Numerology: ಈ ಡೇಟ್​ನಲ್ಲಿ ಹುಟ್ಟಿದವರು ಅಂದ್ರೆ ಶನಿಗೆ ಬಹಳ ಇಷ್ಟವಂತೆ, ಫುಲ್ ಲಕ್ಕಿ ಇವರು

ನಮ್ಮಲ್ಲಿ ಹೆಚ್ಚಿನವರು ಜ್ಯೋತಿಷ್ಯವನ್ನು ನಂಬುತ್ತಾರೆ. ಅವರ ಜನ್ಮ ರಾಶಿಗಳ ಆಧಾರದ ಮೇಲೆ, ಅವರು ದೈನಂದಿನ ಜಾತಕ ಮತ್ತು ವಾರದ ಕುಂಡಲಿ ಮೂಲಕ ಮುಂದಿನ ದಿನಗಳ ಬಗ್ಗೆ ತಿಳಿದುಕೊಳ್ಳುತ್ತಾರೆ. ಯಾವುದೇ ಕೆಲಸವನ್ನು ಪ್ರಾರಂಭಿಸಬೇಕೇ ಅಥವಾ ಬೇಡವೇ ಎಂದು ಯೋಚಿಸುತ್ತಾರೆ.

ಹಾಗೆಯೇ, ನಾವು ಶನಿಗೆ ವಿಶೇಷ ಸ್ಥಾನವನ್ನು ನೀಡಿದ್ದೇವೆ. ನಮ್ಮ ಕರ್ಮಗಳಿಗೆ ಫಲ ನೀಡುವ ದೇವರು ಶನಿ ಎನ್ನಲಾಗುತ್ತದೆ. ಈ ಶನಿಗೆ ಕೋಪ ಬಂದರೆ ಜೀವನದಲ್ಲಿ ಕಷ್ಟಗಳು ಬರುವುದು ಗ್ಯಾರಂಟಿ. ಆದರೆ ಶುಭ ಸ್ಥಾನದಲ್ಲಿ ಇದ್ದರೆ ಬಹಳ ಒಳ್ಳೆಯದಾಗುತ್ತದೆ.

ಜಾತಕದ ಪ್ರಕಾರ ನಮ್ಮ ನೆತ್ತಿಯ ಮೇಲಿದ್ದರೆ ಏನು ಮಾಡಿದರೂ ಸಫಲವಾಗುವುದಿಲ್. ಆದರೆ ಇದು ತುಂಬಾ ತಪ್ಪು ಎನ್ನುತ್ತಾರೆ ಜ್ಯೋತಿಷಿಗಳು. ಜ್ಯೋತಿಷ್ಯದ ಪ್ರಕಾರ, ಶನಿ ಎಲ್ಲರಿಗೂ ಸಮಸ್ಯೆ ಮಾಡುವುದಿಲ್ಲ. ಕೇವಲ ಕೆಟ್ಟ ಕೆಲಸ ಮಾಡುವವರಿಗೆ ಮಾತ್ರ ಸಮಸ್ಯೆ ಮಾಡುತ್ತಾನೆ ಎನ್ನುತ್ತಾರೆ.

ಶುಭ ಕಾರ್ಯಗಳನ್ನು ಮಾಡುವವರ ಮೇಲೆ ಶನಿ ಯಾವಾಗಲೂ ಒಳ್ಳೆಯ ಕಣ್ಣಿ ಇಟ್ಟಿರುತ್ತಾನೆ ಎಂದು ಜ್ಯೋತಿಷಿಗಳು ಹೇಳುತ್ತಾರೆ. ಯಾವುದೇ ತಿಂಗಳಲ್ಲಿ ಈ ಮೂರು ದಿನಾಂಕಗಳಲ್ಲಿ ಜನಿಸಿದವರು ಶನಿ ದೇವರ ವಿಶೇಷ ಅನುಗ್ರಹವನ್ನು ಹೊಂದಿರುತ್ತಾರೆ ಎನ್ನುತ್ತಾರೆ ಜ್ಯೋತಿಷಿಗಳು.

ಸಂಖ್ಯಾಶಾಸ್ತ್ರದಲ್ಲಿ ಪ್ರತಿ ಗ್ರಹವು ಒಂದು ಸಂಖ್ಯೆಯೊಂದಿಗೆ ಸಂಬಂಧ ಹೊಂದಿದೆ. 1 ರಿಂದ 9 ರವರೆಗಿನ ಸಂಖ್ಯೆಗಳು ನವ ಗ್ರಹಗಳೊಂದಿಗೆ ಸಂಬಂಧ ಹೊಂದಿವೆ. ಪ್ರತಿಯೊಂದು ಸಂಖ್ಯೆಯು ಒಂದು ಗ್ರಹಕ್ಕೆ ಸಂಪರ್ಕ ಹೊಂದಿರುವುದರಿಂದ ಅದರ ಬದಲಾವಣೆ ಜೀವನದಲ್ಲಿ ಸಹ ಬದಲಾವಣೆಗೆ ಕಾರಣವಾಗಿದೆ.

ಸಂಖ್ಯೆ 8 ಶನಿಯೊಂದಿಗೆ ಸಂಬಂಧ ಹೊಂದಿದೆ ಎನ್ನಲಾಗುತ್ತದೆ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಎಂಟನ್ನು ಶನಿ ದೇವರು ಆಳುತ್ತಾನೆ. ಯಾವುದೇ ತಿಂಗಳ 8, 17 (1+7=8) ಮತ್ತು 26 (2+6=8) ರಂದು ಜನಿಸಿದವರು ಶನಿಯ ಪ್ರಭಾವಕ್ಕೆ ಒಳಗಾಗುತ್ತಾರೆ ಎಂದು ಸಂಖ್ಯಾಶಾಸ್ತ್ರ ತಜ್ಞರು ಹೇಳುತ್ತಾರೆ.

8, 17 ಮತ್ತು 26 ರಂದು ಜನಿಸಿದವರು ಶನಿಯಿಂದ ಹೆಚ್ಚು ಪ್ರಭಾವಿತರಾಗುತ್ತಾರೆ. ಹಾಗಾಗಿ ಅವರಿಗೆ ಹುಟ್ಟಿನಿಂದಲೇ ಕಷ್ಟಪಟ್ಟು ದುಡಿಯುವ ಅಭ್ಯಾಸವಿರುತ್ತದೆ. ಇದಲ್ಲದೇ, ಸಂಖ್ಯಾಶಾಸ್ತ್ರದ ತಜ್ಞರು ಕೂಡ ಅವರು ಅದೃಷ್ಟವನ್ನು ಹೆಚ್ಚು ನಂಬುವುದಿಲ್ಲ ಎಂದು ಹೇಳುತ್ತಾರೆ. ಶ್ರಮಪಟ್ಟರೆ ಮಾತ್ರ ಏನನ್ನೂ ಸಾಧಿಸಬಹುದು ಎಂಬ ನಂಬಿಕೆ ಅವರಲ್ಲಿದೆ. ಇದಲ್ಲದೇ, ಅವರು ಯಾವಾಗಲೂ ಶನಿಯ ಕೃಪೆ ಹೊಂದಿರುತ್ತಾರೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)