Shani Raja Yoga: 12 ರಾಶಿಗಳ ಮೇಲೆ ಶನಿಯ ಕಣ್ಣು, ರಾಜಯೋಗದಿಂದ ಯಾರಿಗೆಲ್ಲಾ ಬಿಕ್ಕಟ್ಟು?

ಮೇಷ: ಈ ರಾಶಿಯವರಿಗೆ ಶನಿಯು 10 ಮತ್ತು 11ನೇ ಮನೆಯ ಅಧಿಪತಿ. ಅಂದರೆ ಉದ್ಯೋಗ, ಆದಾಯ, ಪ್ರಗತಿ ಶನಿಯ ನಿಯಂತ್ರಣದಲ್ಲಿದೆ ಎನ್ನಬಹುದು. ಪ್ರಸ್ತುತ ಶನಿಯು ಈ ರಾಶಿಯವರಿಗೆ 11ನೇ ಮನೆಯಲ್ಲಿ ಸಂಚರಿಸುತ್ತಿರುವುದರಿಂದ ಉದ್ಯೋಗದಲ್ಲಿ ಪ್ರಗತಿ ಆಗಲಿದ್ದು, ಆದಾಯ ಹೆಚ್ಚಲಿದೆ. ಉದ್ಯೋಗದಲ್ಲಿ ಮಾತ್ರವಲ್ಲದೆ ಆರ್ಥಿಕವಾಗಿಯೂ ಶಕ್ತಿ ಹೆಚ್ಚಾಗಲಿದೆ.

ವೃಷಭ: ಈ ರಾಶಿಯವರಿಗೆ ಶನಿಯು 9 ಮತ್ತು 10ನೇ ಮನೆಯ ಅಧಿಪತಿ. ಅದೃಷ್ಟ, ವಿದೇಶ ಪ್ರವಾಸ, ವೃತ್ತಿ ಮುಂತಾದ ಪ್ರಮುಖ ಅಂಶಗಳು ಶನಿಯ ನಿಯಂತ್ರಣದಲ್ಲಿರುತ್ತವೆ. ಪ್ರಸ್ತುತ ಶನಿಯು ಈ ರಾಶಿಗೆ ಹತ್ತನೇ ಮನೆಯಲ್ಲಿ ಸಂಚಾರ ಮಾಡುತ್ತಿದ್ದು, ಇದರಿಂದ ಕೆಲಸದ ವಿಚಾರದಲ್ಲಿ ಸ್ಥಿರತೆ ಇರುತ್ತದೆ. ಅಲ್ಲದೇ ಉದ್ಯೋಗದಲ್ಲಿ ಉತ್ತಮ ಮನ್ನಣೆ, ಗೌರವ ಹೆಚ್ಛಾಗುತ್ತದೆ.

ಮಿಥುನ: ಈ ರಾಶಿಯವರಿಗೆ 8 ಮತ್ತು 9ನೇ ಮನೆಯ ಅಧಿಪತಿ ಶನಿ. ದೀರ್ಘಾಯುಷ್ಯ, ಪಿತ್ರಾರ್ಜಿತ ಆಸ್ತಿ, ದಿಢೀರ್ ಧನಲಾಭ, ಅದೃಷ್ಟ, ವಿದೇಶ ಪ್ರಯಾಣ ಮುಂತಾದ ಅಂಶಗಳು ಶನಿ ಕೈಯಲ್ಲಿವೆ. ಈ ರಾಶಿಯವರಿಗೆ ಶನಿಯು 9ನೇ ಮನೆಯಲ್ಲಿ ಸಂಚಾರ ಮಾಡುತ್ತಿರುವುದರಿಂದ ಆರ್ಥಿಕ ಲಾಭ ಸಿಗಲಿದ್ದು, ಆರ್ಥಿಕ ಸಮಸ್ಯೆಗಳ ಪರಿಹಾರ ಆಗುವ ಸಾಧ್ಯತೆ ಇದೆ.

ಕರ್ಕಾಟಕ ರಾಶಿ: ಈ ರಾಶಿಯವರಿಗೆ 7 ಮತ್ತು 8 ನೇ ಸ್ಥಾನದ ಅಧಿಪತಿಯಾದ ಶನಿಯು ಮದುವೆ, ಆಸ್ತಿ, ಸಂಪತ್ತು ಮತ್ತು ಆಯುಷ್ಯದಂತಹ ವಿಷಯಗಳಲ್ಲಿ ಅವರಿಗೆ ಬಹಳಷ್ಟು ಸಹಾಯ ಮಾಡುತ್ತಾರನೆ. ಸಂಗಾತಿಯ ಕಡೆಯಿಂದ ಆಸ್ತಿ ಸಿಗುವ ಸಾಧ್ಯತೆ ಇದ್ದು, ಪಾಲುದಾರಿಕೆ ವ್ಯವಹಾರ ಮಾಡಲು ಇದು ಉತ್ತಮ ಸಮಯ. ಅಲ್ಲದೇ. ಆರೋಗ್ಯದಲ್ಲಿ ಸುಧಾರಣೆ ಕಂಡುಬರುತ್ತದೆ.

ಸಿಂಹ: ಈ ರಾಶಿಯವರಿಗೆ ಶನಿಯು 6 ಮತ್ತು 7ನೇ ಮನೆಯ ಅಧಿಪತಿ. ಅಂದರೆ ಉದ್ಯೋಗ, ಸೇವೆ, ಸಾಲ, ಶತ್ರುಗಳು, ಮದುವೆ, ಪಾಲುದಾರಿಕೆ ಮುಂತಾದ ಅಂಶಗಳು ಶನಿಯ ಅಧೀನದಲ್ಲಿರುತ್ತದೆ. ಪ್ರಸ್ತುತ, ಶನಿಯು ಈ ರಾಶಿಯ ಏಳನೇ ಮನೆಯಲ್ಲಿದ್ದು, ಇದರಿಂದ ಬಹಳ ಲಾಭವಾಗಲಿದೆ. ಅಲ್ಲದೇ, ಈ ಸಮಯದಲ್ಲಿ ನಿರುದ್ಯೋಗಿಗಳಿಗೆ ಉತ್ತಮ ಉದ್ಯೋಗ ದೊರೆಯುತ್ತದೆ. ಶತ್ರುಗಳು ಮಿತ್ರರಾಗುತ್ತಾರೆ. ಹಣಕಾಸಿನ ಸಮಸ್ಯೆಗಳು ಪರಿಹಾರವಾಗುತ್ತವೆ.

ಕನ್ಯಾ: ಈ ರಾಶಿಯವರಿಗೆ ಶನಿಯು 5 ಮತ್ತು 6ನೇ ಮನೆಯ ಅಧಿಪತಿ. ಮಕ್ಕಳು, ಆಲೋಚನೆಗಳು, ಯೋಜನೆಗಳು, ತೀರ್ಥಯಾತ್ರೆ, ಸಾಲ, ಶತ್ರು, ಕಾಯಿಲೆಗಳು ಈ ಎಲ್ಲಾ ಅಂಶವನ್ನು ಶನಿಯು ಆಳುತ್ತಾನೆ. ಪ್ರಸ್ತುತ ಶನಿಯು ಆರನೇ ಮನೆಯಲ್ಲಿದ್ದು, ಇದರಿಂದ ಒಳ್ಳೆಯ ಪ್ರಯೋಜನ ಸಿಗಲಿದೆ. ಈ ಸಮಯದಲ್ಲಿ ಮಕ್ಕಳಿಲ್ಲದವರಿಗೆ ಮಕ್ಕಳಾಗುವ ಸಾಧ್ಯತೆ ಇದೆ.

ತುಲಾ: ಈ ರಾಶಿಯವರಿಗೆ 4 ಮತ್ತು 5ನೇ ಮನೆಯ ಅಧಿಪತಿ ಶನಿ. ಸಂತೋಷ, ಮನೆ, ಮಕ್ಕಳು, ಆಲೋಚನೆಗಳು, ನಿರ್ಧಾರಗಳು ಮತ್ತು ಯೋಜನೆಗಳು ಶನಿ ಅಡಿಯಲ್ಲಿದೆ. ಹಾಗಾಗಿ ಶನಿಯು ಈ ರಾಶಿಯವರಿಗೆ ಶುಭಫಲ ನೀಡುತ್ತಾನೆ. ಈ ಸಮಯದಲ್ಲಿ ಗೃಹಯೋಗ, ಸಂತಾನಯೋಗ, ವಾಹನಯೋಗ ಸಿಗುತ್ತದೆ.

ವೃಶ್ಚಿಕ: ಈ ರಾಶಿಯವರಿಗೆ ಶನಿಯು 3 ಮತ್ತು 4ನೇ ಮನೆಯ ಅಧಿಪತಿ. ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಒಡಹುಟ್ಟಿದವರು, ಸ್ನೇಹಿತರು, ಸಂಬಂಧಿಕರು, ಮನೆ, ವಾಹನ, ಸೌಕರ್ಯ, ತಾಯಿ ಮುಂತಾದ ಅಂಶಗಳು ಶನಿಯ ಆಳ್ವಿಕೆಯಲ್ಲಿವೆ. ಪ್ರಸ್ತುತ ಈ ರಾಶಿಯವರಿಗೆ ಶನಿಯು ನಾಲ್ಕನೇ ಮನೆಯಲ್ಲಿ ಸಂಚಾರ ಮಾಡುವುದರಿಂದ ವಾಹನ ಯೋಗ ಬರುವ ಸಾಧ್ಯತೆ ಇದೆ.

ಧನು ರಾಶಿ: ಈ ರಾಶಿಯವರಿಗೆ ಶನಿಯು 2 ಮತ್ತು 3ನೇ ಮನೆಯ ಅಧಿಪತಿ. ಈ ರಾಶಿಯವರಿಗೆ ಶನಿಯು ಪ್ರಸ್ತುತ ಮೂರನೇ ಮನೆಯಲ್ಲಿ ಸಂಚರಿಸುತ್ತಿರುವುದರಿಂದ ಕುಟುಂಬದಲ್ಲಿ ಒಳ್ಳೆಯ ಪ್ರಗತಿ ಆಗುತ್ತದೆ. ಒಡಹುಟ್ಟಿದವರೊಂದಿಗೆ ಉತ್ತಮ ಬಾಂಧವ್ಯ ಇರುತ್ತದೆ. ಪ್ರಯಾಣ ಮಾಡುವುದು ಲಾಭದಾಯಕವಾಗಲಿದೆ.

ಮಕರ ರಾಶಿ: ಈ ರಾಶಿಯವರಿಗೆ ಶನಿಯು ಒಂದು ಮತ್ತು ಎರಡನೇ ಸ್ಥಾನಗಳ ಅಧಿಪತಿ. ಎರಡನೇ ಮನೆಯಲ್ಲಿ ಶನಿ ಸಂಕ್ರಮಣ ಮಾಡುವುದರಿಂದ ಸಮಾಜದಲ್ಲಿ ಈ ರಾಶಿಯವರಿಗೆ ವೈಯಕ್ತಿಕ ಪ್ರತಿಷ್ಠೆ ಹೆಚ್ಚಾಗುವ ಸಾಧ್ಯತೆ ಇದೆ. ಹಣ ಗಳಿಸಲು ಅವಕಾಶವಿದೆ. ಕೌಟುಂಬಿಕ ಪರಿಸ್ಥಿತಿ ಸುಧಾರಿಸಲಿದೆ. ಬಹಳ ದಿನಗಳಿಂದ ಕಾಡುತ್ತಿದ್ದ ಕೆಲವು ವೈಯಕ್ತಿಕ ಸಮಸ್ಯೆಗಳು ಬಗೆಹರಿಯುತ್ತವೆ.

ಕುಂಭ: ಈ ರಾಶಿಯವರಿಗೆ ಶನಿಯು 12 ಮತ್ತು 1 ರಾಶಿಯ ಅಧಿಪತಿ. ಅಂದರೆ ವೈಯಕ್ತಿಕ ವಿಷಯಗಳು, ಖರ್ಚು, ಚಿಕಿತ್ಸೆ, ಪ್ರತಿಷ್ಠೆ ಇತ್ಯಾದಿಗಳು ಶನಿಯ ನಿಯಂತ್ರಣದಲ್ಲಿರುತ್ತದೆ. ಶನಿಯು ಈ ರಾಶಿಯಲ್ಲಿ ಸಂಚಾರ ಮಾಡುತ್ತಿರುವುದರಿಂದ, ಉದ್ಯೋಗ ಮತ್ತು ಹಣಕಾಸಿನ ವಿಷಯದಲ್ಲಿ ಲಾಭಗಳಿಸುತ್ತದೆ.

ಮೀನ ರಾಶಿ: ಈ ರಾಶಿಯವರಿಗೆ ಶನಿಯು 11 ಮತ್ತು 12ನೇ ರಾಶಿಯ ಅಧಿಪತಿ. ಉದ್ಯೋಗದಲ್ಲಿ ಪ್ರಗತಿ, ಆದಾಯ ಮತ್ತು ಲಾಭದಲ್ಲಿ ಹೆಚ್ಚಳ ಆಗಲಿದೆ. ಈ ರಾಶಿಯ ಜನರು ಉದ್ಯೋಗ ಮತ್ತು ಆದಾಯದ ವಿಷಯದಲ್ಲಿ ಅಭಿವೃದ್ಧಿ ಹೊಂದುತ್ತಾರೆ. ಅನಾರೋಗ್ಯದಿಂದ ಮುಕ್ತಿ ಸಿಗುತ್ತದೆ. ವ್ಯಾಪಾರದಲ್ಲಿ ನಿರೀಕ್ಷಿತ ಲಾಭ ಹೆಚ್ಚಾಗುವ ಸೂಚನೆಗಳಿವೆ.