Sade Sati 2023: ನಾಳೆ ಈ ರಾಶಿಗಳಿಗೆ ಸಾಡೇಸಾತಿಯಿಂದ ಸಿಗಲಿದೆ ಮುಕ್ತಿ! ಅದೃಷ್ಟ ನಿಮ್ಮನ್ನು ಹುಡುಕಿ ಮನೆಬಾಗಿಲಿಗೇ ಬರಲಿದೆ!

ವೈದಿಕ ಜ್ಯೋತಿಷ್ಯದ ಪ್ರಕಾರ, ವರ್ಷದ ಪ್ರಮುಖ ರಾಶಿ ಬದಲಾವಣೆ ನಾಳೆ ನಡೆಯಲಿದೆ. ಜನವರಿ 17 ರಂದು, ಶನಿಯು ತನ್ನ ಮೂಲ ರಾಶಿಯಾದ ಕುಂಭವನ್ನು ಪ್ರವೇಶಿಸಲಿದ್ದಾನೆ. ಇದರಿಂದ ಮಹತ್ತರವಾದ ಬದಲಾವಣೆ ಆಗಲಿದೆ.

ಈ ಬದಲಾವಣೆಯಿಂದ ಶನಿಯ ಧೈಯ ಮತ್ತು ಸಾಡೇಸತಿಯು ಕೆಲವು ರಾಶಿಗಳಿಂದ ಪ್ರಾರಂಭವಾಗುತ್ತದೆ. ಸಾಡೇಸಾತಿ ಮುಗಿಯುವ ರಾಶಿಗಳಿಗೆ ಅದೃಷ್ಟದ ದಿನಗಳ ಆರಂಭವಾಗಲಿದೆ. ಹಾಗೆಯೇ ಸಾಡೇಸಾತಿ ಆರಂಭವಾಗುವ ರಾಶಿಗಳಿಗೆ ಕಷ್ಟಗಳ ಸರಮಾಲೆ ಎನ್ನಬಹುದು.

ಜನವರಿ 17 ರಂದು ಶನಿಯು ಕುಂಭ ರಾಶಿಯನ್ನು ಪ್ರವೇಶಿಸಿದ ತಕ್ಷಣ, ಮಿಥುನ ಮತ್ತು ತುಲಾ ಅವರು ಸಾಡೇಸಾತಿಯಿಂದ ಮುಕ್ತಿ ಪಡೆಯುತ್ತಾರೆ. ಈ ಸಮಯದಲ್ಲಿ ಪ್ರಗತಿಗೆ ಹೊಸ ದಾರಿಗಳು ತೆರೆದುಕೊಳ್ಳುತ್ತವೆ. ಇದರ ಜೊತೆಗೆ ವ್ಯವಹಾರದಲ್ಲಿ ಲಾಭ ಪಡೆಯುವ ಸಾಧ್ಯತೆಗಳಿದೆ.

ಮತ್ತೊಂದೆಡೆ ಉದ್ಯೋಗಿಗಳಿಗೆ ಕಚೇರಿಯಲ್ಲಿ ಹೊಸ ಜವಾಬ್ದಾರಿಗಳು ಸಿಗುವ ಸಾಧ್ಯತೆ ಇರುತ್ತದೆ ಉದ್ಯೋಗದಲ್ಲಿ ಬಡ್ತಿ ಮತ್ತು ಹೆಚ್ಚಳದ ಸಾಧ್ಯತೆಗಳಿವೆ. ಅಲ್ಲದೇ ಹಾಳಾಗಿದ್ದ ಆರೋಗ್ಯವೂ ಸುಧಾರಿಸುತ್ತದೆ. ಈ ಸಮಯವು ವಿದ್ಯಾರ್ಥಿಗಳಿಗೆ ಉತ್ತಮವಾಗಿದ್ದು, ವಿದೇಶದಲ್ಲಿ ವಿದ್ಯಾಭ್ಯಾಸ ಮಾಡಲು ಬಯಸುವ ವಿದ್ಯಾರ್ಥಿಗಳ ಆಸೆಗಳು ಈಡೇರುತ್ತವೆ.

ಅಲ್ಲದೇ, ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ಶನಿಯು ಕುಂಭ ರಾಶಿಯನ್ನು ಪ್ರವೇಶಿಸಿದ ತಕ್ಷಣ, ಧನು ರಾಶಿಯವರು ಸಾಡೇಸತಿಯಿಂದ ಮುಕ್ತರಾಗುತ್ತಾರೆ. ಇದರಿಂದ ಇಷ್ಟು ದಿನ ಪಟ್ಟಿದ್ದ ಕಷ್ಟಕ್ಕೆ ಬೆಲೆ ಸಿಗುತ್ತದೆ. ಈ ಸಮಯದಲ್ಲಿ ಶನಿ ನಿಮಗೆ ಎಲ್ಲವನ್ನೂ ಕೊಡುತ್ತದೆ. ಆಸ್ತಿ, ವಾಹನ ಅಥವಾ ಚಿನ್ನ ಹೀಗೆ ಎಲ್ಲವನ್ನೂ ಕೊಡುತ್ತಾನೆ ಎನ್ನಲಾಗುತ್ತದೆ. ನೀವು ಎದುರಿಸುತ್ತಿರುವ ಆರೋಗ್ಯ ಸಮಸ್ಯೆಗಳಿಂದ ಪರಿಹಾರ ಸಿಗುತ್ತದೆ.

ಸಾಡೇಸಾತಿ ಮುಗಿಯುವುದರಿಂದ ಬಹಳ ದಿನಗಳಿಂದ ಬರಬೇಕಿದ್ದ ಹಣ ಸಿಗಲಿದೆ. ಆತ್ಮಸ್ಥೈರ್ಯ ಹೆಚ್ಚುತ್ತದೆ. ಈ ಸಮಯದಲ್ಲಿ ವೃತ್ತಿ ಜೀವನದಲ್ಲಿ ಸಹ ಒಳ್ಳೆಯದಾಗುತ್ತದೆ.

ಶನಿ ಕುಂಭರಾಶಿಯನ್ನು ಪ್ರವೇಶಿಸಿದ ತಕ್ಷಣ, ಮೀನರಾಶಿಗೆ ಸಾಡೇಸಾತಿ ಆರಂಭವಾಗುತ್ತದೆ. ಮೀನ ರಾಶಿಯ ಜೊತೆಗೆ ಕುಂಭ ಮತ್ತು ಮಕರ ರಾಶಿಯವರಿಗೆ ಈ ಸಾಡೇಸತಿ ಶುರುವಾಗಲಿದ್ದು, ಇದರಿಂದ ಸಮಸ್ಯೆಗಳು ಆರಂಭವಾಗುತ್ತದೆ. ಹಾಗಾಗಿ ಸ್ವಲ್ಪ ಜಾಗರೂಕರಾಗಿರಬೇಕು.

(Disclaimer: ಮೇಲಿನ ಲೇಖನದ ವರದಿಯು ಧಾರ್ಮಿಕ ನಂಬಿಕೆಗಳು ನಡೆದು ಬಂದ ಶಾಸ್ತ್ರದ ಪ್ರಕಾರವಾಗಿದೆ. ಇವುಗಳನ್ನು ನ್ಯೂಸ್ 18 ಕನ್ನಡ ಖಚಿತಪಡಿಸುವುದಿಲ್ಲ)