Shani Blessings: 30 ವರ್ಷಗಳ ನಂತರ ಈ ರಾಶಿಯವರ ಮೇಲೆ ಶನಿ ಕೃಪೆ, ಇದಕ್ಕಿಂತ ಅದೃಷ್ಟ ಬೇರೆ ಇಲ್ಲ

ಶನಿಯನ್ನು ನಮ್ ಕರ್ಮಗಳಿಗೆ ಫಲ ನೀಡುವ ಗ್ರಹ ಎನ್ನಲಾಗುತ್ತದೆ. ನಾವು ತಪ್ಪು ಮಾಡಿದರೆ ಅದಕ್ಕೆ ತಕ್ಕ ಪಾಠ ಕಲಿಸುವ ಗ್ರಹ ಈ ಶನಿ. ಅದರಲ್ಲೂ ಶನಿ ಸಾಡೇ ಸಾತಿ ಇದ್ದರಂತೂ ಆ ರಾಶಿಯವರ ಬದುಕು ಯಾರಿಗೂ ಬೇಡ. ಅಷ್ಟೊಂದು ಕಷ್ಟಗಳು ಅವರನ್ನ ಕಾಡುತ್ತದೆ.

ಶನಿ ಗ್ರಹಗಳಲ್ಲಿ ಬಹಳ ನಿಧಾನವಾಗಿ ಸಂಚರಿಸುವ ಗ್ರಹ ಎನ್ನಲಾಗುತ್ತದೆ. ಇದು ಒಂದು ರಾಶಿಯಿಂದ ಇನ್ನೊಂದು ರಾಶಿಗೆ ಹೋಗಲು ಒಂದೂವರೆ ವರ್ಷಗಳನ್ನು ತೆಗೆದುಕೊಳ್ಳುತ್ತದೆ. ಆ ಒಂದೂವರೆ ವರ್ಷ ಯಾವ ರಾಶಿಯಲ್ಲಿ ಇರುತ್ತದೆಯೋ ಅವರಿಗೆ ಬಹಳ ಕಷ್ಟಗಳಾಗುತ್ತದೆ.

ಮತ್ತೊಂದು ಮುಖ್ಯವಾದ ಅಂಶವೆಂದರೆ ಶನಿಯ ಸಾಡೇ ಸಾತಿ ಸುಮಾರು 7ವರೆ ವರ್ಷಗಳ ಕಾಲ ಇರುತ್ತದೆ. ಆದರೆ ಇದು ಒಟ್ಟಿಗೆ ಇರುವುದಿಲ್ಲ. ಆಗಾಗ 2 ವರೆ ವರ್ಷಗಳ ಕಾಲ ಇರುತ್ತದೆ. ನಂತರ ಕೆಲ ವರ್ಷಗಳು ಯಾವುದೇ ಸಮಸ್ಯೆ ಇರುವುದಿಲ್ಲ. ಒಟ್ಟಾರೆ 7ವರೆ ವರ್ಷಗಳ ಕಾಲ ಶನಿಯ ಕಾಟ ತಪ್ಪಿದ್ದಲ್ಲ.

ಇತ್ತೀಚೆಗಷ್ಟೇ ಶನಿ ತನ್ನ ರಾಶಿಯನ್ನ ಬದಲಿಸಿದ್ದು, ಬರೋಬ್ಬರಿ 30 ವರ್ಷಗಳ ನಂತರ ಕುಂಭ ರಾಶಿಯನ್ನು ಪ್ರವೇಶ ಮಾಡಿದೆ. ಶನಿಯ ಈ ಪ್ರವೇಶದಿಂದ ಅನೇಕ ರಾಶಿಗಳ ಜೀವನದಲ್ಲಿ ಬಹಳ ಬದಲಾವಣೆ ಆಗಲಿದೆ. ಕೆಲ ರಾಶಿಯವರಿಗೆ ಸಾಡೇಸಾತಿ ಮುಗಿದರೆ, ಕೆಲವರಿಗೆ ಸಮಸ್ಯೆ ಆಗಲಿದೆ.

ಈ ಶನಿ ಬಹಳ ವಿಚಿತ್ರ ಸಾಡೇಸಾತಿ ಸಮಯದಲ್ಲಿ ಸಾಲು ಸಾಲು ಕಷ್ಟಗಳನ್ನು ಕೊಡುತ್ತಾನೆ. ಆದರೆ ಕೆಲವೊಮ್ಮೆ ಸಾಡೇಸಾತಿ ಇದ್ದರೂ ಆ ರಾಶಿಯವರಿಗೆ ಸಂತೋಷ ನೀಡುತ್ತದೆ. ಸದ್ಯ ಈ ಶನಿಯಿಂದ 2 ರಾಶಿಯವರಿಗೆ ಬಹಳ ಲಾಭವಾಗಲಿದ್ದು, ಆ ರಾಶಿಗಳು ಯಾವುವು ಎಂಬುದು ಇಲ್ಲಿದೆ.

ಧನಸ್ಸು: ಧನಸ್ಸು ರಾಶಿಯವರ ಜೀವನದಲ್ಲಿ ಶನಿ ಬಹಳ ಮುಖ್ಯ. ಈ ರಾಶಿಯವರಿಗೆ ಜನವರಿಯಿಂದ ಸಾಡೇಸಾತಿ ಮುಗಿದಿದ್ದು, ಇನ್ನೇನಿದ್ದರೂ ಸಹ ಸಂತೋಷ ಮಾತ್ರ ಉಳಿಯಲಿದೆ. ಈ ಶನಿಯ ಕಾರಣದಿಂದ ಇಷ್ಟು ದಿನ ಪಟ್ಟಿದ್ದ ಕಷ್ಟಕ್ಕೆ ಮುಕ್ತಿ ಸಿಗುತ್ತದೆ. ಅಲ್ಲದೇ, ಅಪಾರವಾದ ಸಂಪತ್ತು ಕೈ ಸೇರುತ್ತದೆ.

ವೃಶ್ಚಿಕ: ಈ ರಾಶಿಯವರಿಗೆ ಸಹ ಶನಿಯಿಂದ ಬಹಳ ಒಳ್ಳೆಯದಾಗಲಿದ್ದು, ಯಾವುದೇ ಕೆಲಸ ಮಾಡಿದರೂ ಯಶಸ್ಸು ಸಿಗುತ್ತದೆ. ಹಾಗೆಯೇ, ಸಾಲದ ಸಮಸ್ಯೆಯಿಂದ ಮುಕ್ತಿ ಸಿಗಲಿದ್ದು, ಆರ್ಥಿಕವಾಗಿ ಲಾಭವಾಗಲಿದೆ. ಇದರ ಜೊತೆಗೆ ಈ ಶನಿಯಿಂದ ಕುಟುಂದಲ್ಲಿ ಸಹ ಸಂತೋಷ ಮನೆ ಮಾಡುತ್ತದೆ.

(ಹಕ್ಕುತ್ಯಾಗ: ಈ ಲೇಖನದಲ್ಲಿ ನೀಡಲಾದ ಮಾಹಿತಿಯು ಜನರ ನಂಬಿಕೆಗಳು ಮತ್ತು ಅಂತರ್ಜಾಲದಿಂದ ಸಂಗ್ರಹಿಸಿದ ಮಾಹಿತಿಯನ್ನು ಆಧರಿಸಿದೆ. ನ್ಯೂಸ್ 18 ಇದನ್ನು ಖಚಿತಪಡಿಸಿಲ್ಲ ಎಂಬುದನ್ನು ದಯವಿಟ್ಟು ಗಮನಿಸಿ.)