್ರ ನಮಗೆ ಸುಖ ಹಾಗೂ ಸಮೃದ್ಧಿ ನೀಡುವ ಗ್ರಹ. ಹಾಗಾಗಿ ಶನಿ ಮತ್ತು ಶುಕ್ರ ಗ್ರಹ ಒಂದಾದರೆ ನಿಮ್ಮ ಜೀವನದ ಸಮಸ್ಯೆಗಳು ನಿವಾರಣೆಯಾಗುತ್ತದೆ ಹಾಗೂ ನೀವು ಶ್ರೀಮಂತರಾಗುತ್ತೀರಿ. ಅಲ್ಲದೇ, ಜೀವನದಲ್ಲಿ ಹಣದ ಕೊರತೆ ಸಹ ಆಗುವುದಿಲ್ಲ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)