Shani Transit 2023: ಈ ರಾಶಿಯವರಿಗೆ ಶನಿಯ ಕೃಪೆ, ಕನಸುಗಳೆಲ್ಲಾ ನನಸಾಗೋ ಸಮಯ ಇದು

ಬುಧವಾರ, ಜನವರಿ 17, 2023 ರಂದು ಶನಿಯು ಮಕರ ರಾಶಿಯನ್ನು ಬಿಟ್ಟು ಕುಂಭ ರಾಶಿಯನ್ನು ಪ್ರವೇಶಿಸಿದ್ದಾನೆ. ಈ ರಾಶಿಯು ಶನಿಯ ಮೂಲ ರಾಶಿ ಎಂದು ಜ್ಯೋತಿಷ್ಯ ಶಾಸ್ತ್ರವೂ ಹೇಳುತ್ತದೆ. ಶನಿಯು ಜುಲೈ 2025 ರವರೆಗೆ ಈ ರಾಶಿಯಲ್ಲಿ ಇರುತ್ತಾನೆ. ಎರಡೂವರೆ ವರ್ಷಗಳ ಈ ಅವಧಿಯಲ್ಲಿ, ಶನಿಯು ವಿವಿಧ ರಾಶಿಗಳ ಜೀವನದಲ್ಲಿ ಮಹತ್ತರವಾದ ಬದಲಾವಣೆಗಳನ್ನು ತರುತ್ತಾನೆ.

ಶನಿಯ ಕಾರಣದಿಂದ ಜೀವನದಲ್ಲಿ ಈ  5 ರಾಶಿಯವರಿಗೆ ಯಶಸ್ಸು ಸಿಗಲಿದೆ. ಶನಿ ರಾಶಿಯ ಬದಲಾವಣೆಯಿಂದಾಗಿ ಮೇಷ, ಮಿಥುನ, ತುಲಾ, ಧನು ಮತ್ತು ಮಕರ ರಾಶಿಯವರ ಉದ್ಯೋಗ, ಹಣಕಾಸು ಮತ್ತು ವೃತ್ತಿಪರ ವ್ಯವಹಾರದಲ್ಲಿ ಅಭಿವೃದ್ಧಿ ಆಗುತ್ತದೆ.

ಧನು ರಾಶಿ: ಈ ರಾಶಿಯವರಿಗೆ ಸಾಡೇಸಾತಿ ಮುಗಿದಿರುವ ಕಾರಣ ಅನೇಕ ಕಷ್ಟಗಳು ಮತ್ತು ಸಮಸ್ಯೆಗಳಿಂದ ಹೊರಬರುತ್ತಾರೆ. ಅವರ ಜೀವನದಲ್ಲಿ ಬೆಳಕು ಮೂಡಲು ಇದಕ್ಕಿಂತ ಉತ್ತಮ ಸಮಯ ಇನ್ನೊಂದಿಲ್ಲ. ಈ ಸಮಯದಲ್ಲಿ ಅಧಿಕಾರ ಯೋಗ, ಗೃಹ ಮತ್ತು ವಾಹನ ಯೋಗಗಳು ಸಿಗುತ್ತದೆ.

ಮಕರ: ಉದ್ಯೋಗದ ವಿಚಾರದಲ್ಲಿ ಮಾತ್ರವಲ್ಲದೆ ಆರ್ಥಿಕ ಸ್ಥಿರತೆ ಸಹ ಹೆಚ್ಚಾಗುತ್ತದೆ. ಅಲ್ಲದೇ ಈ ಸಮಯದಲ್ಲಿ ಮನಸ್ಸಿನ ಮುಖ್ಯ ಆಸೆಗಳು ಈಡೇರುತ್ತವೆ. ಗೃಹಯೋಗ ಮತ್ತು ವಾಹನ ಯೋಗಗಳಿವೆ. ನೀವು ಮನೆಯಲ್ಲಿ ಶುಭಕಾರ್ಯಗಳು ನಡೆಯುತ್ತವೆ.

ತುಲಾ: ಯಾವುದೇ ರೀತಿಯ ವ್ಯವಹಾರದಲ್ಲಿ ನಿಮಗೆ ಲಾಭ ಸಿಗಲಿದೆ. ವೃತ್ತಿಯಲ್ಲಿ ಹೊಸ ಅವಕಾಶ ಸಹ ಸಿಗಲಿದೆ. ಹಠಾತ್ ಆರ್ಥಿಕ ಲಾಭದ ಸೂಚನೆಗಳಿವೆ. ನಿಮಗೂ ಸಹ ಗೃಹಯೋಗ ಮತ್ತು ವಾಹನ ಯೋಗಗಳಿವೆ. ಸಮಾಜದಲ್ಲಿ ಖ್ಯಾತಿಯನ್ನು ಹೆಚ್ಚಿಸುತ್ತದೆ.

ಮಿಥುನ: ಈ ರಾಶಿಯವರಿಗೆ ಉದ್ಯೋಗದಲ್ಲಿ ಪ್ರಗತಿ ಸಿಗಲಿದೆ. ಬಾಕಿ ಉಳಿದಿರುವ ಎಲ್ಲಾ ಕೆಲಸಗಳು, ವ್ಯವಹಾರಗಳು ಮತ್ತು ವಹಿವಾಟುಗಳು ಯಶಸ್ವಿಯಾಗಿ ಪೂರ್ಣಗೊಳ್ಳುತ್ತವೆ. ಹೊಸ ವ್ಯವಹಾರಗಳಲ್ಲಿ ಹೂಡಿಕೆ, ರಿಯಲ್ ಎಸ್ಟೇಟ್, ಮದ್ಯ, ರಾಜಕೀಯ, ಸಮಾಜ ಸೇವೆಗಳು, ಐಟಿ, ವೈದ್ಯರಿಗೆ ಈ ಸಮಯದಲ್ಲಿ ಲಾಭ ಹೆಚ್ಚಾಗಲಿದೆ.

ಮೇಷ: ಈ ರಾಶಿಯವರು ಉದ್ಯೋಗದ ವಿಷಯದಲ್ಲಿ ಖಂಡಿತವಾಗಿಯೂ ಅಧಿಕಾರ ಯೋಗವಿದೆ ಎನ್ನಬಹುದು. ಆರ್ಥಿಕ ಬೆಳವಣಿಗೆ ಕಂಡುಬರುತ್ತದೆ. ಆರ್ಥಿಕ ಸಮಸ್ಯೆಗಳಿಂದ ಪರಿಹಾರ ಪಡೆಯುವ ಸಮಯ ಇದು. ನಿಮಗೆ ಸಂತಾನ ಯೋಗವಿದೆ.

ವೃಷಭ, ಸಿಂಹ, ವೃಶ್ಚಿಕ ಮತ್ತು ಮೀನ ರಾಶಿಯವರಿಗೆ ಶನಿಯ ಬದಲಾವಣೆಯಿಂದ ಒಳಿತೇ ಆಗಲಿದೆ. ಸಾಲದ ಸಮಸ್ಯೆಗಳು ಕಡಿಮೆಯಾಗುತ್ತವೆ. ಆರ್ಥಿಕವಾಗಿ ಸಹ ಲಾಭ ಸಿಗಲಿದೆ. ಮಕ್ಕಳ ಪ್ರಗತಿ, ಅನಾರೋಗ್ಯದಿಂದ ಚೇತರಿಕೆ, ಬಡ್ತಿ, ನಿರುದ್ಯೋಗಿಗಳಿಗೆ ಉದ್ಯೋಗ ನಿಶ್ಚಿತವಾಗಿದೆ.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)